Kelʻḁkit hün se ʻafʻaf teʻis COVID-19 se teʻ ne iris ne la surum se Niu Sirḁgi | Pre-departure testing for travellers to New Zealand

Matḁ'ut la 'af'af te'is la se sur hoi'ḁkim se Niu Sirḁgi tӓ garue pumuet ne pӓrea 'isa.

Famör ma'oit ne la surum se Niu Sirḁgi kop la 'es 'e ta aier'ḁkiget ne iris kat pō 'e ra 'e COVID-19 ne nāam 'e utut ne aier'åk la a'sokoa garue te'is (accredited laboratory) 'e lalaog ne aoa' he 72 ka kat seminte rou ra utut ne iris noho e.

Te'is hanuḁ tūtū 'atakoa ne kat a'noa 'es ra 'e ta aier'ḁkiget ne mou se 'af'af ta ka kat seminte rou ra utut ne iris noho e:

  • Antarctica
  • Cook Islands
  • Federated States of Micronesia
  • Fiji
  • Kiribati
  • Marshall Islands
  • Nauru
  • New Caledonia
  • Niue
  • Palau
  • Samoa
  • Solomon Islands
  • Tokelau
  • Tonga
  • Tuvalu
  • Vanuatu

Ministerī ne Måür Fakforo a'fūmou'åk vahia te' ne kḁinag aier'ḁkiḁg tes täe la tår hün se 'af'af ta se te' ne ut tūtū 'atakoa ne tore ka kat hat ra Osterelia (Australia) ma te' ne hanuḁ tūtū ne hat la pō raksa' pḁu 'e 'af'af ta (high-risk):

  • Nucleic Acid Amplific tion Testing (NAAT), hat ag'esea ma PCR, RT-PCR ma TMA, ne
  • LAMP, ne
  • antigen test ('e av 'e 'on rereg 'ea viral antigen tests).

Te' ne famӧr ne leum 'e Osterelia (Australia) kop la 'es 'e aier'ḁkiḁg te'is PCR or RT-PCR ka kat seminte rou ra utut ne iris noho e.

Te' ne iris ne la leum 'e utut ne pō raksa' pḁu 'e 'af'af ta kop la kel'åk aier'ḁkiget ne iris kat pō 'e ra 'e af'af ta 'e kḁinag test te'is nasopharyngeal RT-PCR (PCR) 'e ta utut ne aier'åk fak garue la nā aier'ḁkiḁg te'is. 

Pā 'inea rogrog hoi'åk hün se te' ne ut ne pō raksa' 'e 'af'af ta

Te' ne tē ne kop la a'sok hün se pōag ne aier'ḁkiget 'e rēko 'af'af ta ka kat seminte rou ra hanuet ne 'äe noho e

Te' ne lelea' ne kat seminte fḁu ruḁ ra (24 months) kat a'noa 'es ra 'e aier'ḁkiget hün se 'af'af ta.

Te' ne famӧr ne la salam 'e Niu Sirḁgi la la' se ta hanuḁ hoi'ḁkit ka la noh karḁu ma kal hot 'e ra 'e märå' ne 'ahḁifere kat a'noa 'es ra 'e aier'ḁkiget hün se 'af'af ta.

Te' ne famӧr ne kat pō 'e ra la kel'åk hün se 'af'af ta 'e rēko iris ma 'oris 'af'af fakfor 'e 'on 'ihete' kop la kel ma sḁkior 'e ta le' garuet 'e maj ne måür fakforo 'e lalaog ne aoa' 72 ka kat seminte rou ra hanuet ne iris noho e. Lelea' garue se maj te'is kop la nā ta aier'ḁkig fak pukut se 'äea ne af'åk ma rak'åk ne 'äe kat pō 'e ra la kel'åk hün se 'af'af ta 'e rēko 'äe ma 'ou 'af'af fakforot 'e 'on 'ihete' ma 'äe kat 'es ra 'e faki'oag ne COVID-19.

Nōnō ka 'äe kel'åk ma rak'åk ne 'äe pō 'e 'af'af ta, ka aier'åk ne 'e rēko 'äe pō mumuḁ se' 'e COVID-19, 'äe kop la kel ma sḁkior 'e ta le' garuet 'e maj ne måür fakforo (medical practioner) ne la nā ta aier'ḁkiget ne 'äe kat 'es ra 'e faki'oag ne COVID-19.

Nōnō ka 'äe aier'åk ne 'äe kat pō 'e ra 'e 'af'af te'is COVID-19, 'äe kop la 'ea se irisa la nā ta:

  • aier'ḁkiḁg fak pukut la rak'åk terån ne hulet ne 'äe kel'åk mumua ma kat pō 'e ra 'e 'af'af ta, nōnō ka kop la 'es, ma
  • aier'ḁkiget ne få' tape' ma ne iris 'inea ne 'äe kat pō hoi'åk 'e ra 'e COVID-19.

Puk aier'ḁkiga se 'af'af ta la pō la tår 'e ta kḁinag fäeag hoi'ḁkit.

Famӧr na la la'o tä hahan'ḁkiof la hḁifäegag ma ut garueag ne 'ahḁiferet ne iris ne fere se te' ne aier'ḁkiḁg ne iris kop la 'esea ka kat seminte rou ra utut ne iris noho e Iris täe hahan'åk hoi'ḁkiof la sḁkior se te' ne foh se 'af'af ta ma tē ne kop la a'soko se hanuḁ tūtū ne iris la fu' karḁu 'e märå' ne 'ahḁifere.

Foh ne mou se iris ne la surum se Niu Sirḁgi 'oris la kel'ḁkit hün se 'af'af te'is 'e terån mumuet ne iris surum se hanuḁ te'is

'E avat ne iris ne hele'um se Niu Sirḁgi, famӧr ma'oit, kat hat ra iris ne leum ka pō aier'ḁkiget hün se Quarantine-Free Travel, kop la a'sok tē'i:

  • La noh'åk terån 14 'e ut ne väe se noh pū'atā ma karantini
  • kel'åk la hün se PCR COVID-19 'e terån mumue ta, 'on fuag se' iris kop la kel'åk 'e av het ma ne iris hele' 'e te' ne ut ne väe la iris la noh pū'atā
  • kop la nono ma 'e 'oris rumu se av het ne 'oris aier'ḁkiget hün se 'af'af te'is la a'fumou'åk 'e iris ne puer se maj ne 'af'af te'is
  • ka nōnō ka iris la pō 'e ta faki'oag he his ne mou se 'af'af te'is ma iris kop la sur roa se ut ne iris kop la noh pū'atā.

A'fumou'åk ne rogrog ne mou se kel'ak ne 'af'af te'is la hḁiatḁuag ma aoa' he ruaghul ma häk se häkeaghul ma vḁl.

Ka nōnō ka rogrog ne mou se 'af'af te'is la a'fumou'åk ka kat pō 'e ra ma famori kop la noh la a'våh 'oris terån saghul ma häk la fak ma se foh ne matanitū ta nā sin. Iris kop la kel'åk hoi'åk 'e terḁni tē 'on folu 'e laloag ne 'oris noh pū'atā ta ma la a'sok hoi'åk 'e terḁni te 'on saghul ma rua. Se te' ne iris ne kel'åk ma a'fumou'åk ne iris kat pō 'e ra 'e 'af'af te'is COVID-19 ma a'fumou'åk tape' ma 'e majat ne puer se maj ne 'af'af te'is ne iris la noanoa la pō ne la forås'ḁkia 'af'af te'is COVID-19 kop la 'es 'e aier'ḁkiḁg ta mumuḁ la iris la pō la aier'åk la roua utut ne iris noh pū'atā.

Ka nōnō ka rogrog ne 'oris kel'åk ta la a'fumou'åk ne famӧr te'is pō 'e 'af'af ta ma iḁ la sur'åk mij pḁu se ut ne matanitū väe ma ӧs la famori la noh pū'atā, kop ma la mij'åk se' ma kat a'noa ra la kel'åk 'e terån mumue ta.

Sḁkior se te' ne rogrog hoi'åk mou se 'amnåk te'is Quarantine-Free Travel

Pā 'inea rogrog hoi'åk 

Se te' ne rogrog ne mou se ut ne väe se noh pū'atā hün se 'af'af te'is, figalelei ma hat ma sḁkior se https://www.miq.govt.nz/travel-to-new-zealand/arriving-in-nz/ (external link)

Last updated: