Faamatalaga tāua o le tuipuipui | Vaccine basics

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

O ai o le a ofoina atu i ai le tuipuipui?

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.
 
E lē faamoemoe le faia o lou tuipuipui i le ituaiga visa poo tulaga tau sitiseni o maua ai oe. Matou te lē faaaogāina soo se faamatalaga mo ni tulaga tau femalagaiga.
 
O ai e mafai ona maua se tuipuipui o le COVID-19?

O afea e fai ai lou tuipuipui?

O loo faasolo le faiga o tuipuipui. O tagata uma i totonu o Niu Sila ua 12 tausaga ma luga atu le matutua o loo aofia i se tasi o vaega 1 i le 4.

Muamua, o le a matou puipuia i latou e sili atu ona lamatia gofie i le COVID-19 i totonu o falefaigaluega o loo galulue ai. O se auala lea e faaitiitia ai lamatiaga e ono toe pepesi ma faamalosia ai le nonofo i fale i le lumanai.

Ona sosoo ai lea, ma le faiga o tuipuipui o tagata e sili atu ona tigaina po o le maliliu ai pe afai ae pesia i le siama.

Ma le tulaga mulimuli, o le matou faia tuipuipui o isi tagata uma lava i totonu o Aotearoa ua 12 tausaga ma luga atu le matutua.

E maua fua le tuipuipui mo tagata uma, tusa lava po o le a tulaga o loo iai lou visa poo tulaga tau sitiseni.

Afai e tatau ona e malaga i atunuu mamao ona o mafuaaga alofa poo isi mafuaaga tāua i le atunuu o loo e fia malaga i ai, e ono mafai ona e talosaga mo le vave fai o le tuipuipui.

Faiga e talosaga ai mo le vave fai o le tuipuipui

O le tuipuipui ma lau galuega

O le ā le ituaiga tuipuipui e tui ai oe

Na o le tuipuipui o le Pfizer ua faamaonia mai tuipuipui o le COVID-19 e mafai ona faaaogā i totonu o Niu Sila. Na matou faamautuina le maua o tui e 10 miliona – ua lava lelei mo le 5 miliona tagata e maua ai tui e 2 e moomia mo le puipuia lelei o tagata.

E faagaioia e le tuipuipui o le COVID-19 lou tino ia iloa ma tetee atu i le siama.

Tuipuipui o le Pfizer

  • o se tuipuipui o le RNA (mRNA)
  • e lē o aofia ai soo se siama o loo ola, pe ua mate pe ua lē toe gaioi
  • e te lē maua ai i le COVID-19
  • e lē afaina ai lou DNA
  • e lē o aofia ai ni mea mai meaola.

E tatau ona e faia le tui lona lua o le tuipuipui pe ā ma le 42 aso (6 vaiaso) talu ona fai lou tui muamua.

Saili pe faapefea ona aogā le tuipuipui

Saili tulaga e ono tutupu pe a fai lou tuipuipui

Saili tulaga e ono tutupu i le mae‘a ai ona fai o lou tuipuipui

Saili i aafiaga o le tuipuipui

Saogalemu ma le aogā o le tuipuipui

E suesue e le pulega e faamaonia fualaau i totonu o Niu Sila le Medsafe talosaga uma mo fualaau fou. E aofia ai tuipuipui.
 
A o lei faamaonia e le Medsafe se tuipuipui e faaaogā i totonu o Niu Sila, e tatau ona iai se talitonuga i tulaga nei:

  • ausia tulaga tau saogalemu o loo faia i totonu o Niu Sila
  • tausisia tulaga faavaomalo tau saogalemu, aogā tele ma le tulaga lelei.

E matua‘i aogā le tuipupui o le Pfizer pe a fai e tagata tui uma e lua. A mae‘a ona fai atoa ou tuipuipui uma e lua, e ono itiiti lava se tulaga e te ono tigaina ai i se ma‘i.

Ua faailoa mai suesuega tau aoaoga pe ā ma le 95% o tagata na faia tui e lua o le tuipuipui ua puipuia mai le maua ai i āuga o le COVID-19.

Saili pe faapefea ona aogā le tuipuipui

Saili i auala na gaosia ma faamaonia ai le tuipuipui

Aisea e tāua ai le fai o le tuipuipui

A e faia le tuipuipui, o lona uiga e lē na o oe o loo e puipuia. O lena ua e faia lau pitolaau e faaitiitia ai lamatiaga o le pepesi atu o le COVID-19 i lou aiga, uo ma tagata lautele.

E moomia pea ona e mulimulitai i gaioiga tau soifua maloloina i le mae‘a ai ona fai o tuipuipui

E lē o mautinoa i le taimi nei pe mafai ona e faapepesia atu le siama i le mae‘a ai ona fai atoa o lou tuipuipui.

Mo le puipuia o oe lava, lou aiga ma isi, e tatau ona faaauau pea ona e faia gaioiga e foia ai le pepesi o le COVID-19 i le mae‘a ai ona fai o lou tuipuipiui. Manatua e:

  • Matua‘i fufulu mamā ou lima
  • Tale ma mafatua i lou tulilima
  • Fai se ufi fofoga i luga o femalagaiga lautele
  • Fai ni faamaumauga o nofoaga na e iai
  • Faaola le Bluetooth o loo maua i le NZ COVID Tracer app
  • Nofo i le fale ma vili le Healthline 0800 358 5453 pe afai ua e ma‘i

Lipotia faamatalaga sese faatatau i le tuipuipui poo faiga taufaasese

E tele naua faamatalaga e maua i luga o le initaneti ma fesootaiga televavave e uiga i le tuipuipui. E ono faigata ona iloa poo ā faamaumauga e faatuatuaina. Ia mautinoa o loo e maua faamatalaga mai tagata e te faatuatuaina ma aua e te faailoa atu soo se faamatalaga se‘i vagana ua e mautinoa o ni faamatalaga moni.

Auala e saili ai faamatalaga e faatuatuaina e uiga i le tuipuipui

Avea ma se tasi e faia tuipuipui

O loo matou sailia tagata e faia tuipuipui auā galuega o loo faatino e faasolo ai le faiga o tuipuipui.

Afai ua e litaea mai galuega tau soifua maloloina pe e te lē o faigaluega i le taimi nei i le soifua maloloina ma e te manao e te faigaluega tauofo, tagai i le upegatafailagi a le Matagaluega o Soifua Maloloina e lesitala ai lou fia auai.

Lesitala e te fia auai e avea ma tagata e faia tuipuipui (external link)

Last updated: