I le mae‘a ai ona fai o lou tuipuipui | After your immunisation

E fai fua le tuipuipui o le COVID-19, e lē faamalosia ma e maua mo tagata uma e 12 tausaga ma luga atu le matutua i totonu o Aotearoa.

Tagai i le Book My Vaccine, pe vili le COVID Vaccination Healthline e faatulaga le aso e fai ai le tuipuipui.

O tulaga e te ono faalogoina O mea e aogā O le taimi e ono amata aliae ai
Tiga le itu o le tino na tui, tiga le ulu ma faalogoina le lēlavā ma le ivā.

O aafiaga nei e masani tele ona lipotia e tagata.
Tuu se solo mālūlū ma susū poo se pepa ‘aisa i le itu o le tino na tui mo sina taimi puupuu.

Aua le milia pe fōfō le itu o le tino na tui.
I le va o le 6 i le 24 itula
Tiga maso, lagona masani o le ma‘i, faamaalili, fiva, tiga sooga o ponaivi ma e ono maua foi i le faafaufau. Mālōlō ma ia tele le vai e inu.

E mafai ona inu le paracetamol po o le ibuprofen, ma mulimulitai i faatonuga mai le kamupani na gaosia fualaau.

Saili se fautuaga mai se tasi o le aufaigaluega a le soifua maloloina pe afai ua faateteleina ou āuga.
I le va o le 6 i le 48 itula 

E pei lava o isi uma fualaau, e iai aafiaga o le tuipuipui e ono afaina ai nisi tagata. O tulaga masani ia o le tino e tali atu ai ma faailoa mai ai o loo aogā le tuipuipui.

O aafiaga nei e masani ai toe feoloolo, e lē umi se taimi e maua ai ma e lē taofia ai lou faia o le tui lona lua poo au feau masani o le aso.

E ono aliae le tele o aafiaga i le mae‘a ai o le tui lona lua o le tuipuipui.

E mafai ona aliae tulaga e matua‘i ogaoga ai le ilitata o le tino i le tuipuipui ae o se tulaga e seāseā tupu. Ua a‘oa‘oina lelei tagata e faia tuipuipui i totonu o Niu Sila i faiga e pulea ai tulaga nei. O nisi o aafiaga e ono afaina ai le faafoeina o le taavale po o le faatautaia o se masini. Afai o se tulaga lenei e ono taunuu i ai, faamolemole faatalanoa aafiaga ma lou pule.

Afai o e faalogoina āuga e ono fesootai ma le COVID-19, e pei o le faifaipea ona tale, maualuga le fiva pe ua lē mafai pe suia foi lou tofo ma le manogi o mea, nofo i le fale ma fai sau siaki o le COVID-19.

Afai ua aliae se aafiaga e lei mafaufauina mai le tuipuipui o le COVID-19 na fai, e tatau i le tagata na faia lou tuipuipui poo sui o le soifua maloloina ona lipotia tulaga lea i le Centre for Adverse Reactions Monitoring (CARM).

E mafai foi ona e lipotia soo se aafiaga ua aliae e lei mafaufauina i se faiga e faatumu ai faamatalaga i luga o le initaneti ma e maua i le upegatafailagi a le CARM: otago.ac.nz/carm (external link).

Afai e te lē o mautinoa tulaga o ou āuga pe ua e tigaina tele, talanoa i lau GP pe vili le Healthline i le 0800 358 5453.

Afai o iai se popolega i le taimi nei i lou saogalemu, vili le 111 ma ia mautinoa lou faailoa i ai na fai lou tuipuipui o le COVID-19 ina ia mafai ona latou iloiloina lelei tulaga o feagai ma oe.

E fesoasoani tuipuipui e puipuia ai tagata uma mai isi faama‘i pipisi, e pei o le misela ma le fulū.

Talanoa i lau fomai e te iloa ai pe ua fai uma ou tuipuipui poo tuipuipui o lou aiga. Tagai i le health.govt.nz/immunisation (external link) mo nisi faamatalaga.

E tatau ona e faatali mo le umi pe ā ma le lua vaiaso talu ona fai lou tui lona lua o le COVID-19 a o lei faia nisi tuipuipui.

Last updated: