Faapefea ona aogā le tuipuipui o le COVID-19 | How the COVID-19 vaccine works

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Niu Sila.

O le faia o lou tuipuipui, o lena ua e puipuia ia te oe lava ma faaitiitia lamatiaga o le faapepesi atu o le COVID-19 i lou aiga, uo ma tagata lautele.

A mae‘a ona fai atoa ou tuipuipui uma e lua, e ono itiiti lava se tulaga e te ono tigaina ai i se ma‘i.

E faagaioia e le tuipuipui o le COVID-19 lou tino ia iloa ma tetee atu i le siama.

E te maua i le itulau lenei faamatalaga tāua e uiga i le aogā o le tuipuipui.

Tuipuipui o le mRNA

O le tuipuipui o le Pfizer o le tuipuipui e maua mai le tuipuipui o le mRNA. E maua ai le faailoga maoti (genetic code) o se vaega tāua o le siama SARS-CoV-2 (COVID-19) e ta‘ua o le ‘spike protein‘. E iloa atu ni tama‘i spike proteins i le pito i luga o le siama.

O le taimi lava e fai ai lou tuipuipui, o le a mafai e lou tino ona iloa le genetic code ma gaosia ituaiga tutusa o le spike protein.

O le a iloa e lou tino spike proteins ua aliae ma iloa ona tetee atu i le COVID-19. E osofaia le siama e puipuia ai le sosolo o le siama i totonu o lou tino.

O le a tuuitiitia genetic code mai le tuipuipui ma e vave lava ma faigofie ona aveese mai lou tino. 

Tulaga tāua e tatau ona iloa e uiga i tuipuipui o le mRNA

E lē mafai e le tuipuipui ona faapepesia atu ia te oe le COVID-19

e lē o aofia i tuipuipui o le mRNA soo se siama e mafua ai le COVID-19, poo isi siama o loo ola, mate pe ua lē toe gaioi.

E lē afaina ai lou DNA mai le tuipuipui

E lē afaina pe faalavelave i lou DNA poo ou genes. E lē sopoia e tuipuipui o le mRNA sela o le tino o loo maua ai DNA.

Ua leva tausaga o le gaosiga o tuipuipui o le mRNA

Na galulue soosoo tauau faalapotopotoga tetele faavaomalo i le gaosiga o tuipuipui o le mRNA.

Na savalia le fia sefulu tausaga o le faatinoga o galuega a le ausuesue e suesue ma gaosia le tuipuipui o le mRNA. O suesuega nei na aofia ai tuipuipui e tetee atu ai i le fulū, Zika, rabies ma le cytomegalovirus (CMV).

Na suesueina foi e saienitisi faama‘i o le coronavirus i taimi ua mavae e pei o le SARS ma le MERS. O le taimi lava na iloa ai ma le mautinoa e saienitisi le coronavirus e mafua ai le COVID-19, na vave lava ona toe fetuunai tekonolosi mo le COVID-19.

E ui i le fou o lenei tekonolosi, ae na uia tulaga uma e faamautinoa ai le saogalemu atoa ai ma tulaga tau tulafono.

E aofia ai faataitaiga faafomai faavaomalo e faamaonia ai le aogā ma le saogalemu o le tuipuipui. O le tuipuipui o le Pfizer o loo faaaogā i le lalolagi atoa ma o loo faaauau pea ona mataituina mo le aogā tele ma le saogalemu.

Last updated: