Te noho i te pae 3 | Living at Level 3

Te Noho ki te Pae Mataara 3

Me noho koe ki te kāinga kei hora te mate. Me mahi mai i te kāinga, māna kāore e taea. Me ako mai i te kāinga ngā tamariki ina taea.

  • Mehemea kei te māuiui koe, me noho ki te kāinga. Kaua e haere ki te mahi, ki te kura rānei. Kaua e haere ki te kite i ētahi atu tāngata.
  • Mehemea kua pāngia koe e ngā tohumate o te maremare, o te rewharewha, o te KOWHEORI-19 rānei me waea atu ki tō tākuta, ki Healthline rānei i 0800 611 116 ki te whiwhi tohutohu kia whakamātauria ai koe.
  • Mehemea kua kīia ai koe kia noho taratahi, i raro i te ture me pērā koe inamata.
  • Mehemea kua whakamātauria ki te whakamātautau KOWHEORI-19, i raro i te ture me noho taratahi koe ki tō kāinga kia whiwhi rā anō koe i ō whakatau.

Te huaketo me ngā tohumate o te KOWHEORI-19

Te whakamātautanga

Ko tā ngā tāngata katoa i Tāmakimakaurau:

  • Me tū tīrara 2 mita te tawhiti i ētahi atu i waho atu o te kāinga,
    me te kotahi mita i ngā wāhi mahi.
  • Me mau uhia kanohi i runga i ngā waka tūmatanui, ngā rerenga, ina he uaua te tū tīrara rānei, pēnā ki te hokomaha me ngā toa.
  • Kia auau te horoi me te whakamaroke i ngā ringaringa.
  • Mehemea kua pāngia koe e ngā tohumate o te maremare, o te rewharewha rānei me waea atu ki tō tākuta, ki Healthline rānei kia whakamātauria ai koe. Kaua e hāereere, e haere ki te kura, ki te mahi rānei.
  • Me whakataki ō haerenga, me ngā tāngata ka kitea e koe i tō haerenga. Whakamahia te taupānga Whakataki KOWHEORI Aotearoa, he pukapuka whakataki Kowheori-19, he tuhinga taipitopito rānei.

Whakakāngia te whakataki ā-Hono Iarere

E whakaaetia ana ngā huihuinga o te 10 tāngata iti ake rānei, heoi anō, mō ngā mārena, ngā nehunga me ngā tangihanga anake. Ā-ture nei me tū tīrara, me whai hoki i ngā tohutohu hauora tūmatanui.

Ā-ture nei me mau uhi kanohi i runga i ngā waka tūmatanui, i runga i ngā rerenga ā-motu hoki.

E tino whakatenatena ana kia kaha te mau uhi kanohi i ngā tūāhuatanga kāore e taea te tū tīrara, pēnā ki ngā toa.

Ngā uhi kanohi

He mea nui kia whai koe i ngā āhuatanga māmā o te tikanga akuaku, tae atu ki te horoi ringaringa, te maremare, te matihe rānei ki te whatianga o tō ringa, me te hori o ngā papa katoa.

E tino whakatenatenahia ana kia whakatakina ō haerenga, me te hunga ka kite ai koe. He mea āwhina i te whakataki tere i te tangata ina hiahiatia.

Ki te Pae Mataara 3, mehemea kāore koe i te mahi, i te kura rānei, ā-ture nei me hoki koe ki tō mirumiru kāinga noho ai. E āhei ana koe ki te whakawhānui ake i tēnei:

  • kia pai ai tō hono atu ki te whānau takapiri
  • kia herea mai he kaitiaki, rānei
  • ki te tautoko i ngā tāngata e noho taratahi ana. 

He mea nui kia tiakina tō mirumiru. Me tāuke tō mirumiru, me whakaae anake kia uru mai te tangata mehemea ka pai tāu, me tā rātou noho haumaru, noho hauora anō hoki.

Ki te māuiui haere tētahi i roto i tō mirumiru, ā-ture nei me noho taratahi rātou i ētahi atu i te mirumiru.  Kaua e pōhiri, e whakaae rānei ki ngā manuhiri, pērā ki ngā hoa, te whānau whānui, whānau rānei ki te kuhu mai ki tō kāinga.

E āhei ana to hāereere i tō ake rohe, hei tauira, mō te haere ki te mahi, ki te kura rānei, ki te hokohoko, ki te whakapakari tinana rānei. E āhei ana te haere tonu o ngā waka tūmatanui i runga i ngā tino herenga hauora, haumaru hoki.

Te haere i waenga i ngā rohe

Ki te Pae Mataara 3 kua tino herea ngā haerenga i waenga i ngā rohe.

Kua tino herea te haerenga atu me te haerenga mai i ngā rohe Pae Mataara 3. Hei aukati i te hora o te mate tēnei mahi. Me tono whakaaetanga koe i tua atu kia pai ai tō haerenga i tētahi rohe Pae Mataara ki tētahi rohe Pae Mataara. 

Ngā papa tūmatanui

I runga i te ture me kati rawa ngā wāhi tūmatanui. Tae atu tēnei ki ngā whare pukapuka, ngā whare taonga, ngā whare pikitia, ngā kōti kai, ngā whare whakapakari tinana, ngā puna kaukau, ngā papatākaro me ngā mākete.

Ehara tēnei i te wā ki te ako i ngā ngohe hou, ki te hura rānei i a koe, i tō mirumiru rānei ki te mōrea. E āhei ana ngā ngohe ā-rēhia, iti te mōrea, ki tō ake rohe.

Ngā wāhi mahi me ngā pakihi

Ki te Pae Mataara 3, kua whakaritea he herenga ki te whakahaumaru i ngā kaimahi, ki te whakaiti hoki i te tāutuutu i waenga i ngā kaimahi me ngā kiritaki, hei ara aukati i te hora o te KOWHEORI-19.  Ko te tino tohutohu kia mahi mai i te kāinga ngā kaimahi ina taea.

Te tautoko ā-pūtea

Mehemea kei te raru koe mō te taha moni, arā pea he āwhina māu.

He tautoko mō te taha ki te kai, ki te moni, ki te noho, ki te noho haumaru, noho ora anō hoki

Last updated: