Soifuaga i le vaitaimi o le vaega 3 | Living at Level 3

Afai ua e maua i le fulū po o āuga o le COVID-19, faamolemole nofo i le fale ma vili le telefoni vili fua a le Healthline i le 0800 358 5453 po o lau fomai mo se fautuaga i le faia o sau siaki. Manatua, e fai fua siaki.

Afai o iai se faalavelave faafuasei, vili vave loa le 111.

I le vaitaimi o le Lapataiga Vaega 3 e tatau ona e:

  • Tausi le mamao e 2 mita mai isi e ese mai tagata o tou nonofo faatasi, po o le 1 mita i totonu o falefaigaluega.
  • Fai se mea e ufiufi ai fofoga:
    • ua atoa le 12 pe luga atu o ou tausaga ma totonu o nofoaga faitele e pei o faletusi, falemataaga ma nofoaga tetele mo faleoloa.
    • o oe o se tasi o le aufaigaluega e gafa ma tagata faatau i se nofoaga o talimalo ai po o nofoaga faitele.
    • e faigata le faamamao (e lē o se tulaga e moomia ae o se faiga e fautuaina malosi).
  • Faamaumau nofoaga o loo e agai i ai ma tagata e te feiloai i ai. Faaaogā le NZ COVID Tracer app, o le api e tusitusi ai fesootaiga mo le NZ COVID-19, po o faamaumauga tusitusia.
  • Nofo i le fale pe afai o e ma‘i. Aua e te alu i le galuega po o le aoga. Aua e te tafao solo.
  • Vili le Healthline e faatulaga le aso e fai ai se siaki pe afai ua aliali ni āuga o le COVID-19. Afai na fai sau siaki o le COVID-19, e tatau ona e faanofoesea i le fale seia maua atu iuga o au siaki sa fai.
  • Faanofoesea vave loa pe afai o le tulaga lea na faailoa atu ia te oe.
  • Fufulu ma solo mago ou lima i taimi uma.

E maua nisi faamatalaga i le:

Tagata o tou faatasi

I le vaitaimi o le Lapataiga Vaega 3, ua faatulafonoina le tatau ona e nofo i lou aiga o loo tou nonofo faatasi pe a iai taimi e te lē o auai ai i le galuega po o le aoga.

O tagata o tou nonofo faatasi o tagata nei tou te fesootai i aso uma. I le vaitaimi o le Lapataiga Vaega 3, e aofia ai tagata tou te nonofo faatasi ma, pe a talafeagai ai, aiga tou te vavalalata, tagata o tuua toatasi po o tagata e vaaia se tasi. E tatau ona toalaiti tagata o tou faatasi.

E lē mafai ona e valaauliaina au uo, aiga ma isi o lou aiga potopoto tou te lē o nonofo faatasi i lou fale

Feiloaiga ma uo ma aiga i le vaitaimi o le Lapataiga Vaega 3

Faatasiga

E mafai ona faia pea faatasiga e lē silia ma le toʻa 10 tagata e auai ai mo faaipoipoga ma maliu.  Ua faatulafonoina le tausisia pea o le faamamao ese mai isi tagata ma tulaga tau soifua maloloina lautele ua faataatia.

Saili nisi faamatalaga e uiga i faatasiga i le vaitaimi o le Lapataiga Vaega 3

Femalagaiga ma Feoaiga

E tapulaa feoaiga e patino i le tagata ma feoaiga tau pisinisi i le vaitaimi o le Lapataiga Vaega 3, ma le va o nofoaga o iai i le vaitaimi o le Lapataiga Vaega 3 ma isi nofoaga e ese ai Vaega o Lapataiga o iai. O se faiga lea e taofia ai le pepesi o le siama.

E iai nisi o femalagaiga tau pisinisi e faatagaina, mo se faataitaiga pe afai e te faigaluega mo se pisinisi po o se auaunaga o faatulaga i le vaitaimi o le Lapataiga Vaega 4.

E faatagaina nisi o femalagaiga patino i le tagata, mo se faataitaiga mo tausiga tau soifua maloloina, faalavelave faafuasei, tuuina atu o le tausiga po o le lagolagosua mo se tasi ua tigaina pe ua lata ina maliu po o tausiga o tamaiti o tau soa le vaaiga. 

Afai e te malaga mo mafuaaga tatau, ia mautinoa o e tauaveina se faamaoniga talafeagai.

Afai e lē faatagaina le mafuaaga e tatau ai ona e malaga, e mafai ona e talosaga mo se tuusaunoaga. E moomia ona ausia e lau talosaga tulaga talafeagai.

Saili i nisi o faamatalaga e uiga i femalagaiga, feoaiga ma tuusaunoaga

Faamalositino ma tafaoga

I le vaitaimi o le Lapataiga Vaega 3, e mafai ona e faamalositino na o oe i le nofoaga o e alaala ai, pe faia faatasi ma isi tagata o tou nonofo faatasi.

O le mea pito sili ona tāua o le maua o lou saogalemu ma faalatalata i lou fale. E mafai ona e alu i le paka po o le matafaga lata ane, ae lē o le nofoaga e te fiafia i ai. Fai meafai e itiiti ai tulaga lamatia e te lē moomia ai ona tau laveai ai oe po o fesoasoani i le falemai.

Taaloga ma tafaoga i le vaitaimi o le Lapataiga Vaega 3

Ufi fofoga ma isi mea e ufiufi ai fofoga

O le tele o nofoaga e tatau ai ona faia mea e ufiufi ai fofoga, e aofia ai auala mo femalagaiga lautele, asiasi ai i nofoaga tausiga tau soifua maloloina, o supamaketi, ma isi nofoaga faitele.

Matou te fautuaina foi oe e fai se mea e ufiufi ai fofoga ma tausisia le 2 mita e faamamao ese ai mai isi tagata pe a e tuua lou fale. Aemaise lava pe afai e faigata ona e faamamao ese mai isi tagata. Mo se faataitaiga, pe a piki se takeaway.

Saili i faamatalaga e te iloa ai tulaga e moomia ai ona e faia se mea e ufiufi ai fofoga

Fesoasoani tau meaai ma le soifuaga

Afai o e feagai ma faaletonu tau tupe, meaai, o tulaga i le soifua maloloina o le mafaufau po o le tino, e ono maua le fesoasoani mo oe.

Tagai i le itulau lenei mo faamatalaga e uiga i fesoasoani mo tagata taitoatasi

Tagai i le itulau lenei mo faamatalaga e uiga i fesoasoani mo pisinisi

Aoaoga

E tatala nofoaga o aoga faataitai, aoga amata, aoga ma aoga maualuluga faaiunivesite mo tamaiti i lalo ifo ma le 14 tausaga le matutua ma o fanau a mātua ma tagata e vaaia isi tagata e tatau ona auai tino i galuega. E saogalemu le auai o tamaiti nei i aoga, ma e tofu lava tamaiti ma faiaoga ma vaega laiti e faatasitasi i ai.

Nofoaga faitele

Ua tapunia nofoaga faitele. E aofia ai faletusi, falemataaga, faletifaga, nofoaga mo faleaiga, falefaamalositino, faleaau, malaetaalo ma maketi.

E lē o le taimi lenei e faatino ai nisi meafai fou, pe faia se tulaga e te ono lamatia ai pe lamatia ai nisi o tou nonofo faatasi. E mafai ona e faia tafaoga e itiiti ai tulaga lamatia i totonu o le nofoaga o e aumau ai.

Falefaigaluega ma pisinisi

I le vaitaimi o le Lapataiga Vaega 3, e tatau i tagata uma ona faigaluega mai le fale pe a mafai. E lē mafai ona tatala lau pisinisi pe afai e vavalalata ai ona fesootai tagata. E mafai e isi pisinisi uma ona tatala e faafoe galuega, ae e iai tulaga e tapulaa. E aofia ai vaega nei:

  • ausia tulaga moomia e faamamao ese ai tagata
  • saunia faiga faaopoopo e tausisia ai le tumamā lelei
  • faamamā ma fufulu i vailaau fola e faaaogā faatasi i taimi uma
  • saunia faiga e lē fesootai ai tagata pe a oka, piki, momoli ma totogi se mea
  • faamautinoa o faia e le aufaigaluega, tagata o faaaogā auaunaga ma tagata asiasi se mea e ufiufi ai fofoga pe a moomia ona latou faia lea tulaga. 

E toalaiti lava pisinisi e mafai ona faataga ai tagata o faaaogāina auaunaga i totonu o le nofoaga o faafoe ai auaunaga, saili po o ai tonu pisinisi nei. E tatau foi i pisinisi ona ausia isi tuutuuga uma tau soifua maloloina ma le saogalemu, tausia lelei le saogalemu o tagata faigaluega ma ausia tulaga maualalo mo galuega. E fautuaina pisinisi e talanoa i tagata faigaluega e iloa ai lamatiaga ma auala e pulea ai.

Faamalosia faamaumauga mo pisinisi ma auaunaga

E iai nisi o pisinisi ma faatasiga e faatulafonoina ona latou faia faiga e mafai ai ona e faamauina sa e iai. E tatau ona sili atu ma le tasi le faiga e mafai ai e tagata ona faamauina nofoaga sa asiasi i ai, aemaise mo tagata e lē mafai ona scan QR codes.

E aofia ai cafes, faleaiga, falekalapu, casinos, konaseti, nofoaga mo tagata matutua, nofoaga tau tausiga soifua maloloina (e lē aofia ai tagata mama'i) faleotiulu, falefaamalositino, falekalapu, faletusi, falefaamasino, pulega faalotoifale ma le malo tele, ma faalapotopotoga mo auaunaga tau agafesootai.

O faiga e mafai ona e faamauina ai le nofoaga sa e asiasi i ai e aofia ai: 

  • faasino tagata e faaaogā le NZ COVID Tracer app
  • faamaumau i se api tagata na faaaogā ma asiasi atu i le nofoaga
  • saunia faamatalaga i se laupepa e faatumu ai mo tagata o faaaogāina auaunaga ma tagata asiasi mo faamatalaga e faafesootai ai ma tuu i totonu o le pusa e ao ese ai 
  • faaaogā faiga o tou faaaogāina e faamaumauina ai tagata e fesootai i le taimi nei, e pei o le swipe-card po o faiga o faatulaga ai tagata e vaai.

E tatau pea i pisinisi ona faaali pea ata tetele o QR code tusa lava pe afai e lē moomia ona latou faamauina tagata na fesootai.

O faamaumauga o faamatalaga e fesootai ai o faamatalaga e patino i le tagata. E tatau ona aoina, faaaogā, teu, faailoa, ma faatama'ia i se faiga saogalemu ma le malupuipuia e tusa ai ma le Privacy Act 2020. 

E sili atu le faaeteetega e mautinoa ai o saogalemu ma malupuipuia isi faiga o faamaumauina ai fesootaiga.

Tatala faamatalaga i le itulau lenei e iloa ai faiga e tausisia ai faamaumauga ma faamaumau ai fesootaiga mo pisinisi

Auaunaga mo Faalavelave Faafuasei i Vaega o Lapataiga uma

E faafoe pea galuega mo auaunaga tau faalavelave faafuasei i lalo o Vaega o Lapataiga uma.

Afai ua tupu se faalavelave faafuasei, mulimulitai i taiala masani mo faalavelave faafuasei po o fautuaga ua tuuina atu e pulega tau faalavelave faafuasei E faamuamua lou saogalemu.

A e iloa ua e saogalemu, ia e faia gaioiga uma e foia ai le salalau o le COVID-19, e pei o le faamamao ese po o le faia o se mea e ufiufi ai fofoga.

Afai ua faamata'uina lou soifua po o meatotino, vili le 111 i taimi uma ma talosaga i ai mo le Police, Fire po o le Ambulance.

Saili i gaioiga e fai pe a tupu se faalavelave faafuasei

Last updated: