Hḁiasoag fak monē se pesnese | Financial support for businesses

Hḁiasoaga se pesnes ne agtḁu ma tē noanoa hün se COVID-19

Ma‘on ‘amnåk fakgarue ma‘oi te‘is ös la hḁiasoag se pesnese ka la pō ‘e Work and Income.

  • Short Term Absence Payment (external link) - Väeag monē te‘is COVID-19 Short-Term Absence Payment tä säe ofrḁu , ka hele‘ tape‘ ma se iris ne garue se pesneset iris ‘es, la hḁiasoag la togia ‘oris famӧr garue ne kat pō ‘e ra la garue ‘e hanue ta ‘e avat ne iris noh tårtår se ‘oris aier‘ḁkig ne kel‘ḁkit hün se COVID-19.
  • Leave Support Scheme (external link) - Väeag monē te‘is Leave Support Scheme nā se famӧr garue ne aier‘åk la pō, ka hele‘ tape‘ ma se iris ne garue se pesneset iris ‘es, ne kat pō ‘e ra la garue ‘e hanue ta ma ne pō ‘e väeag he his ne mou se måür fakforo, fak se: iris pō ‘e COVID-19 ne rak‘ḁkim ne iris ‘noh hḁi‘eleag se ta le‘et ne pō våh‘ ‘e ‘af‘af ta ma kop la noh pū‘atā la hḁitḁuḁg ma terån saghul ma häk.
  • Resurgence Support Payment (external link) - Väeag monēt ne leum ‘e Inland Revenue Resurgence Support Payment la hḁiasoag se pesnese ‘e ut tūtū ne hanue te‘ ne agtḁu ma noanoa hün se jenjen ne Tohiga.

Ma ‘on hḁiasoag hoi‘åk la pō ‘e Work and Income

  • Ma ‘on hḁiasoag la pō ‘e ut garueag te‘is Work and Income website, he‘ se ‘oris ofes ta ‘e 0800 559 009 ne a‘es‘ao‘åk ‘e MyMSD.
  • Ut garueag ne mou se Work and Income la säe ‘e Tohige tē ‘on Tā ma Rua ka la pā ‘e Tohige tē ‘on Folu ma Häke.
  • Hḁifäegag ne fḁi av la a‘sok ‘e laloag ne Tohige tē‘ ‘on Folu ma Häke la a‘sok ke ‘e telefon ta ‘e ta avat ne fḁi, hḁifäegag ne fḁi av la a‘sok ‘e laloag ne Tohige tē‘ ‘on Tā ma Rua la noh a‘sok la‘ mo ‘e ut ne a‘mou a‘soko e ma la tḁupir se rērē ne fū‘åk våh.
  • Monē ma pån ne leum ‘e Work and Income la noh sok‘åk ma kikia.
  • Ut te‘is Work and Income (external link) website af‘åk sin sal ma väeag monē his ne la pō la hḁiasoag se tekäe te‘is. Väeag monē ‘i säe ma aier‘åk se iris ne garue se ‘oris pesneset iris ‘es.

Last updated: