Auala e saili ai faamatalaga faatuatuaina ma alofia ai faiga taufaasese | How to find trustworthy information and avoid scams

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

E tele naua faamatalaga e maua i luga o le initaneti ma fesootaiga televavave e uiga i tuipuipui o le COVID-19. E ono faigata ona iloa poo ā faamaumauga faatuatuaina. Ia mautinoa o loo e maua faamatalaga mai tagata e te faatuatuaina ma aua e te faailoa atu soo se faamatalaga se‘i vagana ua e mautinoa o ni faamatalaga moni.

Nofoaga e maua ai faamatalaga faatuatuaina

E mafai ona e maua faamatalaga faatuatuaina, ma e faavae i luga o suesuega faasaienisi i nofoaga nei:

Matagaluega o Soifua Maloloina

O le Matagaluega o Soifua Maloloina o loo taitaia le faiga faavae tau soifua maloloina ma auaunaga mo tagata e lē atoatoa le malosi o le tino ma le mafaufau, ma o lana matafaioi aoao tulaga tau pulega ma le atinaega o lea faiga faavae.

Tuipuipui o le COVID-19 — Matagaluega o Soifua Maloloina (external link)

Immunisation Advisory Centre (IMAC)

O le IMAC o se faalapotopotoga mo le atunuu atoa o loo faatautaia i le nofoaga autu i le School of Population Health i le Iunivesite o Aukilani. E saunia e le IMAC faamatalaga tutoatasi ma le moni e faavae i suesuega faavaomalo ma suesuega faasaienisi i totonu o Niu Sila e uiga i tuipuipui e foia ai faama‘i, o le aogā ma tulaga lamatia o tuipuipui.

Immunisation Advisory Centre (external link)

World Health Organization (WHO)

O le WHO o se faalapotopotoga a Malo Aufaatasi, ma e gafa ma le soifua maloloina lautele faavaomalo.

Tuipuipui o le COVID-19 — WHO (external link)

Faiga taufaasese i le tuipuipui o le COVID-19

E iai vaega tāua e tatau ona e malamalama i ai e uiga i faiga taufaasese faasaga i le tuipuipui:

  • E leai ma se taimi o le a tāpā ai oe e totogi le faiga o le tuipuipui pe totogi lou avanoa e faatalitali ai le faiga o le tui.
  • E maua faamatalaga aloaia e uiga i le tuipuipui mai se tasi o auaunaga faatuatuaina tau soifua maloloina, e pei o le Matagaluega o Soifua Maloloina, Unite against COVID-19 ma falemai faaitumalo (DHB).
  • E lē mafai ona alu atu se sui o le soifua maloloina i lou fale e fai lou tuipuipui, se‘i vagana o se tulaga lea na e talosagaina.
  • E leai ma se taimi o le a talosagaina ai faamatalaga patino ia te oe e auala atu i se text poo se imeli. Afai o e vaaia ni tulaga nei, lipotia loa i le CERT NZ ma aua lava e te lafoa se tali i se feau na tuuina atu.
  • Afai e te maua se imeli, telefoni poo se SMS o loo talosaga ai faamatalaga tau tupe e uiga i le tuipuipui, o lona uiga o lena ua e maua se tasi o faiga taufaasese. Lipoti vave loa i le CERT NZ.

Afai ua e vaaia se mea e uiga i le tuipuipui e te iloa o se mea e lē sa‘o, lipoti loa i le CERT NZ (external link)

A lē o lena, e mafai ona e faafesootaia le CERT NZ i le 0800 237 869.

Saili atili nisi faamatalaga i faiga taufaasese e uiga i le tuipuipui o le COVID-19 (external link)