Talosaga mo le vave fai o le tuipuipui o le COVID-19 | Applying for an early vaccination

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

Saili poo a gaioiga e tatau ona e faatinoa pe afai e moomia ona e talosaga mo le vave fai o le tuipuipui ina ia mafai ona e malaga i atunuu mamao ona o mafuaaga alofa poo mafuaaga tāua i le atunuu o loo e fia malaga i ai.

E lē mafai ona e talosaga mo le vave fai o le tuipuipui mo nisi lava mafuaaga.

Malaga i atunuu mamao ona o mafuaaga alofa

E mafai ona e talosaga mo le vave fai o le tuipuipui ona o mafuaaga alofa pe afai e tatau ona e malaga i atunuu mamao e:

  • fia saili se tausiga tau soifua maloloina e lē o maua i Niu Sila mo oe lava poo se tasi e faamoemoe ia te oe le tausiga (mo se faataitaiga, o lou alo)
  • asiasi i se sui o lou aiga vavalalata ua lata ina maliu
  • faatino tausiga ma le puipuiga mo se tasi e faamoemoe ia te oe le tausiga.

Afai e te malaga i atunuu mamao a o lei aulia le aso 31 Aokuso, e mafai ona e talosaga i luga o le initaneti mo le vave fai o le tuipuipui i le upegatafailagi a le Matagaluega o Soifua Maloloina.

Malaga ona o mafuaaga tāua i le atunuu

E te ono agavaa mo le vave fai o le tuipuipui pe afai e tatau ona e malaga i atunuu mamao e:

  • puipuia le saogalemu ma le puipuiga o le aiā o Niu Sila e pulea tutoatasi ai le atunuu
  • aafia i taumafaiga aloaia a le Malo o se tasi o vaega o tautinoga a Niu Sila i fesoasoani mai fafo, tali atu i mala faavaomalo, po o le lagolagoina o atunuu o le Pasifika mo galuega toe faaleleia mai le COVID-19 o loo salalau i le lalolagi
  • auai i faatasiga tetele faavaomalo e tatau ai ona malaga e avea ma sui o Niu Sila
  • aafia i feutanaiga tau fefaatauaiga i le atunuu.

E tatau i le matagaluega po o le faalapotopotoga e talafeagai ma lau mataupu ona tuuina mai se talosaga mo oe.

Talosaga mo le vave fai o le tuipuipui (external link)