Te noho i te pae 4 | Living at Level 4

Mō te Pae Mataara 4 me:

  • Noho koe ki te kāinga, atu i te koringa mōu ake me whai.
  • Me tapu tō poihau. He mea nui te tiaki i ngā tāngata i tō poihau.
  • Me 2 mita te tawhiti i ngā tāngata o poihau kē atu i a koe e wehe atu ana i te kāinga ki te koringa mōu ake.
  • Me haere ki te papa tata ki a koe ki te kori, ki te hokomaha tata hoki ki te hoko, kaua ko te mea pai rawa atu ki a koe.
  • Katia ngā kaipakihi katoa e mahi kanohi ki te kanohi ana. Ka puare tonu ētahi kaipakihi engari ka tino rāhuitia.
  • Me mau ārai kanohi i ngā waka kawe pāhihi tūmatanui. E whakahaua ana kia mau hoki tētahi ina uaua kē te tū tīrara.
  • Me auau te horoi, te whakamaroke hoki i ō ringaringa. He mea nui kia auau te whai i ngā tikanga akuaku noa, tae atu ki te horoi ringaringa, te mare, te tihe rānei ki tō tuke, te whakapai hoki i ngā papa.
  • Whāia ngā wāhi i tae atu ai koe mā te taupānga Haurapa Mate Korona Aotearoa, mā te puka haurapa Mate Korona, mā te tuhituhi noa rānei. He āwhinatanga tēnei e wawe ai te haurapa pānga mēnā e hiahiatia ana.
  • Haere kia whakamātautauria koe mēnā kua pāngia koe e te maremare, e te rewharewha, e ngā tohu Mate Korona rānei. Hei whai tohutohu mō te whakamātaunga, waea atu ki tō tākuta, ki Healthline rānei i 0800 611 116.

Pāwhiria ki konei mō ngā kōrero mō te huaketo me ngā tohu o te Mate Korona

Pāwhiria ki konei mō ngā kōrero mō te Whakamātautau

Pāwhiria ki konei mō ngā kōrero mō te haurapa Hono Iarere

Ngā maruhā me ngā ārai kanohi

Me mau Maruhā, Ārai Kanohi hoki mā runga waka kawe pāhihi tūmatanui.

E whakahaua ana kia mau maruhā, ārai kanohi hoki mēnā he uaua kē te tū tīrara, pērā i ngā hokomaha, i ngā toa rānei.

Pāwhiria i konei mō ngā kōrero mō ngā maruhā me ngā ārai kanohi

Mātauranga

Kua katia katoatia ngā Akomanga Kōhungahunga, ngā puna kōhungahunga, ngā kura, me ngā kura wānanga.

Te haere ki rohe kē

Mā te tino whai take e taea ai te haere ki rohe kē.

Ngā wāhi tūmatanui

Me kati ngā wāhi tūmatanui. Ko ēnei ko ngā whare pukapuka, ko ngā whare pupuri taonga, ko ngā whare pikitia, ko ngā papa kai, ko ngā whare hākinakina, ko ngā puna kaukau, ko ngā papa tākaro, ko ngā mākete hoki.

Ngā hui tūmatanui

Kāore e whakaaetia kia tū ngā hui tūmatanui. Ko ēnei ko ngā tākaro, ko ngā mārena, ko ngā uhunga, tangihanga rānei, te aha noa. Me kaua koe e whakapā ā-tinana atu ki tētahi atu i tō ake poihau.

Te korikori me te tākaro

E taea ai te korikori, te tākaro māmā hoki ki roto i tō rohe tata, hei tauira, e āhei ana ki te hīkoi, ki te oma rānei tata ki tō kāinga. Ehara tēnei i te wā kia whāia e koe he koringa hou.

Ngā wāhi mahi me ngā kaipakihi

Me mahi i mamao ngā kaipakihi katoa atu i ērā kua tohua hei ratonga whai tikanga. Me whai ritenga e haumaru ai ngā kaimahi, me whakatiki i ngā whakapānga ki ngā kiritaki, me whakatiki hoki i te horanga o te Mate Korona.

I ngā wā ohotata

Ka haere tonu ngā mahi tuku ratonga pērā i ngā ratonga hauora, ngā ratonga whaipainga, me ngā kaikawe utanga. Me whai tonu ngā kaitukumahi i ēnei tū mahi i ngā tikanga hauora, haumaru anō. Ki te tūpono ka ohotata (pērā i te ahi, te rū whenua, te tai āniwhaniwha, te aha noa) whāia ngā ritenga ohotata. Ka whai mana kē atu ēnei ritenga ohotata i ērā o te Mate Korona, heoi me tū tīrara tonu i ngā wā e taea ai.

Pāwhiria ki konei mō ngā kōrero hei ārahi i a koe i ngā wā ohotata

Kei te hiahia āwhinatanga?

Mēnā e raru ana koe i te whai moni, i te kai, kua raru ā-hinengaro, ā-tinana rānei, tērā he āwhinatanga hei whai māu.

Pāwhiria ki konei mō ngā kōrero āwhina i te tangata takitahi

Pāwhiria ki konei mō ngā kōrero āwhina i ngā kaipakihi