Siaki mo tagata malaga a o lei malaga mai i Niu Sila | Pre-departure testing for travellers to New Zealand

O loo maualuga pea puipuiga e taofia ai le sao mai o le faama'i i totonu o Niu Sila.

O le toatele o tagata e fia malaga mai i Niu Sila e moomia ona iai se faamaoniga o se siaki na fai mai se nofoaga aloaia mo suesuega faapitoa e lē o aafia i le COVID-19, i totonu o le 72 itula a o lei malaga ese i se uluai faigamalaga faavaomalo.

O atunuu nei o loo tuusaunoa mai le faia o se siaki a o lei tuua se faigamalaga:

  • Antarctica
  • le Atu Kuki
  • Federated States of Micronesia
  • Fiti
  • Kilipati
  • Marshall Islands
  • Nauru
  • New Caledonia
  • Niue
  • Palau
  • Samoa
  • Atu Solomona
  • Toelau
  • Toga
  • Tuvalu
  • Vanuatu

Ua faamaonia e le Matagaluega o Soifua Maloloina ituaiga siaki o ta'ua i lalo e taliaina mo atunuu uma se'i vagana ai Ausetalia ma isi atunuu e maualuga lamatiaga o iai:

  • Nucleic Acid Amplification Testing (NAAT), e aofia ai le PCR, RT-PCR ma le TMA, po o le
  • LAMP, po o le
  • siaki o le antigen (e ono ta'ua foi le siaki lea o le viral antigen test).

E moomia e tagata malaga mai Ausetalia ona fai le siaki o le PCR po o le RT-PCR a o lei tuua se faigamalaga.

O tagata malaga mai atunuu matuai maualuga ai lamatiaga e tatau ona iai se siaki o le nasopharyngeal RT-PCR (PCR) e faamaonia ai e lē o aafia mai se nofoaga aloaia mo suesuega faapitoa.

Saili i nisi tulaga e uiga i atunuu matuai maualuga ai lamatiaga

Tulaga moomia lautele mo siaki e fai a o lei tuua se faigamalaga

E tuusaunoa tamaiti e i lalo ifo ma le lua tausaga le matutua (24 masina) mai le faia o siaki a o lei tuua se faigamalaga.

O tagata malaga o loo afea Niu Sila e faaauau ai se faigamalaga i se isi atunuu ma o loo faatali i le nofoaga e ulufale atu ai i le vaalele, e lē moomia ona fai se siaki a o lei tuua se faigamalaga.

O tagata malaga e lē o mafai ona fai se siaki ona o mafuaaga i le soifua maloloina, e moomia ona vaai se fomai i totonu o le 72 itula a o lei tuua se faigamalaga. E moomia e le fomai ona saunia se pepa ma'i o loo tusia ai mafuaaga ua lē mafai ai ona fai se siaki ona o mafuaaga i le soifua maloloina ma faailoa mai ai e te lē o maua i āuga o le COVID-19 .

Afai e maua atu se faamaoniga ua e aafia a o lei tuua se faigamalaga, ae e te talitonu e mafua lea tulaga ona o sa e maua muamua i le COVID-19, e moomia ona toe suesue lelei oe e le fomai poo e maua i āuga o le COVID-19.

Afai e maualuga se manatu i le fomai e te lē o maua i le COVID-19, e moomia ona latou saunia mo oe:

  • se pepa ma'i o loo tusia ai le aso na faamaonia ai ua e maua i le faama'i, pe a talafeagai, ma
  • se faamaumauga o loo tusia ai e te lē o mafai ona toe faapepesia atu le COVID-19.

E taliaina pepa ma'i o loo tusia i gagana ese.

E fautuaina malosi tagata malaga e siaki i kamupani vaalele na fai ai pepa malaga i nisi o tulaga faaopoopo o moomia a o lei tuua se faigamalaga. E fautuaina foi tagata malaga e siaki tulaga o moomia mo isi atunuu e faaauau i ai se faigamalaga. 

E moomia ona fai siaki i le Uluai Aso mo tagata ua taunuu i Niu Sila 

I le taimi e taunuu ai i Niu Sila, o le toatele o tagata malaga, se'i vagana i latou o loo malaga mai i lalo o Faigamalaga Tuusaunoa le Vaavaaia, e moomia ona latou:

  • Agai i le faiga o faagasolo ai le faanofoesea ma le vaavaaia mo le 14 aso
  • fai le siaki o le PCR COVID-19 i le uluai aso, o lona uiga, o le uluai aso na taunuu ai i nofoaga o loo pulea ai le faanofoesea
  • nofo pea i totonu o le potu seia maua lelei iuga o le siaki
  • afai o loo alia'e ai āuga i le taimi na taunuu ai, o le a momoli sa'o loa i nofoaga e vaavaaia ai.

Pe ā ma le 24-48 itula e faatali ai iuga o siaki.

Afai e lē o faamaonia le aafia i le faama'i o lona uiga o le a faamae'a ona nonofo tagata mo aso e 14 i nofoaga o loo pulea ai le faanofoesea. O le a moomia ona toe faia se isi siaki i le aso 3 ma le aso 12 a o iai i nofoaga nei. O le toatele o tagata e moomia se faamaoniga e lē o aafia i le COVID-19 ma se faamaoniga mai sui o le soifua maloloina e itiiti lava se tulaga e ono aafia pe faapepesi ai le COVID-19, ma o tulaga nei e moomia a o lei tuua le nofoaga.

Afai ua faamaonia ua aafia se tasi i le faama'i o le a vave ona siitia i le nofoaga e vaavaaia ai e ese mai le taimi na fuafuaina e aunoa ma le faia o se siaki i le uluai aso.

Saili i faamatalaga e uiga i Faigamalaga Tuusaunoa le Vaavaaia

Mo nisi faamatalaga 

Mo nisi faamatalaga e uiga i nofoaga o loo pulea ma vaavaaia ai le faanofoesea, faamolemole tagai i le https://www.miq.govt.nz/travel-to-new-zealand/arriving-in-nz/ (external link)

Last updated: