Teʻ ne ut ne ta leʻet ne pō ʻe ʻafʻaf ta laʻ sin | Locations of interest

ʻE av ne ʻafʻaf teʻis COVID-19 la forås se ʻos pureʻaga, Ministerī ne Måür Fakforo la nā teʻ ne rogrog foʻou se ʻoris website ta ʻe teʻ ne ut ne famӧr ne aʻfumouʻåk pō ʻe COVID-19 laʻ sin, ut ʻi heʻ ʻLocations of interestʻ.

Iḁ tē pumuet la sḁkior nōnō ka ʻäe ʻe utut ne fåʻ ma rakʻåk sin ta famorit pō ʻe ʻafʻaf ta laʻ sin ma av heta tapeʻ ma Nōnō ka ʻäe ʻe ut taʻag, rogrog luket la fåʻ se for ʻon teʻ ne ut ne rakʻḁkiof la ʻäe la ʻinea tes ta la rē. Tēet ne ʻäe kop la aʻsoko la aʻtatḁuʻåk ke se raksaʻ ne utut ne ʻäe laʻ sin.

Nōnō ka ʻäe kat laʻ ra se ta utut ne fåʻ sin, ne nōnō ka ʻäe laʻ se utut ne fåʻ sin ka ʻeagkeʻea av het ne rakʻåk sin, ʻäe noj la ma noh matḁʻ se ʻou måür fakforo ma laʻ la kelʻåk ke nōnō ka ʻäe kamat la pō ʻe fakiʻoag ne ʻafʻaf ta.

Teʻ ne ut ne ta leʻet ne pō ʻe ʻafʻaf ta laʻ sin (external link)