Faatulaga aso e fai ai ou tuipuipui o le COVID-19 | Booking your COVID-19 vaccination

A oo i le taimi e mafai ai, ona faatulaga lea o aso e fai ai lou tuipuipui i luga o le initaneti po o le telefoni.

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

Faiga e faatulaga ai le aso i luga o le initaneti

Faatulaga le aso i luga o le initaneti i le Book My Vaccine (external link) o le auala pito sili lea ona vave e faatulaga ai aso e fai ai ou tuipuipui.

Afai e te lē o agavaa i le taimi nei e faatulaga le aso, e mafai lava ona e lesitala ina ia mafai ona matou faafesootai atu oe pe a oo i le taimi e mafai ai ona faatulaga aso.

Pe ā ma le 5 minute e faatulaga ai aso i luga o le initaneti.

Afai o iai se faafitauli i au taumafaiga e faatulaga se aso pe moomia ona suia ou faamatalaga, e mafai ona imeli le vaega a le Book My Vaccine.

Imeli: booking@vaccine.covid19.health.nz

Book My Vaccine (external link)

Faiga e faatulaga ai le aso i luga o le telefoni

E mafai ona faatulaga aso i luga o le telefoni COVID Vaccination Healthline 0800 28 29 26.

E vili fua telefoni uma, ma e avanoa le vaega o le soifua maloloina mai le 8am i le 8pm, 7 aso o le vaiaso. E mafai ona e talosaga mo se faamatalaupu pe a moomia.

Tulaga e nofo sauni i ai pe a e vili mai

E ono moomia lou onosai ma faatali a o lei talia lau valaau mai, auā e fai ma pisi laina telefoni — faamolemole ia lava papale mai. A tali atu loa lau telefoni, ona faatulaga loa lea o aso e fai ai lou tuipuipui pe ā ma le 15 minute le umi e fai ai.

A e vili mai, e lelei le sauni o lau numera NHI (National Health Index) i neʻi teʻi ua moomia. E vave ai ona faagasolo le faiga o faatulaga ai aso. E te maua le numera o lau NHI i le pepa o au talavai, pepa o au fāata po o se siaki na fai, po o se tusi na avatu i le falemai. 

Faiga e sui ai aso na faatulaga

A e moomia ona toe faatulaga pe taofia aso na faatulaga

Afai ua e maʻi a o lei faia tuipuipui na faatulaga e fai

Afai ua e maʻi i le aso na faatulaga e fai ai lou tuipuipui, e moomia ona toe faatulaga se isi aso. E mafai ona fai lou tuipuipui pe a e toe malosi.

Afai ua e maua i āuga o le COVID-19, fai se siaki ma nofo i le fale seʻi maua atu iuga o au siaki sa fai. E mafai ona fai lou tuipuipui i le taimi lava ua faamaonia ai e te lē o aafia i le siama.

O isi faiga e fai ai ou tuipuipui

E lē gata i le faatulaga o aso, ae o lo o iai foi isi faiga e mafai ai e tagata ona fai tuipuipui. O nei faiga e aofia ai tuipuipui e faia i totonu o falefaigaluega ma isi nofoaga ua atofaina i le atunuu atoa e fai ai tuipuipui.

O nisi o afioaga tu mamao, o le a matou faia tuipuipui mo tagata uma lava o so o se matua i le taimi e tasi ina ia faafaigofie ai mo tagata uma.

Auala atu i lau GP

E tele foi GP o lo o saunia tuipuipui o le COVID-19 ma e mafai ona faatulaga saʻo ai aso e fai ai tuipuipui. Tagai i le Healthpoint e te iloa ai po o saunia le auaunaga lea mai lau GP.

Tuipuipui COVID-19 — Healthpoint (external link)

Faiga e talosaga ai mo le vave fai o le tuipuipui

E ono mafai ona e talosaga e vave fai lou tuipuipui pe afai e tatau ona e malaga i atunuu mamao e tusa ma mafuaaga alofa po o ni mafuaaga tāua i le atunuu o lo o e fia malaga i ai.

Talosaga mo le vave faia o le tuipuipui ona e te fia malaga i atunuu mamao — Matagaluega o Soifua Maloloina (external link)

Pe afai o oe o se tagata faigaluega i le tuaoi po o le MIQ

Ua faamalosia nei tagata faigaluega i le tuaoi ma nofoaga o lo o pulea ai le faanofoesea ma le vaavaaia (MIQ) e fai tuipuipui o le COVID-19.

O le a matou faamaonia faamatalaga e faafesootai atu ai oe i faamatalaga o lo o matou faamauina ma faamatalaga e maua mai lou pule, ona faafesootai atu lea o oe e faatulaga aso e fai ai ou tuipuipui.

E tatau foi ona maua faamatalaga e patino ia te oe i le Border Workforce Testing Register (BWTR). Faamolemole talosaga i lou pule e siaki po o saʻo lou igoa ma faamatalaga (e aofia ai le aso fanau, numera telefoni ma le numera NHI) o lo o faamauina i le BWTR.

Afai e te faigaluega i le tuaoi po o le MIQ ma e lei faafesootai atu oe e faatulaga aso e fai ai lou tuipuipui, talanoa tulaga nei ma lou pule.

Malamalama atili i tuipuipui mo tagata faigaluega i le tuaoi ma le MIQ