‘Ou la far‘åk ne la kō mij ‘e vḁi ne COVID-19 | Applying for an early vaccination

Vḁi ne COVID-19 kat a‘noa tӧg ‘e ra, ma säe ofrḁu se le‘et ma ‘e Niu Sirḁgi ne fḁu 12 se rere ka pā teak ‘e vḁi ta.

Sḁkior se Book My Vaccine, ne heʻ se COVID Vaccination Healthline la fḁi ʻou av het se teak ne vḁi ta.

Sḁkior ne tes ta la rē nōnō ka ‘äe pā far‘åk la kō mij ‘e vḁi ta la pō la ‘äe hot ‘e Niu Sirḁgi hün se ta ‘amnåk mahat ne kop pḁu la a‘sok ne hün se ta ‘amnåk fak matanitū.

‘Äe kat aier‘åk ra la far‘åk la kō mij ‘e vḁi ta nōnō ka kat ‘es ra ta hün leleit la a‘sok.

‘Ou la hotot se ta hanuḁ hoi‘ḁkit ‘e rēko ta ‘amnåk mahat ne kop pḁu la a‘sok

‘Äe la pō se‘ ma la far‘åk la kō mij ‘e vḁi ta nōnō ka ‘äe kop pḁu la la ‘ se ta hanuḁ hoi‘ḁkit la a‘sokoa ta ‘amnåk mahat, fak se:

  • pōag ne hḁiasoag fak tḁku ne vḁi se ta ‘af‘af mahat, ne kat pō ‘e ra la a‘sok ‘e Niu Sirḁgi, se ‘äea ne ta le‘et ne ‘äe matḁ‘u e sin (fak se, ‘ou le‘et)
  • la ås ta ‘ou kḁinag ‘el pḁut ne mafmaf la a‘u‘uḁ ne al
  • la ao potoa ta hḁiasoag fak tḁkut ne vḁi ne la ‘es‘ao se ta le‘et ne ‘äe matḁ‘ sin.

Nōnō ka ‘äe la hot ‘e hanue te‘ ka kat seminte hele‘ ra ‘e rån 31 ne ‘Okosita, ‘äe la pō se‘ ma la nā ‘ou far tē te‘is ‘e online se website ne Ministerī ne Måür Fakforo la pō la kō mij ‘e vḁi ta.

‘Ou la hotot se ta hanuḁ hoi‘ḁkit hün se ta ‘amnåk fak matanitū

‘Äe la pō se‘ ma la aier‘åk la kō mij ‘e vḁi ta nōnō ka ‘äe kop la hot se ta hanuḁ hoi‘ḁkit la:

  • matḁ‘ua ma pärea hanue te‘is Niu Sirḁgi ma ‘on ne‘ne‘ fak matanitū ofrḁu la rē pueran ‘amnåk ne mou se hanue te‘is
  • ‘es väeag ‘e garue hḁiasoag ne aier‘åk fak matanitū ka ne hat tape‘ ma se ‘amnåk ne matanitū Niu Siråg ta fū‘åk se tekäe ne foreign aid, ma ao pot ne pefä‘ ne sok a‘ferehit se hanuḁ ofrḁu, ma hḁiasoag ne hanuḁ tūtū ne Pasefiḁk ta ma hanuḁ ne matanitū Niu Siråg ta matḁ‘ sin, la ao potoa noanoa ne mou se COVID-19.
  • ‘es väeag ‘e ta ‘amnåk ne garue ti‘ut ne a‘sok ‘e ta hanuḁ hoi‘ḁkit ne kop la la‘ la maf‘ḁkia Niu Sirḁgi
  • ‘es väeag ‘e hḁifäegag lamlam ne mou se garue ne matanitū ta (trade negotiations).

Ut garueagat ne majat ne ‘äe garue sin täla a‘sokoa far tē te‘is ‘e rēko ‘äea.

 Puk far tēet la kō mij ‘e vḁi ta (external link)