எச்சரிக்கை நிலை 2 உடன் வாழ்வது | Living at Level 2

உங்களுக்கு ஜலதோஷம், ஃப்ளூ அல்லது COVID-19 போன்ற அறிகுறிகள் இருந்தால் வீட்டிலேயே இருங்கள் மற்றும் உங்கள் மருத்துவர் அல்லது கட்டணமில்லாமல் 0800 358 5453 என்ற எண்ணில் ஹெல்த்லைனை அழைத்து சோதனை செய்துகொள்வதை பற்றி ஆலோசனை பெறுங்கள். சோதனைக்கு கட்டணமில்லை என்பதை நினைவில் கொள்ளுங்கள்.

ஏதேனும் அவசரநிலை ஏற்பட்டால் உடனே 111 என்ற எண்ணை அழைக்கவும்.

எச்சரிக்கை நிலை 2 இல் நீங்கள் கண்டிப்பாக செய்ய வேண்டியது:

  • வீட்டிற்கு வெளியே மற்றவர்களிடமிருந்து 2-மீட்டர் இடைவெளியையும் பணியிடத்தில் 1-மீட்டர் இடைவெளியையும் கடைபிடிக்கவும்.
  • பின்வரும் சூழ்நிலைகளில் முககவசம் அணியவும்:
    • உங்கள் வயது 12 மற்றும் அதற்கு அதிகம் மற்றும் நீங்கள் நூலகங்கள், அருங்காட்சியகங்கள் மற்றும் ஷாப்பிங் மால்கள் போன்ற உட்புற பொது வசதிகள் உள்ளே இருந்தால்.
    • நீங்கள் விருந்தோம்பல் அரங்குகள் அல்லது பொது வசதிகள் வளாகங்களில் பணிபுரியும் வாடிக்கையாளரை எதிர்கொள்ளும் ஊழியர் என்றால்.
    • சமூக விலகல் சாத்தியமில்லை என்றால் (இதுவொரு கட்டாய தேவை இல்லையென்றாலும் இது மிகவும் பரிந்துரைக்கப்படுகிறது).
  • நீங்கள் எங்கே செல்கிறீர்கள் மற்றும் யாரை சந்திக்கிறீர்கள் என்று நினைவு வைத்துக்கொள்ளுங்கள். NZ COVID டிரேசர் செயலி, NZ COVID டிரேசர் கையேடு, அல்லது எழுத்து குறிப்புகளை பயன்படுத்தவும்.
  • நோய்வாய்ப்பட்டால் வீட்டிலேயே இருங்கள். பணிக்கோ அல்லது பள்ளிக்கோ செல்லாதீர்கள். நண்பர் உறவினர்களிடமிருந்து விலகியிருங்கள்.
  • COVID-19 இன் அறிகுறிகள் உங்களுக்கு ஏற்பட்டால் ஹெல்த்லைனை தொடர்புகொண்டு ஒரு சோதனைக்கு ஏற்பாடு செய்துக்கொள்ளுங்கள். உங்களுக்கு COVID-19 சோதனை செய்யப்பட்டால் உங்கள் முடிவுகள் வரும்வரை நீங்கள் சட்டப்பூர்வமாக வீட்டிலேயே தங்கியிருக்க வேண்டும்.
  • கேட்டுக்கொள்ளப்பட்டால் உடனடியாக சுய-தனிமைப்படுத்திக்கொள்ளுங்கள்.
  • உங்கள் கைகளை அடிக்கடி கழுவி உலர வையுங்கள்.

இதுபற்றி மேலும் அறிந்துகொள்ளுங்கள்:

கூட்டங்கள்

கூட்டங்கள், நிகழ்ச்சிகள் மற்றும் நிகழ்ச்சி அரங்கங்களில் பின்வரும் அதிகபட்ச நபர்களே அனுமதிக்கப்படுவார்கள்:

  • எந்தவொரு வரையறுக்கப்பட்ட உள்ளரங்க இடத்தில் 100 நபர்கள், மற்றும்
  • எந்தவொரு வரையறுக்கப்பட்ட வெளிப்புற இடத்தில் 100 நபர்கள்

இந்த கட்டுப்பாடுகள் திருமணங்கள், இறுதி சடங்குகள் மற்றும் tangihanga, மத சேவைகள், சமூக விளையாட்டுகள் மற்றும் பொழுதுபோக்கு செயல்பாடுகள், குடும்ப நிகழ்ச்சிகள் மற்றும் தனிநபர் விழாக்கள் போன்ற அனைத்து நிகழ்ச்சிகளுக்கும் பொருந்தும்.

வரையறுக்கப்பட்ட இடம் என்பது மற்ற இடங்களிலிருந்து தனித்து நிற்கும் ஒரு ஒற்றை உட்புற அல்லது வெளிப்புற இடமாகும்.

ஒரு இடவமைப்பில் 1-க்கும் மேற்பட்ட வரையறுக்கப்பட்ட இடமிருந்தால் இந்த இரண்டு இடங்களிலும் மக்கள் ஒன்று கலக்கக்கூடாது. இது உள்ளரங்கு மற்றும் வெளிப்புற பகுதிகளில் நுழைதல், வெளியேறுதல் அல்லது கழிவறைக்கு செல்லுதல் போன்றவற்றை உள்ளடக்கும்.

நிகழ்ச்சிகளில் சேவை வழங்குபவர்கள் இந்த உட்புற மற்றும் வெளிப்புற கூட்டம் கூடுபவர்களின் வரம்புகளில் சேர்க்கப்படவில்லை.

உட்புற மற்றும் வெளிப்புற இடங்களில் மக்கள் குழுமியிருந்தால் இந்த இரு வகை விருந்தினர்களும் ஒன்று கலக்காமல் இருப்பதை நீங்கள் எப்போதும் உறுதிபடுத்த வேண்டும். இதன் அர்த்தம் என்னவென்றால் பகிரப்படும் பகுதிகளில் தனித்தனி நுழைவாயில்கள் இருப்பதை உறுதிபடுத்துதல் ஆகும் — உதாரணமாக, கழிவறைகள் அல்லது ஆர்டர் செய்யவோ அல்லது தொகை செலுத்தவோ மக்கள் செல்லும் கவுண்டர்கள்.

எச்சரிக்கை நிலை 2 இல் கூட்டங்கள் பற்றிய மேலும் விவரங்களை பெறுங்கள்

பயணம் மற்றும் நடமாட்டம்

நீங்கள் நோய்வாய் பட்டால் வீட்டிலேயே இருங்கள். உங்களுக்கு உடல் ஆரோக்கியம் நன்றாக இருந்தால் நீங்கள் எச்சரிக்கை நிலை 2 இல் அதே எச்சரிக்கை நிலை 2 இல் உள்ள வேறெதேனும் மண்டலத்திற்கு பயணம் செய்வது உட்பட ஏதேனும் ஒரு பயணம் மேற்கொள்ளலாம். இதை பாதுகாப்பான முறையில் செய்வதை உறுதிபடுத்துங்கள்.  

எச்சரிக்கை நிலைகளின் எல்லைகளுக்கு அப்பால் மேற்கொள்ளும் எந்தவொரு தனிநபர் பயணமும் கண்டிப்பாக தடை செய்யப்பட்டுள்ளது. இது வைரஸ் பரவலை தடுப்பதில் உதவுவதற்காக. அவ்வாறான ஒரு பயணம் அனுமதிக்கப்பட்டால் மட்டுமே எச்சரிக்கை நிலைகளின் எல்லைகளுக்கு அப்பால் நீங்கள் பயணம் மேற்கொள்ளலாம்.

ஒரு சில வர்த்தக பயணங்கள் அனுமதிக்கப்படும். ஒரு சில தனிநபர் பயணங்கள் அனுமதிக்கப்படுகின்றன, உதாரணமாக மருத்துவ தேவைகள், அவசர நிலைகள், அபாயகட்டம் அல்லது வாழ்வின் இறுதி கட்டத்தில் இருப்பவர்களுக்கோ அல்லது பகிரப்பட்ட குழந்தை பராமரிப்பு போன்றவற்றிற்கு மருத்துவ சிகிச்சை அல்லது ஆதரவு சேவை. 

அனுமதிக்கப்படும் காரணங்களுக்காக நீங்கள் எச்சரிக்கை நிலை எல்லைகளை தாண்டி பயணம் மேற்கொண்டால் உங்களிடம் ஏற்றுக்கொள்ளக்கூடிய சான்றாவணங்கள் இருப்பதை உறுதிபடுத்துங்கள்.

எச்சரிக்கை நிலை எல்லைகளை தாண்டி பயணம் செல்லவேண்டிய காரணத்திற்கு அனுமதி மறுக்கப்பட்டால் நீங்கள் விதி விலக்கிற்காக விண்ணப்பிக்கலாம். உங்கள் விண்ணப்பம் பொருந்தும் நிபந்தனைகளை பூர்த்தி செய்ய வேண்டும்.

பயணம், நடமாட்டம் மற்றும் விதி விலக்குகளை பற்றி மேலும் விவரங்களை பெறுங்கள்

உடற்பயிற்சி மற்றும் பொழுதுபோக்கு

பாதுகாப்பாக செய்ய முடிந்தால் எச்சரிக்கை நிலை 2 இல் நீங்கள் உங்கள் வாடிக்கையான விளையாட்டு மற்றும் பொழுதுபோக்கு நடவடிக்கைகளை மேற்கொள்ளலாம். ஆனால் நீங்கள் நோய்வாய் பட்டால் வீட்டிலேயே இருங்கள். 

நீங்கள் பின்வரும் செயல்களை மேற்கொள்ளலாம்:

  • நடைபயிற்சி, சைக்கிள் சவாரி மற்றும் பொது பாதுகாக்கப்படும் நிலத்தில் வேட்டையாடுதல்
  • ஒரு பொது நீச்சல்குளத்தில் நீந்துதல் ஆனால் கட்டுபாடுகள் இருக்கும்
  • ஜிம்முக்கு செல்லுதல் ஆனால் கட்டுபாடுகள் இருக்கும்
  • படகு சவாரி மற்றும் மோட்டார் பொருத்திய நீர்விளையாட்டுகள்

விளையாட்டு மற்றும் பொழுதுப்போக்கும், கூட்டம் சேருதல் மற்றும் பதிவேடுகள் பராமரிப்பு வழிகாட்டல்கள் நிபந்தனைகளை பூர்த்தி செய்ய வேண்டும். 

உடற்பயிற்சி மற்றும் விளையாட்டுகளை முககவசம் அணிந்த நிலையில் மேற்கொள்வது கடினம் என்பதால் உடற்பயிற்சியின் போது முககவச நிபந்தனை பொருந்தாது.

ஜிம் அமைப்புகளில் மக்கள் மற்றவர்களிடமிருந்து 2-மீட்டர் இடைவெளியை கடைபிடிப்பது கட்டாயமாகும். அதாவது உட்புற ஜிம் அமைப்புகள் பங்குபெறும் நபர்களின் எண்ணிக்கையை கட்டுப்படுத்த வேண்டியிருக்கும்.

பொது இடங்களில் உடற்பயிற்சி செய்யும்போது சாத்தியமான சூழ்நிலைகளில் உங்களுக்கு அறிமுகம் இல்லாதவர்களிடமிருந்து 2-மீட்டர் இடைவெளியை கடைபிடியுங்கள்.

முக கவசங்கள் மற்றும் முகமூடிகள்

முகமூடிகள் பல்வேறு இடங்களில் கட்டாயமானவை. இதில் பொது போக்குவரத்து, மருத்துவமனைகள், சூப்பர்மார்க்கெட்டுகள் மற்றும் வேறு பல பொது வளாகங்கள் அடங்கும்.

நாம் மேலும் வலியுறுத்துவது என்னவென்றால் நீங்கள் வீட்டைவிட்டு வெளியேறும் போது முகமூடி அணிய வேண்டும் மற்றும் மற்றவர்களிடமிருந்து 2-மீட்டர் இடைவெளியை கடைபிடிக்க வேண்டும் என்பதாகும். குறிப்பாக மற்றவர்களிடமிருந்து சமூக இடைவெளியை கடைபிடிக்க இயலவில்லை என்றால். உதாரணமாக டேக்-அவேக்களை பிக் அப் செய்யும்போது.

நீங்கள் எப்பொழுதெல்லாம் முகமூடி அணிய வேண்டும் என்பதை பற்றி கண்டறியுங்கள்

உணவு மற்றும் வாழ்தலுக்கான ஆதரவு

பணம், உணவு, உங்கள் மனம் அல்லது உடல்நலம் இவற்றில் உங்களுக்கு ஏதேனும் பிரச்சினை இருந்தால் உங்களுக்கு ஆதரவு கிடைக்கலாம்.

தனிநபர்களுக்கு கிடைக்கப்பெறும் ஆதரவு பற்றிய தகவலுக்கு இங்கே கிளிக் செய்யவும்

வர்த்தகங்களுக்கு கிடைக்கப்பெறும் ஆதரவு பற்றிய தகவலுக்கு இங்கே கிளிக் செய்யவும்

கல்வி

மிக இளவயது கற்றல் மையங்கள், பாலர் பள்ளிகள், பள்ளிகள், மற்றும் மூன்றாம் நிலை கல்வி நிலையங்கள் அனைத்து வயதினருக்கும் வழக்கம்போல திறந்திருக்கும்.

குழந்தைகளை பள்ளிக்கு அனுப்புவது பாதுகாப்பானது.

பின்வரும் குழந்தைகள் அல்லது இளவயதினர் வீட்டிலேயே இருக்க வேண்டும்:

  • உடல் நலம் குன்றியவர்கள்
  • COVID-19 அறிகுறிகள் கொண்டவர்கள்
  • சுய-தனிமைப்படுத்தலில் இருப்பவர்கள்
  • COVID-19 சோதனை முடிவுகளுக்காக காத்திருப்பவர்கள்.

பள்ளிகளில் 12 வயது மற்றும் அதற்கு மேற்பட்ட குழந்தைகள் முகமூடி அணிவது வலுவாக பரிந்துரைக்கப்படுகிறது. 

பணியிடங்கள் மற்றும் வர்த்தகங்கள்

பொது சுகாதார தேவைகளை பூர்த்தி செய்யும் வணிக வளாகங்கள் ஊழியர்கள் மற்றும் வாடிக்கையாளர்களுக்காக திறக்கப்படலாம்.

பொது சுகாதார தேவைகள் என்பன பின்வருபனவற்றை உள்ளடக்கும்:

  • ஒரு NZ COVID டிரேசர் செயலி QR குறியீடை காட்சிபடுத்துவது மற்றும் மாற்று தொடர்புகள் கண்காணித்தல் அமைப்புகளை கொண்டிருப்பது; மற்றும்
  • கை கழுவுதல் மற்றும் அடிக்கடி மேற்பரப்புகளை சுத்தப்படுத்துதல் போன்ற சுகாதார நடவடிக்கைகளை பராமரித்தல், மற்றும்
  • சமூக இடைவெளி வழிகாட்டல்களை கடைபிடித்தல்.

பொது சுகாதார நடவடிக்கைகளை பூர்த்தி செய்யும் வாடிக்கையாளர்கள் வளாகங்களில் (உதாரணமாக அவர்கள் இல்லங்களில்) மற்றும் அவர்களின் நெருங்கிய தொடர்புகளுக்கு (உதாரணமாக அழகு கலைஞர்கள் மற்றும் சிகைதிருத்த நிபுணர்கள்) வழங்கப்படும் சேவைகள் செயல்படலாம். நெருங்கிய தொடர்பு சேவையகத்தில் பணிபுரிபவர்கள் முககவசங்கள் அணியவேண்டும்.

எந்தவொரு பணியிடமும் இந்த நடவடிக்கைகளுக்கு இணங்க வில்லையென்றால் அது இயங்க முடியாது.

சாத்தியமானால் அனைத்து வர்த்தகங்களும் மாற்று செயல்பாட்டு வழிமுறைகளை பயன்படுத்துமாறும் ஊழியர்களுடன் கலந்துரையாடி அபாயங்களையும் அவற்றை நிர்வாகம் செய்யும் வழிகளையும் கண்டறியுமாறும் கேட்டுக்கொள்ள படுகிறார்கள்.

வர்த்தகங்கள் மற்ற அனைத்து சுகாதார மற்றும் பாதுகாப்பு நிபந்தனைகளையும் பூர்த்தி செய்ய வேண்டும். தங்கள் ஊழியர்களை பாதுகாப்பாகவும் நலமாகவும் வைத்திட வேண்டும் மற்றும் குறைந்தபட்ச பணியமர்த்தல் தரங்களை பூர்த்தி செய்யவேண்டும்.

வர்த்தகங்கள் மற்றும் சேவைகளுக்கான சட்டபூர்வ பதிவேடு பராமரிப்பு

சில வர்த்தகங்கள் மற்றும் நிகழ்ச்சி ஒருங்கிணைப்பாளர்கள் உங்கள் வருகையை நீங்கள் பதிவு செய்யும் ஒரு வழிமுறையை ஏற்படுத்தியிருக்க வேண்டும். மக்கள் தங்கள் வருகையை பதிவு செய்ய ஒன்றுக்கும் மேற்பட்ட வழிமுறையை நீங்கள் பெற்றிருக்க வேண்டும், குறிப்பாக QR குறியீடுகளை ஸ்கேன் செய்யும் ஆற்றல் இல்லாதவர்களின் வசதிக்கு.

இதில் சிற்றுண்டியகங்கள், உணவகங்கள், குடிமனைகள், கசீனோக்கள், இசை நிகழ்ச்சிகள், முதியோர் இல்லங்கள், மருத்துவமனை வளாகங்கள் (நோயாளிகளை தவிர்த்து), சிகைதிருத்தகங்கள், உடற்பயிற்சி கூடங்கள், இரவு விடுதிகள், நூலகங்கள், நீதிமன்றங்கள், உள்ளூர் மற்றும் மத்திய அரசு ஏஜென்சி வளாகங்கள் மற்றும் வாடிக்கையாளர் சேவை கவுண்டர்களுடன் கூடிய சமூக சேவை வழங்குனர்கள் ஆகியன அடங்கும்.

நீங்கள் உங்கள் வருகையை பதிவு செய்யும் வழிமுறைகள் பின்வருபனவற்றை உள்ளடக்கும்: 

  • NZ COVID டிரேசர் செயலி மூலம் ஊழியர்களை ஸ்கேன் செய்ய கேட்பது
  • கைமுறையாக உங்கள் வாடிக்கையாளர் மற்றும் பார்வையாளர் தகவல்களை பதிவு செய்தல்
  • வாடிக்கையாளர் மற்றும் பார்வையாளர்களுக்கு காகித வடிவங்களை வழங்கி அவர்களின் விவரங்களை பூர்த்தி செய்ய கூறி அப்படிவங்களை ஒரு சேகரிப்பு பேட்டியில் இட கூறுதல் 
  • ஸ்வைப்-கார்டு அணுகல் அல்லது முன்பதிவுகள் போன்ற நடப்பிலுள்ள பதிவு-பராமரிப்பு முறைகளை பயன்படுத்துதல்

வாடிக்கையாளர் பதிவுகளை சேகரிக்க சட்டப்பூர்வமாக தேவைப்படவில்லை என்றாலும் வர்த்தகங்கள் QR குறியீடு சுவரொட்டியை காட்சிப்படுத்துவதை தொடர வேண்டும்.

தொடர்பு பதிவேடுகள் தனிநபர் தகவல்கள். அவை தனியுரிமை சட்டம் 2020 இன் கீழ் சேகரிக்கப்பட்டு பயன்படுத்தப்படவேண்டும், காண்பிக்கப்படவேண்டும் மற்றும் பாதுகாப்பாகவும் ரகசியத்தன்மை சிதையாமலும் அப்புறப்படுத்தப்பட வேண்டும். 

மாற்று பதிவேடு அமைப்புகள் பாதுகாப்பாகவும் ரகசியத்தன்மை சிதையாமலும் இருப்பதற்கு மிக அதிக கவனம் தேவை.

வர்த்தகங்களுக்கான பதிவேடு பராமரிப்பு மற்றும் தொடர்பு கண்காணித்தல் பற்றிய விவரங்களுக்கு இங்கே கிளிக் செய்யவும்

அனைத்து எச்சரிக்கை நிலைகளிலும் அவசரகால சேவைகள்

அனைத்து எச்சரிக்கை நிலைகளிலும் அவசரகால சேவைகள் இயங்கும்

ஏதேனும் ஒரு அவசரநிலை தோன்றினால் வாடிக்கையான அவசரநிலை வழிகாட்டல்களையோ அல்லது அவசரநிலை அதிகாரிகளின் ஆலோசனையையோ பின்பற்றவும். உங்கள் பாதுகாப்பிற்குதான் முன்னுரிமை

நீங்கள் பாதுகாப்பாக இருந்தால் சமூக இடைவெளியை கடைபிடித்தல் அல்லது முககவசம் அணிதல் போன்ற செயல்பாடுகளின் மூலம் COVID-19 இன் பரவலை தடுக்க முன்னெச்சரிக்கை எடுங்கள்.

உங்கள் உயிர் அல்லது உடைமைக்கு ஏதேனும் அச்சுறுத்தல் ஏற்பட்டால் எந்நேரமும் 111 என்ற எண்ணை டயல் செய்து காவல், தீயணைப்பு துறை அல்லது ஆம்புலன்சின் உதவியை கேளுங்கள்.

அவசரநிலையில் என்ன செய்வது என்பத அறிந்து கொள்ளுங்கள்.

Last updated: