Mea e ufiufi ai fofoga ma ufi fofoga | Face coverings and masks

E fesoasoani mea e ufiufi ai fofoga e tuuitiitia ai le salalau o le COVID-19. E fesoasoani e taofia ai le salalau o fāua pe a talanoa, ata, tale pe mafatua se tasi. E aofia ai se tasi ua aafia i le COVID-19 ae o faalogoina e le tagata lea o lo o malosi pe leai ni āuga o aliali.

Mea e ufiufi ai fofoga i lalo o le Lapataiga Vaega 1

Pe a e tuua lou fale

Matou te fautuaina oe e fai se mea e ufiufi ai lou fofoga pe afai e lē mafai ona e faamamao ese mai isi tagata, mo se faataitaiga i totonu o nofoga o tumutumu ai tagata.

Ua faatulafonoina le tatau ona e faia se mea e ufiufi ai fofoga pe a:

  • e malaga i auala mo femalagaiga lautele
  • e malaga i luga o se vaalele.

A e auai atu i le galuega

Ua faatulafonoina le tatau ona e faia se mea e ufiufi ai fofoga pe afai e te faafoe:

  • se taxi po o se taavale e faasoa faatasi ai pasese
  • e malaga i auala mo femalagaiga lautele

Mea e ufiufi ai fofoga i lalo o le Lapataiga Vaega 2

Pe a e tuua lou fale

Ua faatulafonoina le tatau ona e faia se mea e ufiufi ai fofoga pe a e:

  • faaaogāina femalagaiga lautele, vaalele (e aofia ai nofoaga na taunuu ma malaga ese ai e pei o fale e faatali ai nofoaafi ma fale faatalipasi) ma totonu o se taxi po o taavale o faasoa faatasi ai pasese
  • asiasi i se nofoaga tau soifua maloloina po o nofoaga mo tagata matutua
  • totonu o faleoloa tau fefaatauaiga, e pei o supamaketi, faletalavai, nofoaga tetele mo faleoloa, maketi e faia i totonu o nofoaga, e pei o falemataaga ma faletusi
  • asiasi ai i nofoaga faitele i totonu o fale faamasino, pulega faalotoifale a le Malo ma le malo tele, ma faalapotopotoga mo auaunaga tau agafesootai ma ofisa e faafeiloai ai tagata mo auaunaga o moomia.

A e auai atu i le galuega

Ua faatulafonoina le tatau ona e faia se mea e ufiufi ai fofoga pe afai:

  • e te galue i nofoaga e faafesagai ai tagata lautele e pei o se fale faamasino, pulega faalotoifale ma le malo tele po o faalapotopotoga mo auaunaga tau agafesootai
  • o oe o se avetaavale e momolia mea i se nofoaga o nonofo ai tagata — o avetaavale e momolia mea na faatonu e faatoa moomia ona fai se mea e ufiufi ai fofoga pe a e alu i fafo ma le taavale
  • faigaluega i se cafe, faleaiga, falekalapu, fale e gaosia ai supo po o isi meaai po o pisinisi e gaosia meainu e faafesagai ai ma tagata faatau
  • galue i se auaunaga e latalalata ai fesootaiga — mo se faataitaiga, faleotiulu po o fale mo togafitiga e faaaulelei ai fofoga
  • galue i se faleoloa faatau oloa — e aofia ai pisinisi o faafoeina i lalo o le Lapataiga Vaega 3 ma le 4
  • galue i totonu o se nofoaga faitele — mo se faataitaiga, se faletusi, falemataaga po o se falefaamalositino — e lē moomia e tagata faigaluega i faleaau ona faia se mea e ufiufi ai fofoga.
  • e te faafoeina se taxi, taavale e faasoa faatasi ai pasese, vaa, pasi poo se nofoaafi mo femalagaiga lautele — e lē aofia ai pasi mo tamaiti aoga ma vaa i le va o le Motu i Matu ma le Motu i Saute.

Mea e ufiufi ai fofoga i lalo o le Lapataiga Vaega 3

Pe a e tuua lou fale

Matou te fautuaina oe e fai se mea e ufiufi ai fofoga ma tausisia le 2 mita e faamamao ese ai mai isi tagata pe a e tuua lou fale. Aemaise lava pe afai e faigata ona e faamamao ese mai isi tagata. Mo se faataitaiga, pe a piki se takeaway.

Ua faatulafonoina le tatau ona e faia se mea e ufiufi ai fofoga pe a:

  • e malaga i luga o auala mo femalagaiga lautele ma nofoaga na taunuu ma malaga ese ai, mo se faataitaiga malaevaalele, fale faatali ai nofoaafi ma fale faatalipasi
  • e malaga i luga o se vaalele.
  • totonu o taxis po o taavale e faasoa faatasi ai pasese
  • asiasi i se nofoaga tau soifua maloloina
  • asiasi i se nofoaga mo tagata matutua
  • o oe o se tagata faatau po o tagata e faaaogāina auaunaga a se pisinisi po o se auaunaga o faafoe galuega i lalo o vaega nei, mo se faataitaiga supamaketi, faletalavai ma pamu penisini
  • asiasi ai i nofoaga faitele i totonu o fale faamasino, pulega faalotoifale a le malo ma le malo tele, ma faalapotopotoga mo auaunaga tau agafesootai ma ofisa e faafeiloai ai tagata mo auaunaga o moomia.

A e auai atu i le galuega

Ua faatulafonoina le tatau ona e faia se mea e ufiufi ai fofoga pe afai o oe o se tagata faigaluega i galuega e aofia ai fesootaiga ma tagata e faaaogā auaunaga a se pisinisi po o se auaunaga o faafoe i lalo o le Lapataiga Vaega 3. E tatau ona e faia se mea e ufiufi ai fofoga pe afai e te faigaluega:

  • i se supamaketi, dairy, pamu penisini, ofisa tau mavaega, faletalavai, food bank, faletāmea e fai ai e tagata lana ia lava tagamea, faleoloa mo meafaigaluega, fale aano fasi, fale faatau ai figota, fale mo fualaauaina, nofoaga tetele mo faleoloa, faletupe po o le New Zealand Post
  • totonu o nofoaga e faafesagai ai tagata lautele e pei o se fale faamasinoga po o faalapotopotoga mo auaunaga tau agafesootai
  • o se avetaavale e momoli mea i se nofoaga o nonofo ai tagata — e faatoa moomia ona fai se mea e ufiufi ai fofoga pe a e alu i fafo ma le taavale
  • e faafoeina se taxi, taavale e faasoa faatasi ai pasese, vaa, pasi po o se nofoaafi mo femalagaiga lautele — e lē moomia ona e faia se mea e ufiufi ai fofoga i luga o pasi mo tamaiti aoga ma vaa i le va o le Motu i Matu ma le Motu i Saute.

Mea e ufiufi ai fofoga i lalo o le Lapataiga Vaega 4

Pe a e tuua lou fale

Matou te fautuaina oe e fai se mea e ufiufi ai fofoga ma tausisia le 2 mita e faamamao ese ai mai isi tagata pe a e tuua lou fale. Aemaise lava pe afai e faigata ona e faamamao ese mai isi tagata. Mo se faataitaiga, pe a piki se takeaway.

Ua faatulafonoina le tatau ona e faia se mea e ufiufi ai fofoga pe a:

  • e malaga i luga o auala mo femalagaiga lautele ma nofoaga na taunuu ma malaga ese ai, mo se faataitaiga malaevaalele, fale faatali ai nofoaafi ma fale faatalipasi
  • e malaga i luga o se vaalele.
  • totonu o taxis po o taavale e faasoa faatasi ai pasese
  • asiasi i se nofoaga tau soifua maloloina
  • asiasi i se nofoaga mo tagata matutua
  • o oe o se tagata faatau po o tagata e faaaogāina auaunaga a se pisinisi po o se auaunaga o faafoe galuega i lalo o vaega nei, mo se faataitaiga supamaketi, faletalavai ma pamu penisini
  • asiasi ai i nofoaga faitele i totonu o fale faamasino, pulega faalotoifale a le malo ma le malo tele, ma faalapotopotoga mo auaunaga tau agafesootai ma ofisa e faafeiloai ai tagata mo auaunaga o moomia.

A e auai atu i le galuega

Ua faatulafonoina le tatau ona e faia se mea e ufiufi ai fofoga pe afai o oe o se tagata faigaluega i galuega e aofia ai fesootaiga ma tagata e faaaogā auaunaga a se pisinisi po o se auaunaga o faafoe i lalo o le Lapataiga Vaega 4. E tatau ona e faia se mea e ufiufi ai fofoga pe afai e te faigaluega:

  • i se supamaketi, dairy, pamu penisini, ofisa tau mavaega, faletalavai, food bank, faletāmea e fai ai e tagata lana ia lava tagamea, po o faleoloa mo meafaigaluega
  • totonu o nofoaga e faafesagai ai tagata lautele e pei o se fale faamasinoga po o faalapotopotoga mo auaunaga tau agafesootai
  • e faafoeina se taxi, taavale e faasoa faatasi ai pasese, vaa, pasi po o se nofoaafi mo femalagaiga lautele — e lē moomia ona e faia se mea e ufiufi ai fofoga i luga o vaa i le va o le Motu i Matu ma le Motu i Saute.

O ai e lē moomia ona faia se mea e ufiufi ai fofoga?

Matou te iloa e iai nisi tagata e lē atoatoa le malosi o le tino ma le mafaufau po o feagai ma gasegase e lē mafai ai ona faia se mea e ufiufi lelei ai fofoga. Faamolemole manatua tulaga nei. E iai pea le aiatatau a i latou nei e maua ai meaai, faletalavai ma isi auaunaga.

O isi tulaga e mafai ai, e fautuaina lou faia o se mea e ufiufi ai fofoga.

E lē moomia ona faia se mea e ufiufi ai fofoga mo: 

  • tamaiti i lalo ifo ma le 12 tausaga le matutua
  • tamaiti aoga i luga o pasi mo tamaiti aoga
  • i luga o vaa e feaveai ai pasese i le va o le Motu i Matu ma le Motu i Saute
  • i luga o se vaa e leai se nofoaga e tapunipunia ai mo pasese, mo se faataitaiga se vaa mo matamataga faapitoa
  • i luga o se femalagaiga faapitoa po o matamataga faapitoa
  • i luga o faigamalaga tumaoti
  • e avetaavale, pailate, aufaigaluega o se auaunaga pe afai o iai i totonu o se nofoaga e ese mai nofoaga o iai pasese, mo se faataitaiga pailate i totonu o le potu e faafoe ai le vaalele po o avetaavale o nofoaafi.

E te lē moomia foi ona e faia se mea e ufiufi ai fofoga pe afai:

  • e lē saogalemu, mo se faataitaiga e lē mafai ai ona faafoe ma le saogalemu e le avetaavale le taavale
  • ua tupu se faalavelave faafuasei
  • e te feagai ma se gasegase i le tino po o le mafaufau po o manaoga faapitoa e lē fetaui ai le faia o se mea e ufiufi ai fofoga
  • e te moomia ona faamaonia lou tagata moni
  • e te moomia ona fesootai i se tasi e logonoa pe faigata ona lagona lelei mea
  • e te moomia ona inu au fualaau
  • e te moomia ona e 'ai pe inu, pe afai e masani ona faataga ona taumafa meaai po o vaiinu
  • e lē moomia e le tulafono.

Card e tuusaunoa ai le faia o se mea e ufiufi ai fofoga 

Matou te iloa e iai nisi tagata e lē atoatoa le malosi o le tino ma le mafaufau po o feagai ma gasegase e lē mafai ai ona faia se mea e ufiufi lelei ai fofoga. Afai e te lē mafai ona e faia se mea e ufiufi ai fofoga, e mafai ona e maua se exemption card. E mafai ona e faaali lau exemption card pe a moomia.

E mafai ona e talosaga se card mai le Disabled Persons Assembly NZ i le 04 801 9100 po o le info@dpa.org.nz.

Faiga e fai ai se ufi fofoga

  1. Siaki lau ufi fofoga. Ia mautinoa o loo:
    • mamā
    • mago
    • e lē o masae.
  2. Fufulu ou lima. Fufulu ma solo mago muamua ou lima, a o lē i fai lau ufi fofoga. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).
  3. Fai lau ufi fofoga. Tuu le ufi fofoga e pupuni ai lou isu ma lou gutu, nonoa faamau, pe lave manoa i tua o taliga. E tatau i le ufi fofoga ona:
    • pupuni atoa ai lou isu, gutu ma le auvae
    • ofi lelei, mau lelei, pipii lelei i itu o ou foliga
    • faigofie ona e mānava lelei ai.
  4. Toe fufulu ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).

I le taimi o fai ai se ufi fofoga

I le taimi o fai ai lau ufi fofoga, e tatau ona:

  • aua e te lotea le pito i luma o lau ufi fofoga
  • aua e te lotea ou foliga
  • aua le fetosoai lau ufi fofoga, e aofia ai le toso i lalo ifo o lou auvae
  • sui le ufi fofoga pe afai ua amata ona susū, masae pe ua palapalā.

Faiga e aveese ai se ufi fofoga

  1. Fufulu ou lima. Fufulu ma solo mago ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).
  2. Aveese lau ufi fofoga. Aveese lau ufi fofoga mai tua ma toso ese mai ou foliga. Faaaogā manoa pe tatala le nonoa. Aua le lotea le pito i luma o le ufi fofoga, ma faaeteete e aua le lotea ou mata, isu poo le gutu.
  3. Faamamā pe tiaʻi lau ufi fofoga.
    • Faamamā ufi fofoga e fai i ie i se masini tāmea ma se vailaau i le vevela e 60 tikeri. Faamago lelei le ufi fofoga faatoa toe faaaogā ai. Aua le faaaogāina se ufi fofoga o loo susū.
    • Tiaʻi ufi fofoga na o le faatasi lava e mafai ai ona faaaogā. Tuu i se lapisi e iai se tapuni poo se pepa e mafai ona faamau ma tiaʻi ese. Aua nei toe faaaogāina pe taumafai e faamamā ufi fofoga e na o le faatasi lava e mafai ai ona faaaogā.
  4. Toe fufulu ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).

Last updated: