Ko e tiviaga to hoko e magaaho ke tuku fenoga e tau tagata o fenoga ke he motu ko Niu Silani | Pre-departure testing for travellers to New Zealand

Ko e taofiaga he moko gagao nei ke nofo i fafo i Niu Silani tumau ni ko e ha tautolu a puipuiaga kua mua ue atu ni.

Ko e tau tagata kua amanaki ke tuku fenoga ki Niu Silani kua hāhā i ai e tau hatakiaga ke moua e tiviaga nekativi ke he gagao COVID-19 mai ia he taha he tau fale tivi pauaki, to hoko e 72 e tula to tuku fenoga ai ke he tau motu kehe.

Hanei e tau motu kua nakai putoia ke he tau tiviaga nei to hoko e magaaho ke tuku fenoga ai:

  • Antartica
  • atu Kuki Aelani
  • Federated States of Micronesia
  • Fiti
  • Kilibati
  • Marshall Islands
  • Naulu
  • Niu Kelatonia
  • Niue
  • Palau
  • Samoa
  • Solomona
  • Tokelau
  • Tonga
  • Tuvalu
  • Vanuatu

Hanai e tau tiviaga kua talia he Faahi Malolō Tino kua putoia ai e tau motu oti ka e nakai putoia e motu ko Ausetalia pihia mo e falu a motu kua tu hagahaga kelea lahi:

  • Ko e tiviaga Nucleic Acid Amplification Testing (NAAT), putoia ai e PCR, RT-PCR and TMA, poke
  • LAMP, poke
  • tiviaga antigen test (kua iloa ai foki ko e tiviaga viral antigen test).

Ko e tau tagata o fenoga mai ia he motu ko Ausetalia kua hataki ke moua e tau tiviaga PCR poke RT-PCR tests to tuku fenoga ai.

Ko lautolu e tau tagata o fenoga mai he tau motu kua tu hagahaga kelea lahi kua lata ke fai tohi fakamailoaga ke fakakite e fuafuaaga nekativi nasopharyngeal RT-PCR (PCR) mai ia he taha fale tivi pauaki. 

Fakalaulahi e haau a iloaaga hagaao ia ke he tau motu kua tu hagahaga kelea lahi

Falu a tau hatakiaga ke lata mo e tau tiviaga to tuku fenoga ai

Ko e tau fanau i lalo hifo he ua e tau tau he moui (24 e mahina) kua nakai putoia a lautolu ke he tau tiviaga nei.

Ko lautolu e tau tagata o fenoga ne kua aafe  fakakū ki Niu Silani to oatu ke he taha motu foki mo e kua nonofo ni ki loto he malē vakalele kua nakai lauia a lautolu ke he tau tiviaga nei to tuku fenoga a lautolu.

Ko lautolu e tau tagata o fenoga kua nakai taute e tau tiviaga nei ha ko e tuaga ke he ha lautolu a tau moui malolō tino kua lata ke oatu ke kitia e taha pulotu gahua he Faahi Gahua Malolō tino ki loto he 72 e tula to hoko e magaaho ke tuku fenoga ai. Kua lata he faahi nei ke atu kia koe e taha laupepa fakamailoga ma e tuaga he haau a malolō tino mo e talahau ai kua nakai maeke ia koe ke taute e tau fuafuaaga nei ha ko e haau a tuaga he haau a moui fakamalolō tino mo e nakai hāhā ia koe e tau fakakiteaga he gagao COVID-19.

Kaeke kua fakakite he tiviaga nei to tuku fenoga a koe kua moua a koe he gagao nei, ka e manatu a koe ko e kakano ha kua fita ni he moua e koe e gagao COVID-19 ke he tau magaaho kua mole, kua lata ia koe ke kitia e taha he tau pulotu kua gahua ke he Faahi Gahua Malolō Tino ke maeke ia ia ke tivi a koe poke fai fakakiteaga mooli nakai kua moua e koe e gagao COVID-19 ke he magaaho tonu na.

Kaeke kua iloa moolioli e lautolu nakai moua a koe he gagao COVID-19, kua lata ia lautolu ke tuku atu kia koe e tau mena nai:

  • taha e tohi fakamailoga mai ia he faahi malolō tino ne kua hāhā ki ai e aho ne fakakite ai kua moua e koe e gagao nei (posetivi), kaeke foki kua lauia ai, pihia mo e
  • tohi kua fakakite ai e lautolu kua nakai tuai lauia a koe mo e nakai hāhā kia koe e gagao COVID-19.

Kua talia foki ke he tau tohi mai he faahi malolō tino ne kua tohia ke he ha vagahau motu kehe foki.

Kua hataki fakalahi atu ke he tau tagata o fenoga ke matutaki atu ke he tau kautaha vakalele hagaao ia ke he falu foki a tau fakatokatokaaga ma e tau tiviaga to tuku fenoga ai. Kua hataki foki kia lautolu ke fakakia e tau fakatokatokaaga he falu a motu foki kua amanaki a lautolu ke okioki fakakū atu ki ai.

Ko e tau fakatokatokaaga ma e tiviaga he tau tagata kua amanaki ke tuku fenoga ki Niu Silani he Aho 0

Ko e magaaho ka hoko mai a koe ki Niu Silani, laulahi he tau tagata o fenoga, kua nakai putoia a lautolu ne kua o mai i lalo hifo he tau fenoga nakai nonofo ke he tau kaina puipui fakakuolenetini, kua hataki a lautolu ke:

  • Mui tua atu ke he fakaholoaga ha mautolu ko e 14 e aho ke nofo ai ke he kaina nofo puipui fakakuolenetini.
  • taute ai e taha fuafuaga PCR COVID-19 he Aho 0,i.e ke he magaaho ka hoko atu ai ke he kaina kua fakatoka pauaki ma e nofo puipui fakakuolenetini
  • ke nonofo tumau ki loto he poko to moua mo e katoatoa e tau fakamailoga he tiviaga nei
  • kaeke kua kitia kua fai gagao e tagata ke he magaaho ka hoko mai kehe motu, to uta fakahako ni e tagata nei ke he taha kaina nofo puipui fakakuolenetini.

Kavi ke he 24-48 e tula he mole to moua ai e fakamailoga he tiviaga nei.

Kaeke kua fakakite he tiviaga nei kua nakai moua a lautolu he gagao nei to matutaki ni e nonofo ke he tau kaina nofo puipui fakakuolenetini ke katoa e 14 e aho tuga ni fa mahani ki ai. Kua amanaki foki ke tivi a lautolu ke he aho 3 he ha lautolu a nonofo mo e liu ke tivi foki he aho ke 12 aki. To oatu kehe e tau tagata mai ia he tau kaina nei, laulahi he tau magaaho kua lata ia lautolu ke fakakite kua tivi a lautolu mo e nakai moua he gagao COVID-19 mo e moua foki e taha fakamooliaga mai ia he tau matakau gahua he Faahi Malolō tino kua tote e tuaaga ha lautolu ke moua poke fakapikitia atu ke he falu foki e gagao COVID-19.

Kaeke kua fakakite he tau tiviaga kua moua he tagata e gagao nei to uta tuai ni e tagata nei ke he kaina nofo puipui fakakuolenetini mo e nakai moua e fuafuaaga he aho 0.

Fakalaulahi e haau a iloaaga hagaao ia ke he tau fenoga nakai nonofo kehe tau kaina puipui fakakuolenetini

Falu talahauaaga fakalaulahi 

Kaeke kua manako falu talahauaga fakalaulahi hagaao ia ke he nonofo ke he kaina puipui fakakuolenetini, fakamolemole ti kikite atu ke he https://www.miq.govt.nz/travel-to-new-zealand/arriving-in-nz/ (external link)

Last updated: