O le siama COVID-19 ma āuga | The COVID-19 virus and symptoms

O le ā le COVID-19 

O le COVID-19 o se ituaiga siama e fou e taʻua o le coronavirus e mafai ona faaletonu ai ou māmā ma ālaʻea. 

O coronavirus o se siama telē ma e eseese siama e maua ai, ma o siama e mafua ai faamaʻi e pei o le fulū masani.

Āuga o le COVID-19

O āuga e aofia ai:

  • se tale faatoa tupu poo se tale ua faateteleina
  • fiva e lē itiiti ifo ma le 38°C
  • tau lē lava le mānava
  • tiga le faaī
  • mafatua ma tafe le isu 
  • lē manogi se mea mo se taimi lē tumau. 

O āuga nei e lē faapea ai ua e aafia i le COVID-19. E tutusa lava āuga nei ma isi faamaʻi e sili atu ona taatele, e pei o le fulū.

O le tau lē lava o le mānava o se faailo o le pneumonia ma e tatau ona vave saili fesoasoani i le falemai.

Afai ua e maua i le fulū poo āuga o le COVID-19 vili lau fomai po o le Healthline i le 0800 611 116 e maua ai se fautuaga i siaki e fai.

Āuga e lē taatele

E iai nisi tagata e ono maua foi i āuga e lē taatele e pei o le: 

  • fiva
  • manava tatā
  • tiga le ulu
  • tiga maso
  • faafaufau ma faasuati
  • fenumiai ma maitaita gofie.

Matou te lē o mautinoa le umi e aliaʻe ai āuga mai le taimi na aafia ai se tasi. E tusa ai ma suesuega a le World Health Organization e 2 i le 10 aso le umi.

E pepesi le COVID-19 i fāua

E pepesi le COVID-19 i fāua mai le tasi tagata i le isi. E mafai ona maua e tagata le siama i mata, isu poo le gutu.

E ono pipisi fāua o loo siamā, pe a tale, mafatua pe talanoa se tasi ua aafia. E fai si tetelē o fāua e lē umi ai se taimi o opeopea i le ʻea, ma e vave lava ona palasi ifo i luga o fola o lata ane.

Last updated: