Faigamalaga Tuusaunoa le Vaavaaia | Quarantine-Free Travel

Faigamalaga ua Lē Toe Faanofoesea mo le Vaavaaia mai:

Ausetalia (Australia) → Niu Sila e Taofia (Suspended)

Faamolemole fai ma siaki le itulau o Faigamalaga ua Lē Toe Faanofoesea mo le Vaavaaia i le upega tafailagi a le Unite Against COVID-19 mo faamatalaga e sili ona lata mai.

Afai ua aafia fuafuaga o lau faigamalaga, e mafai ona e faafesootaia lau kamupani vaalele, le ofisa malaga na fai ai lou avanoa, ma le kamupani o loo inisiua ai lau malaga. 

E faapefea ona faafoe Faigamalaga Tuusaunoa le Vaavaaia?

I le taimi nei, o loo iai faatulagana mo Faigamalaga Tuusaunoa le Vaavaaia i le va o Niu Sila ma:

  • Ausetalia
  • le Atu Kuki
  • Niue (ae na o malaga mai Niue i Niu Sila)

O Faigamalaga Tuusaunoa le Vaavaaia o lona uiga ua mafai ona e malaga i le va o atunuu e aunoa ma lou nofo ai i nofoaga o loo pulea ai le faanofoesea poo lou faanofoesea o oe lava i le taimi e te taunuu ai. E lē moomia ona e faia se siaki e faamaonia ai e te lē o aafia i le faama'i a o lei tuua se faigamalaga.

E mafai e soo se tagata ona malaga ma e tuusaunoa le vaavaaia pe afai latou te ausia faatulagana ma tuutuuga tau femalagaiga a le atunuu o le a faataunuu i ai le faigamalaga.

I le taimi nei, o Faigamalaga Tuusaunoa le Vaavaaia o loo faia na o Niu Sila ma se isi atunuu e tasi. Mo se faataitaiga, e ui i le mafai ona e malaga i se Faigamalaga Tuusaunoa le Vaavaaia i le va o le Atu Kuki ma Niu Sila, e moomia ona e nofo i Niu Sila mo le 14 aso a o e lei malaga atu i se Faigamalaga Tuusaunoa le Vaavaaia i Ausetalia.

Se'i vaganā ua tuusaunoaina oe, e tatau ona e faia se ufi fofoga poo se isi mea e ufiufi ai ou fofoga pe a e malaga atu po o le malaga mai Niu Sila. E tatau foi ona e faia se ufi fofoga i luga o auala uma mo femalagaiga lautele i totonu o Niu Sila. E iai tagata e lē moomia ona fai se mea e ufiufi ai fofoga.

Afai e iai se suiga i Vaega o Lapataiga i totonu o Niu Sila pe ua suia le tulaga i se atunuu o loo aofia i Faigamalaga Tuusaunoa le Vaavaaia, o le a faasilasila tulaga nei i le Covid19.govt.nz (le upegatafailagi lenei) ma upegatafailagi a ofisa faasalalau.

Afai e sasao le faama'i i totonu o afioaga i Niu Sila poo se atunuu o loo faia ai Faigamalaga Tuusaunoa le Vaavaaia, o le a taofia mo sina taimi e le Malo faigamalaga tuusaunoa le vaavaaia ae se'i suesue lamatiaga, po o le tolopō o faigamalaga mo se taimi umi. E tatau i tagata malaga ona fai se fuafuaga ma nofo sauni mo le faalavelavea o faigamalaga.

Saili i faamatalaga pito lata mai e uiga i Faigamalaga Tuusaunoa le Vaavaaia

Malaga i Niu Sila i se Faigamalaga Tuusaunoa le Vaavaaia

A e malaga i Niu Sila i se faigamalaga tuusaunoa le vaavaaia, e tatau ona e:

  • ausia tulaga uma tau femalagaiga o moomia
  • maua se faamaoniga e lē o aafia i totonu o le 72 itula a o lei tuua se faigamalaga pe afai e te malaga mai Ausetalia.
  • ia atoa lelei le 14 aso na e nofo ai i Niu Sila po o le atunuu o e malaga atu i ai. Mo se faataitaiga, afai e te malaga mai Ausetalia e moomia ona atoa le 14 aso na e nofo ai i Ausetalia poo Niu Sila ina ia mafai ai ona e agavaa mo se faigamalaga tuusaunoa le vaavaaia. E mafai ona e malaga mai le aso lona 15
  • e leai se faamaoniga ua e aafia i le COVID-19 i totonu o le 14 aso a o lei tuua se faigamalaga. Afai ua faamaonia ua e aafia i le faama'i, e tatau ona e tauaaoina se fautuaga tusitusia mai le fomai e faamaonia ai e te lē o maua i se tulaga e ono pepesi atu ai le faama'i i isi
  • e te lē o faatali mo iuga o le siaki o le COVID-19 sa fai
  • faatumu se tautinoga mo ē faimalaga mai (external link) — e lē mafai ona e ulufale atu i le vaalele pe afai e lei faatumua atoa le pepa lenei
  • tali fesili e uiga i lou soifua maloloina i le nofoaga e faatali ai le ulufale atu i le vaalele. Afai e te feagai ma se faaletonu tau soifua maloloina e faamatala ai ni āuga o feagai ma oe, ave se pepa ma'i e alofia ai le ono taofia o oe mai le ulufale atu i le vaalele.

Saili mo nisi faamatalaga e uiga i siaki e fai a o lei tuua se faigamalaga

Pe a e taunuu i totonu o Niu Sila

Fai ni faamaumauga o nofoaga e te alu i ai

Fai se kopi i lau telefoni feaveai ma faaaogā le NZ COVID Tracer app. E te lē moomia se telefoni e aogā i Niu Sila poo se ituaiga telefoni a le Apple poo se Google account e kopi ai le NZ COVID Tracer i lau telefoni.

Fai se kopi o le NZ COVID Tracer App e maua mai le App Store i lau telefoni feaveai (external link)

Fai se kopi o le NZ COVID Tracer App e maua mai le Google Play i lau telefoni feaveai (external link)

Nofo i le fale pe afai o e ma‘i

Afai o e fulū poo maua i āuga o le COVID-19, nofo i le fale ma vili le:

  • Healthline ma e vili fua i le 0800 358 5453
  • lau fomai, poo
  • lau iwi tau soifua maloloina o tausia oe.

O le a faailoa atu e se sui a le soifua maloloina pe tatau ona fai sau siaki e tusa ai ma faatulagana. Vili muamua le fomai pe afai ua e maua i ni āuga ae e te lei alu e vaai le fomai.

Malaga i Ausetalia i se Faigamalaga Tuusaunoa le Vaavaaia

A e malaga i Ausetalia i se faigamalaga tuusaunoa le vaavaaia, e tatau ona:

  • e ausia tuutuuga tau femalagaiga
  • atoa lelei le 14 aso e te nofo ai i Niu Sila poo Ausetalia a o e lei tuua le atunuu — o lona uiga e mafai ona e malaga i le aso lona 15 ma tua atu
  • e faatumua se tautinoga mo ē faimalaga mai i totonu o le 72 itula a o lei tuua Niu Sila (https://covid19.homeaffairs.gov.au/australia-travel-declaration (external link))
  • e lē o maua i ni āuga o le COVID-19
  • e lei fesootai vavalalata ma se tasi ua faamaonia ua maua i le COVID-19
  • faamautinoa o loo talia e le setete po o le teritori e te malaga i ai Faigamalaga Tuusaunoa le Vaavaaia.

Pe a e taunuu i totonu o Ausetalia

A o e nofo ai i Ausetalia, e iai mea e tatau ona e faia e tausia ai lou saogalemu, faapena ma le saogalemu o lou aiga ma afioaga mai le COVID-19, e aofia ai le tumamā lelei ma faamaumau nofoaga e te alu i ai.

Saili i faamatalaga e uiga i le COVID-19, nofoaga e te fia malaga i ai, tuutuuga mo faigamalaga (e aofia ai faigamalaga i totonu lava o le atunuu) ma siaki e fai, tagai i upegatafailagi mo le setete o loo iai. Faamatalaga e uiga i le COVID-19 e patino i le setete po o le teritori:

Fai ni faamaumauga o nofoaga e te alu i ai

E iai le app e faaaogā i Ausetalia atoa e faamaumau ai nofoaga e te alu i ai, ae o le tele o setete ma teritori e faaagoā a latou lava apps. E mafai ona e kopia i lau telefoni feaveai ma faaaogā le tele o nei apps e faaaogā ai se SIM card e ola i Niu Sila. E ono moomia ona iai sau SIM card e ola i Ausetalia poo faamaumauga tau fesootaiga i Ausetalia e faaaogā ai nisi o apps nei.

Matou te fautuaina le tuu ai pea o apps nei i lau telefoni mo le umi e oo atu i le 1 masina, ne'i te'i ua e maua se lapataiga pe a tuua le setete.

Afai e te lē mafai pe e te lē manao e faaaogā se app, ia mautinoa o loo tusi lou igoa i le faiga e faamaumau ai igoa o tagata e ulufale i se pisinisi ma nofoaga. 

Fai se kopi o apps e patino lava i le setete mo le faamaumauina o nofoaga e te alu i ai:

Nofo i le fale pe afai o e ma‘i

Afai e te faalogoina ua e lē malosi, nofo i le apitaga o loo e nofo ai ma vili se fomai mo se fautuaga.

Vili le telefoni a le National coronavirus and COVID-19 vaccine helpline i le 1800 020 080. E vili fua telefoni mai Ausetalia. E mafai ona e vili i le 24 itula i le aso, 7 aso o le vaiaso.

Malaga i le Atu Kuki i se Faigamalaga Tuusaunoa le Vaavaaia

A e malaga i le Atu Kuki i se faigamalaga tuusaunoa le vaavaaia, e tatau ona:

  • e ausia tuutuuga tau femalagaiga
  • atoa lelei le 14 aso e te nofo ai i Niu Sila po o le Atu Kuki a o e lei tuua le atunuu — o lona uiga e mafai ona e malaga i le aso lona 15 ma tua atu
  • leai se faamaoniga ua e aafia i le COVID-19 i totonu o le 14 aso a o lei tuua se faigamalaga. Afai e faamaonia ua e aafia i le faama'i, e tatau ona e tauaaoina se fautuaga tusitusia mai le fomai e faamaonia ai e te lē o maua i se tulaga e ono pepesi atu ai le faama'i i isi
  • e te lē o faatali mo iuga o le siaki o le COVID-19 sa fai.

A e taunuu i le Atu Kuki

A o e nofo ai i le Atu Kuki, e iai mea e tatau ona e faia e tausia ai lou saogalemu, faapena ma le saogalemu o lou aiga ma afioaga mai le COVID-19, e aofia ai le tumamā lelei ma faamaumau nofoaga e te alu i ai.

Mo nisi faamatalaga tagai i le upegatafailagi a le Malo o le Atu Kuki (external link)

Fai ni faamaumauga o nofoaga e te alu i ai

E ese faiga e faaaogā i le Atu Kuki mai faiga e faaaogā i Niu Sila. O le a moomia ona e:

  • lesitala ma umia la oe lava CookSafe QR Card i taimi uma e mafai ona scan i nofoaga e te asiasi i ai
  • faaola le Bluetooth e maua i le CookSafe+ app.

E mafai ona faaaogā faatasi le CookSafe+ app ma le NZ COVID Tracer app. Soo se Bluetooth codes (poo 'keys') na lafo mai pe na aoina mai lau telefoni e faaaogā ai se app e tasi e mafai ona maua i le isi app. E aogā faatasi app e mautinoa ai o e maua se lapataiga pe afai na e latalata i se isi tagata o loo faaaogā le app lava e tasi ma ua faamaonia ua aafia i le COVID-19.

E maua nisi faamatalaga e uiga i le CookSafe QR Card (external link)

Fai se kopi o le CookSafe+ app mai i le App Store i lau telefoni feaveai (external link)

Fai se kopi o le CookSafe+ app mai le Google Play i lau telefoni feaveai (external link)

Nofo i le fale pe afai o e ma‘i

Afai ua e faalogoina e te lē o malosi a o e iai i le Atu Kuki, nofo i le apitaga o loo e nofo ai ma fai se mea e ufiufi ai ou fofoga, pe afai o iai. Aua e te fealuai i auala mo femalagaiga lautele e te alu ai i le fale.

Vili le Cook Islands Healthline i le 29667 mo se fautuaga.

Last updated: