Tautoko mā te takitahi me ngā whānau | Support for individuals and families

Kimihia ngā mōhiohio mō te tautoko ā-pūtea, ā-oranga hoki hei te wā o te urutā KOWHEORI-19.

Oranga hinengaro

Ina whakaaro koe he taumaha rawa, he whaitake tonu te kōrero ki tētahi mātanga hauora.

Me pēhea te tiaki i tō oranga hinengaro

He nui nga āhuatanga e taea e tātou katoa te hiki i tō tātou oranga hinengaro me ērā o ō tātou e arohaina ana:

  • Me noho tūhono tonu ki ngā hoa me te whānau - he mea nui tēnei mō tō tātou oranga, ā, he āwhina kia noho haumaru ake, kia iti iho te pōkaikaha, me te iti iho te anipā.
  • Me whāki i ō kare ā-roto - he rongo māori noa te rongo i te wairua haukerekere, pōkaikaha, anipā, māharahara, mataku rānei. Whakawāteatia he wā e aro ai koe, e whakaputa ai koe i ō kare ā-roto.
  • Me whai tonu i ngā hātepe mēnā ka taea - me ngana ki te hanga i ngā whakaritenga auau i tō tauoranga, ā, kaua e whakapiki i ngā ritenga hauora-kore pēnei i te kai hāneanea, te inu, te kai paipa me te rehutupeka.
  • Tirohia ētahi atu tāngata e hiahia āwhina ana pea  - mā te toro atu o te ringa ki te hunga e pōkaikahatia ana pea, e māharahara ana rānei ka āwhina pea i a kōrua tahi.
  • Whakawhāitihia tō wā tuihono - kiakotahi, kia rua rānei ō tirohanga ki ngā arapāho me ngā pae pāpori i te rā.

Me kōrero koe ki a wai

E wātea ana ētahi waea āwhina e tuku tautoko, mōhiohio, āwhinatanga ana hoki mā te katoa e taumahatia ana e te oranga hinengaro. E wātea ana ngā ratonga katoa 24 hāora i te rā, 7 rā i te wiki.

Rapua he waea āwhina oranga hinengaro

Ngā ratonga me ngā tautoko

He pai noa iho te tono āwhina. I a tātau ka anga whakamua ana, he tāngata, he rōpū anō kei reira hei tautoko i a koe. Anei ngā tūmomo tohutohu, āwhina, tautoko hoki mēnā e hiahiatia ana e koe. Mēnā kāore koe i te mātau ki te reo Ingarihi, ka āhei koe ki te tono mō tētahi kaiwhakamāori ina waea atu ki te nuinga o ngā tari kāwanatanga.

Last updated: