Te Haere Taratahi-Kore | Quarantine-Free Travel

Puka Hāereere Taratahi Kore:

Ahitereiria (Australia) → Aotearoa kua whakatārewatia (Suspended)

He 7-rā te wā e wātea ana mō ‘ngā rerenga hoki kākāriki’ mai i ngā rohe takiwā katoa o Ahitereiria (hāunga a NSW) kia hoki ai te hunga haere ki te kāinga. Kāore te hunga hoki i runga i ēnei rerenga e mate ki te noho taratahi i te hokinga atu, engari anō mēnā kei te haere atu koe mai i Victoria.

Tēnā hihiratia auautia te whārangi Hāereere Taratahi-Kore kei te paetukutuku o Unite Against COVID-19 mō ngā mōhiohio hou rawa.

Ki te raru ō whakaritenga hāereere, ka taea e koe te whakapā atu ki tō pakihi rererangi, kaiwhakarite hāereere me te kaiinihua hāereere.

Ka pēhea te Haere Taratahi-Kore?

I tēnei wā, he ritenga Taratahi-Kore tō Aotearoa me ēnei motu:

  • Ahitereiria
  • Kūki Airani
  • Niue (mai i Niue ki Aotearoa anake)

Ko te tikanga o te Haere Taratahi-Kore, ko te neke mai i tētahi motu ki tētahi me te kore noho taratahi inā ka tae atu koe. Kāore hoki he take o te whakamātautau i mua i tāu wehenga.

Ka taea e te tangata te Haere Taratahi-Kore noa inā tatū ngā paearu ritenga, me ngā ritenga take manene o te motu e haere nā koe.

I tēnei wā, ko ngā Haere Taratahi-Kore, ko te haere i waenganui o Aotearoa me tētahi atu motu anake. Hei tauira, ka āhei koe ki te Haere Taratahi-Kore i waenganui o Kūki Airani me Aotearoa, engari me noho taratahi rawa koe mō te 14 rā i mua i te haerenga ki te whenua Taratahi-Kore o Ahitereiria.

Māna kei te noho kape koe, me mau ārai kanohi, uhi kanohi rānei inā haere mai ana koe ki Aotearoa, inā wehe atu ana rānei. Me mau ārai kanohi hoki koe i runga i ngā waka tūmatanui katoa o Aotearoa. Ko ētahi anō tāngata kāore he take ki te mau ārai kanohi.

Ki te panoni Te Pae Mataara ki Aotearoa, ki te rerekē rānei te āhuatanga ki tētahi motu Haere Taratahi-Kore, ka pāhongia e tēnei pae tukutuku (covid19.govt.nz), me ngā pae tukutuku rongo kōrero.

Ki te puta anō te mate ki te hapori i Aotearoa nei, i tētahi motu Taratahi-Kore rānei, tērā ka whakatūria e te Kāwanatanga te haere taratahi-kore hei aromātai i te tūraru, tērā rānei hīkina ngā haerenga mō tētahi wā roa ake. Me whai mahere te hunga haere, me rite hoki mō te tūpono raru rānei i ōu haerenga.

Tirohia mai ngā whakamārama hou rawa mō Te Haere Taratahi-Kore

Te haere Taratahi-Kore ki Aotearoa

E āhei ai koe ki te haere taratahi-kore ki Aotearoa:

  • me tutuki ngā here manene katoa
  • me whiwhi i tētahi whakamātautau wehe tōmua tōraro i roto i te 72 hāora i mua i te wehenga mēnā e haere mai ana koe i Ahitereiria.
  • me noho rawa koe ki Aotearoa, ki te motu rānei e haere nā koe mō te 14 rā. Hei tauira, mēnā e wehe ana koe i Ahitereiria, me mātua noho koe ki Ahitereiria, ki Aotearoa rānei mō te 14 rā e wātea ai ki te haere taratahi-kore. Ka wātea koe ki te haere atu i te 15 o ngā rā
  • mēnā kāore koe i raru i te whakamātautau KOWHEORI-19 i roto i te 14 rā i mua i tō wehenga. Mēnā kua pāngia kē koe, me mātua whiwhi tuhi whakaaetanga koe i tētahi kaimahi hauora, e kī ana kua makere katoa atu te mate i a koe
  • mēnā kāore koe i te tiaki kia hoki mai he whakamātautau KOWHEORI-19
  • me whakakī rawa he tauākī haerenga (external link) – mēnā kāore e whakakīa kāore koe e whakaaetia kia kake i te waka rererangi
  • me whakautu rawa he pātai e pā ana ki tō hauora hei te wehenga atu. Mēnā he mate tōu e taunaki ana i ōu tohumate, me kawe mai e koe tētahi tiwhikete hauora kia kore ai koe e aukatia ki te kake i te waka rererangi.

Rapua ētahi atu kōrero mō ngā whakamātautau wehe tōmua

I muri i tō taenga mai mai ki Aotearoa

Maharatia iho ōu tapuwae

Tāutangia, whakamahia hoki te taupānga Kaiaru KOWHEORI o Aotearoa. Kāore he raru nō Aotearoa rānei tō waea pūkoro, tō kaute Āporo, tō kaute Kūkara rānei, mō te tāuta i te Kaiaru KOWHEORI.

Tāutangia te Taupānga Kaiaru KOWHEORI o Aotearoa ki te Pātaka Taupānga (external link)

Tāutangia te Taupānga Kaiaru KOWHEORI o Aotearoa ki Kūkara Purei (external link)

E noho ki te kāinga mēnā kei te māuiui koe

Mēnā kei a koe ngā tohumate o te hūwiniwini, o te rewharewha o te KOWHEORI-19 rānei, me noho ki te kāinga ka waea atu ki:

  • te waea-hauora Healthline i te nama kore-utu 0800 358 5453
  • tō rata, rānei
  • tō kaiwhakarato hauora ā-iwi rānei.

Mā te mātanga hauora e tohu atu mēnā me whakamātautau koe. Tēnā waea atu ki tō rata i mua i tō haerenga atu mēnā he tohumate ōu.

Te haere Taratahi-Kore ki Ahitereiria

E haere taratahi-kore koe ki Ahitereiria:

  • me tatū ngā ritenga manene
  • me noho rawa koe ki Aotearoa, ki Ahitereiria rānei mō te 14 rā i mua i tō wehenga – arā ka āhei koe ki te haere atu i te 15 o ngā rā.
  • me whakakī rawa he tauākī haere kia 72 hāora rawa i mua i te wehenga atu i Aotearoa (https://covid19.homeaffairs.gov.au/australia-traveldeclaration (external link))
  • mēnā kāore ōu tohumate KOWHEORI-19
  • mēnā kāore koe i pāngia e tētahi tangata mate KOWHEORI-19
  • me tiro rawa kei te whakaae te rohe te takiwā rānei e haere ana koe, ki ngā rererangi Taratahi-Kore.

I muri i tō taenga atu ki Ahitereiria

I a koe i Ahitereiria, he ruarua ngā mea kia mahara iho koe e haumaru ake ai koutou ko tō whānau, ko te hapori hoki, i te KOWHEORI-19, pērā i te noho akuaku me te tuhi i ō wāhi taenga atu.

Mō ngā whakamārama mõ te KOWHEORI-19, mō ngā wāhi aronui, mō ngā tūāhua haerenga (tae atu ki ngā haerenga o te motu) me ngā whakamātautau, haere koa ki te pae tukutuku o te rohe kei reira koe. E whai ake nei ko ngā pārongo KOWHEORI-19 mō ia rohe, mō ia takiwā rānei:

Maharatia iho ngā wāhi i tae koe

Arā tonu tētahi taupānga aru mō Ahitereiria whānui, engari he taupānga kē tō te nuinga o ia rohe o ia takiwā. Ka taea e koe te tāuta i te nuinga o ēnei taupānga me te kāri SIM o Aotearoa. Me whai pea koe i tētahi kāri SIM o Ahitereiria, i ngā taipitopito whakapā o Ahitereiria rānei, hei whakamahi i ētahi o ēnei taupānga.

Ko tā mātou ki a koutou, me puri ēnei taupānga ki tō waea mō te 1 marama, mō te tūpono whiwhi whakatūpatotanga koe whai muri i tō wehenga atu i te rohe.

Ki te kore e taea, e pīrangitia rānei te whakamahi i te taupānga, me whakamahi rawa e koe ngā taupānga a ngā pakihi ake me ngā toa ake, i mua i tō takiurutanga.

Tāutangia ngā taupānga ā-rohe:

E noho ki te kāinga mēnā e māuiui ana koe

Mēnā e māuiui ana koe, e noho ki tō wāhi noho, ka waea atu ki te rata mō ētahi āwhina.

Waea atu ki te nama waea ā-Motu mō te rongoā ārai mate korona, KOWHEORI-19, ki te nama waea 1800 020 080. Kāore he utu mō te waea atu i roto o Ahitereiria. Ka āhei ki te waea atu i ngā haora 24 o te rā, i ngā rā e 7 o te wiki.

Te haere Taratahi-Kore ki Kūki Airani

E haere taratahi-kore koe ki Kūki Airani:

  • me tatū rawa ngā ritenga manene
  • me noho rawa koe ki Aotearoa, ki Ahitereiria rānei ki Kūki Airani rānei mō te 14 rā i mua i tō wehenga atu – arā ka āhei koe ki te haere atu i te 15 o ngā rā
  • mēnā kāore koe i pāngia e te KOWHEORI-19 i roto i te 14 rā i mua i tō wehenga. Mēnā kua pāngia kē koe, me mātua whiwhi tuhi whakaaetanga koe i tētahi kaimahi hauora, e kī ana kua makere katoa atu te mate i a koe
  • mēnā kāore koe i te tiaki kia hoki mai tō whakamātautau KOWHEORI-19.

I muri i tō taenga atu ki Kūki Airani

I a koe i Kūki Airani, he ruarua ngā mea kia mahara iho koe e haumaru ake ai koutou ko tō whānau, ko te hapori hoki, i te KOWHEORI-19, pērā i te noho akuaku me te tuhi i ō wāhi taenga atu.

He whakamārama anō kei te pae tukutuku a te Kāwanatanga o Kūki Airani (external link)

Maharatia iho ngā wāhi i tae koe

He pūnaha rerekē tō Kūki Airani. Māu rawa e:

  • rēhita ka kawe hoki i te Kāri QR o CookSafe hei takiuru ki ngā wāhi ka tae atu koe
  • whakakāngia te kaiaru Bluetooth o te taupānga CookSafe+.

Ka mahi tahi te taupānga CookSafe+ me te taupānga Kaiaru KOWHEORI o Aotearoa. Ko ngā waehere (ngā kī rānei) o Bluetooth ka tonoa mai, ka kohia rānei e te taupānga i tō waea mā tētahi o ngā taupānga nei, ka tuwhera anō ki tētahi atu. Ka mahi ngātahi ngā taupānga nei, ā, ka tangi te tūtei mēnā i pātata koe ki tētahi atu kaiwhakamahi taupānga i pāngia nei e te KOWHEORI-19.

Mō ētahi atu whakamārama mō te KĀRI QR o CookSafe (external link)

Tāutangia mai te taupānga CookSafe+ ki te Pātaka Taupānga (external link)

Tāutangia mai te taupānga CookSafe+ ki Kūkara Purei (external link)

E noho ki te kāinga mehemea māuiui koe

Mēnā e māuiui ana koe i Kūki Airani, e noho ki tō wāhi noho, ka ūhia tō kanohi, mēnā he uhi kanohi tōu. Kaua e whakamahi i ngā waka tūmatanui.

Waea atu ki te waea-hauora Healthline o Kūki Airani i te nama waea 29667 mō ētahi āwhina.

Last updated: