Tuipuipui ma lau galuega | Vaccination and your job

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

O le tele o galuega i totonu o Niu Sila o galuega e mafai i le taimi nei ona faatino e tagata e lei faia tuipuipui.

Saili po o le ā le mea e tupu pe afai e tatau ona faatino se galuega e se tasi o le aufaigaluega na fai le tuipuipui e tetee atu ai i le COVID-19.

E tatau i le pule o lau galuega ona puipuia faamatalaga e patino ia te oe

E lē mafai e lou pule ona faailoa faamatalaga e uiga i lou tuipuipui i soo se tagata, se‘i vagana ua iai sau faatagana e faia ai lea tulaga, poo se tulaga e tuusaunoaina i lalo o le Privacy Act.

E lē moomia ona e faailoa i lou pule na fai lou tuipuipui. Afai e te lē manao e fai lou tuipuipui, e te lē moomia ona e faailoa fua le mafuaaga.

Afai e te faigaluega i se galuega e tatau ona faatino e se tasi na fai le tuipuipui peitai e te lē manao e faailoa tulaga lea, e mafai ona ta‘ua oe e lou pule o se tasi e lei faia le tuipuipui, ae e tatau ona faailoa atu e lou pule o le tulaga tonu lea o loo manatu i ai.

Afai o se galuega e tatau ona faatino e se tasi o le aufaigaluega na fai le tuipuipui

Afai e manatu ai lou pule o iai galuega na o tagata faigaluega na fai tuipuipui latou te faatinoa, ona o mafuaaga tau soifua maloloina ma le saogalemu, e tatau ona latou faia muamua se iloiloga e iloa ai lamatiaga o le COVID-19. E tatau ona faatino le iloiloga lenei faatasi ai ma le lagolagosua a tagata faigaluega, sosaiete ma isi sui.

E tatau i se iloiloga o lamatiaga ona tagai i itu nei:

  • avanoa e ono pesia ai tagata faigaluega i le COVID-19 a o faatino galuega
  • o taunuuga e ono tulai mai — mo se faataitaiga, pepesi le faama‘i i totonu o afioaga.

E maua taiala auiliili mai le WorkSafe i iloiloga o lamatiaga.

Iloiloina pe tatau ona faatino nisi o galuega faapitoa e se tasi o tagata faigaluega na fai le tuipuipui (external link)

E noatia lava tulaga nei i tuutuuga e tusa ma tulafono tau galuega o loo iai i le taimi nei. E aofia ai vaega nei:

  • faiga o suiga i faatulagana o aiaiga tau galuega ua malilie faatasi i ai
  • auai i feutanaiga i se agaga lelei
  • alofia faiga faailoga tagata faasaga i tagata faigaluega ona o lona tulaga o le tuipuipui
  • o le lē faatinoa o galuega e ono afaina ai tagata faigaluega ona o tulaga o le tuipuipui.

Faigaluega i tuaoi o loo maualuga ai lamatiaga po o le Managed Isolation and Quarantine (MIQ)

E ui e lē o faamalosia tuipuipui ma e tuu atu i le faitalia a le tagata na te filifili ai le faia o le tuipuipui o le COVID-19, o galuega uma e faatino i totonu o nofoaga a le MIQ poo isi nofoaga i le tuaoi e maualuga ai lamatiaga, o galuega e tatau ona faatino e tagata ua mae‘a ona fai tuipuipui e tetee atu ai i le COVID-19. E aofia ai tagata faigaluega a le malo i malaevaalele faavaomalo, uafu ma luga o le vaalele.

E iai tulaga o le a tuusaunoa mai le tulaga lenei. Mo se faataitaiga, e mafai ona ulufale se tagata e lei faia le tuipuipui e faatino galuega talafeagai mo le faasaoina po o le puipuia o le soifua o se tasi, faalavelave faafuasei ua lamatia ai le soifua po o le saogalemu; poo se tasi ua faatagaina pe tatau ai i lalo o le tulafono.

Tulaga moomia o tuipuipui o tagata faigaluega i nofoaga i le tuaoi e maualuga ai lamatiaga

Faapefea ona tali atu i se feteenaiga

Afai e leai se maliega faatasi ma lou pule e uiga i nisi o galuega e tatau ona faatino e se tagata faigaluega na fai le tuipuipui, e mafai ona e maua le fesoasoani mai le Early Resolution Service. O se auaunaga e maua fua ma e faigofie e taumafai ai e foia ni faaletonu.

Early Resolution Service (external link)

Mo nisi faamatalaga

Tuipuipui o le COVID-19 ma galuega — Employment NZ (external link)