Vaccine diya oi baade | After your vaccination

Tuar tu hondilla lagito fare Ki gorile gom lagibo Hotte yan shuru gora zaibo
Fuis mairze de e daikka bish, matha hora aar horan lage noto bol furai aye.

Manushe hoyyede ede bhutore yin hamisha oi thake.
Ekkaan thanda, biza hor, noto borof pak diyore dhori rakhiba hotun fan or la.

Fuis mairze de ede no mothiba no goshiba.
6 oite 24 ghontar bhutore. 
Duwa bish, sehet ot gom no la, thanda lage, gat zor aye, zura zura ga bish aar matha gure fan lagito fare. Ziraiba aar besh gori fani ho.

Paracetamol noto ibuprofen hai fariba, so dawai banaiyya okkole ki hoyye haibar babote.

Tuar halot horap oi zargoi endilla oile sehet or babote ham goredde manush okkolor loi talookat goro.
6 oite 24 ghontar bhutore. 


Har dawai zen gori ham gore endilla, vaccine ibar zoriya ekkudilla goriyore onno dilla biyaramor mowka ase hodun manushor bhutore. Yan tuar gaye dawai mari baade zendilla oibar endilla goredde aar yanor mani oilo de ki vaccine diyye de iba ham gorer.

Biyaramor mowka oile o yin beshi kissu no o, dor no aar lamba shomo fan no thake aar yanor zoriya tui tuar dusara fuis mari faribaar tuar fortidinna ham o gori fariba.

Dui nombor bar vaccine di baade yaan beshi funa za de ki onno honodilla biyaramor alamot tura ase.

Dor biyaram oibar mowka o ase mogor yin o de beshi hom manushor tu. New Zealand ot ham goredde vaccine dibo de itarare yin or babote tenning diya giyye. Baze motto ei biyaram yin or zoriya gari noto machine salaite moshkil oito fare. Kudan hassa hono dilla mosiyot hoth faile, meherbani goriyore tuar ham walare yan funaiba.

Tuar tu COVID-19 biyaramor loi talookat ase de endilla alamot oile, mesal noyya gori hamisha hahon, beshi gaar zor/ga gorom noto bash aar shad no for endilla oile, gorot thako aar ugga COVIID-19 test goro.

COVID-19 vaccine iba mari baade tuar tu hono arekdilla biyaram uthal diyye endilla oile, tuar vaccine diyye de iba ye Centre for Adverse Reactions Monitoring (CARM) ot report gora foribo.

Tuiu saile nize baze tuar arekdilla biyaram uthal dile inor babote CARM or website ot forom likhi report gori fariba: otago.ac.nz/carm (external link).

Tui tuar biyaromor babote hot no faile aar halot aro horap oi zar goi de endilla oile, tuar GP fuarti hotha ho noto Healthline ot 0800 358 5453.

Tuare sef rakhiballa beshi zorurot forile, 111 kall goro, aar tarare yan funai do de tui COVID-19 or vaccine mairzo itara tuare sohih torika mozin dawai gori fare fan.

Vaccine e har manushore aaro onno biyaramor tu o soli rakhe, mesal hamisha thandi lagon (flu) aar measles.

Tui aar tuar somazor har manushe sehet or ham goredde itarar loi talookat goriyore vaccine marer ne yin check gori so. Website iba so health.govt.nz/immunisation (external link) aaro malomat okkol zaniballa.

Tuar tu homot 2 haftah fan soi gora foribo tuar dusara vacine or fuis mairi bade aar hono dilla vaccine mara foredde oile.