Whakamātautau i mua i te wehe mō te hunga haere ki Aotearoa | Pre-departure testing for travellers to New Zealand

Ka noho tonu ko te kauparenga nui mō tātou ko te ārai atu i te huaketo mai i Aotearoa.

E whakaritea ana kia whiwhi te nuinga o ngā kaihāereere ki Aotearoa i tētahi whakamātautau KOWHEORI-19 i mua i te wehe e kī ana kāore rātou i te mate mai i tētahi whare pūtaiao whaimana, i roto i te 72 hāora i mua i tō rātou wehenga tuatahi ki tāwāhi.

Ka wātea ngā whenua e whai ake nei i tētahi whakamātau i mua i te wehenga:

  • Te Tiri o te Moana (Antarctica)
  • Kuki Airani (The Cook Islands)
  • Ngā Whenua Tōpū o Maikoronihia (Federated States of Micronesia)
  • Whītī (Fiji)
  • Kiripati
  • Ngā Moutere o Marshall
  • Nauru
  • Kanaki (New Caledonia)
  • Niue
  • Pārao
  • Hāmoa (Samoa)
  • Ngā Motu o Horomona (Solomon Islands)
  • Tokerau
  • Tonga
  • Tūwaru
  • Whenuatū

Kua whakaūngia e te Manatu Hauora ngā momo whakamātautau e whai ake nei e whakaaetia ana mō ngā whenua katoa hāunga ngā whenua o Ahitereiria me ngā whenua tino mōrearea:

  • Whakamātau Whakarahi Waikawa Karihi (NAAT), kei roto ko te PCR, RT-PCR me te TMA,
  • LAMP,
  • whakamātau ā-paturopi (tērā pea e kīia ana he whakamātau wheori paturopi) rānei.

E whakaritea ana kia whiwhi ngā kaihāereere mai i Ahitereiria i ngā whakamātautau PCR, RT-PCR rānei i mua i te wehenga.

Me whai taunakitanga rawa ngā kaihāereere mai i ngā whenua tino mōrearea o tētahi whakamātautau ihu-korokoro RT-PCR (PCR) e kī ana kāore rātou i te mate mai i tētahi whare pūtaiao whaimana. 

Kimihia ētahi atu kōrero mō ngā whenua tino mōrearea

Ngā whakaritenga ahuwhānui mō ngā whakamātau i mua i te wehenga

Ka wātea ngā tamariki i raro iho i te rua tau (24 marama) i ngā whakamātautau i mua i te wehenga.

Ka wātea ngā kaihāereere e whakawhiti ana mā Aotearoa ki tō rātou taunga whakamutunga, me te noho i te taha rerenga, i ngā whakamātautau i mua i te wehenga.

Ko ngā kaihāereere kāore e āhei atu te whai whakamātautau nā ngā take rongoā, me toro atu ki tētahi tākuta i roto i te 72 hāora i mua i tō rātou wehenga. Me tuku rātou i tētahi tiwhikete rongoā ki a koe e kī ana e kore koe e āhei ki te whai tētahi whakamātautau nā ngā take rongoā, ā, kāore i a koe ngā tohumate o te KOWHEORI-19.

Mēnā he whakamātautau tāu i mua i te wehenga e kī ana kua whai tohumate koe, engari e whakapono ana koe nā tētahi whakapokenga o mua o te KOWHEORI-19, me toro atu koe ki tētahi tākuta māna koe e tirotiro mō ngā tohumate hou o te KOWHEORI-19.

Mēnā e tino mōhio ana ia kāore i a koe tētahi pokenga KOWHEORI-19 i taua wā tonu, māna e tuku ki a koe:

  • tētahi tiwhikete rongoā me te rā o tō whakamātautau o mua e kī ana kei te mate, ā, mēnā e hāngai ana,
  • ngā tuhinga e whāki ana, e whakaaro ana ia kua kore koe e pokea e te KOWHEORI-19.

E whakaaetia ana ngā tiwhikete rongoā i roto i ngā reo kē.

E tino tohutohua ana te hunga haere ki te pātai ki tō(ō) rātau kamupene rererangi mō ētahi atu whakaritenga whakamātau i mua i te wehenga. E tohutohua ana hoki rātau kia tirotirohia nga whakaritenga o ētahi atu whenua ka whakawhitia e rātau. 

Ngā whakaritenga whakamātautau o te Rā 0 mō ērā e haere ana ki Aotearoa 

Kia tae ki Aotearoa, e hiahiatia ana te nuinga o te hunga haere, hāunga ērā e haere mai ana hei wāhi ote Haerenga Taratahi Kore , kia:

  • Noho mō te 14 rā i roto i tā mātau tukanga noho mohoao, taratahi hoki
  • whiwhi i tētahi whakamātau PCR KOWHEORI-19 i te rā 0, arā, i tō rātau taenga ki te wāhi noho mohoao mō te wā tuatahi
  • noho ki roto i tō rātou rūma kia tutuki rā anō te putanga o taua whakamātautau
  • mēnā he tohumate ō rātou i te taetanga atu, ka kawea tikahia ki tētahi whare noho taratahi.

Ko te tikanga ka 24-48 hāora te roa i mua i te whiwhinga i ngā hua whakamātautau.

Mēnā ka kī te whakamātautau kāore te tangata i te mate, ka tutuki i a ia te toenga o te 14 rā i roto i te wāhi noho mohoao. Ka whakaritea kia whakamātautauria anō rātou i te rā 3 pea o te noho, ā, me te rā 12. I te nuinga o ngā kēhi, e hiahiatia ana tētahi whakamātautau KOWHEORI-19 e kī ana kāore te tangata i te mate me te whakaūtanga mai i tā mātou rōpū hauora he iti te mōrearea kua pāngia, o te horapa rānei i te KOWHEORI-19, i mua i te wehenga i te whare noho.

Mēnā e ai ki te otinga kei te pāngia te tangata, ka whakawhitia taua tangata ki te whare noho taratahi i mua noa atu mēnā kāore he whakamātautau rā 0.

Rapua ētahi atu kōrero mō te Haere Taratahi Kore

Ētahi atu mōhiohio

Mō ngā whakahounga hou rawa o te KOWHEORI-19, tēnā toro atu ki https://covid19.govt.nz/updates-and-resources/translations/

Mō ētahi atu mōhiohio mō te noho mohoao me te noho taratahi tēnā toro atu ki: https://www.miq.govt.nz/travel-to-new-zealand/arriving-in-nz/ (external link)

Last updated: