Soifuaga i le vaitaimi o le Vaega 4 | Living at Level 4

Afai ua e maua i le fulū po o āuga o le COVID-19, faamolemole nofo i le fale ma vili le telefoni vili fua a le Healthline i le 0800 358 5453 po o lau fomai mo se fautuaga i le faia o sau siaki. Manatua, e fai fua siaki.

Afai o iai se faalavelave faafuasei, vili vave loa le 111.

I le vaitaimi o le Lapataiga Vaega 4 e tatau ona e:

  • nofo i le fale seʻi vaganā feoaiga mo mea e matuā moomia mo le tagata lava ia
  • tausisi tau lava na o tagata o lo o tou nonofo faatasi. E tāua le malupuipuia o tagata uma o lo o tou nonofo faatasi
  • tausi le mamao e lē itiiti ifo ma le 2 mita le va mai tagata tou te lē o nonofo faatasi pe a e fealuai i fafo atu o le fale mo mea o moomia mo oe lava
  • fai au faamalositino i le nofoaga o lo o e nofo ai
  • fai au faatauga i le nofoaga o lo o e nofo ai
  • faigaluega ma aoga mai le fale. E mafai e nisi tagata faigaluega ona auai pea i falefaigaluega ae iai tulaga o le a matuā faasā.
  • fai se ufi fofoga i luga o auala o femalagaiga lautele ma nofoaga e faatali ai le tuua o se faigamalaga, luga o faigamalaga, totonu o taxis po o taavale o malaga faatasi ai ma isi, totonu o nofoaga tau tausiga soifua maloloina ma pisinisi o lo o tatala pea. E fautuaina le faia o lau ufi fofoga pe afai e faigata ona faamamao ese ma tagata.
  • fufulu ma solo mago ou lima i taimi uma. E tāua lou faia o gaioiga faigofie e tumamā ai, e aofia ai le fufulu o ou lima, tale pe mafatua i lou tulilima ma faamamā fola i taimi uma.
  • faamaumau nofoaga sa e agai i ai e faaaogā ai le NZ COVID Tracer app, o le api COVID-19 tracer booklet, po o faamaumauga tusitusia. E fesoasoani faamaumauga nei e vave ai ona faafesootai tagata na fesootai vavalalata i ai pe a moomia.

Tagai i le itulau lenei mo faamatalaga e uiga i le siama ma āuga o le COVID-19

Tagai i le itulau lenei mo faamatalaga e uiga i le faiga o siaki

Tagai i le itulau lenei mo faamatalaga e uiga i faamaumauga e faia i le Bluetooth

Fai lou tuipuipui pe afai ua uma ona faatulaga le aso e fai ai

E mafai pea ona fai lou tuipuipui i lalo o le Lapataiga Vaega 4 pe afai ua uma ona faatulaga le aso e fai ai. O le a tatala nofoaga e fai ai tuipuipui. O le a faafoeina nofoaga nei i tulaga o faasā i lalo o le Lapataiga Vaega 4. Matou te fautuaina oe e fai lou tuipuipui e pei ona fuafuaina.

Fai se mea e Ufiufi ai fofoga

I lalo o le Vaega 4, ua faatulafonoina le fai o ufi fofoga:

  • i luga o femalagaiga lautele ma nofoaga e tuua ai se faigamalaga, mo se faataitaiga o nofoaga e faatali ai nofoaafi ma faatali ai pasi
  • pe a asiasi i nofoaga tau tausiga soifua maloloina
  • i so o se pisinisi po o se auaunaga o tatala pea ma e aofia ai fesootaiga ma tagata o faaaogāina auaunaga, e aofia ai supamaketi, faletalavai ma pamu penisini.

E uunaia foi le faia o mea e ufiufi ai fofoga i taimi uma lava e te tuua ai lou fale.

Tagai i le itulau lenei mo faamatalaga e uiga i mea e ufiufi ai fofoga

Feoaiga e faataga i le vaitaimi o le Lapataiga Vaega 4

E faatapulaa femalagaiga i le vaitaimi o le Lapataiga Vaega 4, se'i vagana mafuaaga ua faataga o ta'ua i lalo. Afai o e malaga ona o se mafuaaga ua faataga, e te lē moomia se isi faamaoniga o le faatagana e te malaga ai. Ae e tatau ona e fealuai ma ave se faamaoniga o le faatagana e malaga ai.

Afai ua e maua i āuga o le COVID-19, na e fesootai vavalalata i se tasi ua faamaonia ua aafia i le COVID-19, pe ua faamoania ua aafia i le COVID-19, e lē tatau ona e malaga – tusa lava pe afai o se malaga ua faatagaina – e tatau ona e faanofoesea, ma vili le Healthline mo fautuaga ma fai se siaki.

Moomia se fesoasoani?

Afai o e feagai ma faaletonu tau tupe, meaai, o tulaga i le soifua maloloina o le mafaufau poo le tino, e ono maua le fesoasoani mo oe.

Tagai i le itulau lenei mo faamatalaga e uiga i fesoasoani mo tagata taitoatasi

Tagai i le itulau lenei mo faamatalaga e uiga i fesoasoani mo pisinisi

Last updated: