Tau mata-patu he hukiaga | Vaccine basics

Ko e vai-huki COVID-19 nakai fai totogi, moua noa, ke lata mo e tau tagata oti a Niu Silani kua molea e 12 he tau-tau moui.

Finatu ke he Book My Vaccine po ke, hea-atu ke he COVID Vaccination Healthline ke fakamau e higoa haau.

Ko hai ka foaki ki ai e vai-huki?

Nakai fai totogi e vai-huki COVID-19, moua noa ti ataina ke he tau tagata oti a Niu Silani.
 
Nakai ko e taha mena e Visa haau po ke totouag citizenship haau. to nakai fakaaoga ha talahauaga kua moua ke lata mo e tau gahua he faahi Immigration.
 
Ko hai kua maeke ke moua e vai-huki COVID-19?

Magaaho fe ka maeke ai a koe ke huki?

Fakamua to puipui atu kia lautolu ne kua ligaliga ke moua he COVID-19 ke he ha lautolu a tau gahuaaga. Ko e puhala nai ke fakatokolalo-aki e matematekelea kaeke kua liu foki tupu e gagao mo e nonofo puipui (lockdown).

Mui mai, ke huki e tau tagata kua ligaliga ke gagao lahi po kua teitei ke mamate kaeke ke moua he moko gagao.

Fakaoti-aki, to huki e tau tagata oti i Aotearoa ne kua molea e 12 he tautau momoui.

Ko e vai-huki kua moua noa ma e tau tagata oti, pete ni kua fai Visa a koe po ke nakai po ke sitisene a koe po ke nakai.

Ka, manako ke fano fenoga hakoe tau matematekelea po ke falu kakano mahuiga, kua lata a koe ke ole-atu ke moua e huki mafiti.

Ole fefe ke moua tuai e huki

Ko e vai-huki mo gahua haau

Ko e vai-huki fe kua lata mo koe

Ko e vai-huki Pfizer ni e vai-huki kua fakaata ke fakaaoga i NIu Silani. Kua moua e tautolu 10 e miliona vai-huki, kua lata ia mo e, lagaua e huki ka moua he 5 e miliona tagata.

Gahua e vai-huki ke fakaako atu ke he tau moko totoko he tino haau ke tau atu mo e mailoga e tau moko gagao.

Ko e vai-huki Pfizer:

  • ko e ogo ke lata mo e vai-huki RNA (mRNA)
  • nakai haha iai ha moko gagao kua moui, po kua mamate po ke tau moko kua nakai gahuahua
  • nakai maeke ke atu e COVID-19 ki a koe
  • nakai, lauia ai e DNA haau
  • nakai haha iai ha moko he tau manu.

kua lata a koe ke moua e huki ke lagaua-aki haau ke he 42 e aho (6 e faahi tapu) he mole atu e huki fakamua.

Kumi atu po ke gahua fefe e vai-huki

Kumi atu, heigoa ka moua kaeke kua moua e huki haau

Kumi atu po ke heigoa ka moua kaeke kua mole-atu e huki haau

Kumi, atu ke lata mo e tau logonaaga kua kehe ke he tino (side effects)

Haohaoaga mitaki mo e hagahaga mitaki he vai-huki

Ko e MedSafe ha Niu Silani kua toka ai e maopoopoaga he tau fuafuaaga ma e tau tohi ole oti ke lata mo e tau vai lakau. Kua lauia ai e tau vai-huki nai.
 
Ke, moua he MedSafe e fakamooliaga ke he vai-huki ke fakaaoga i NIu Silani, kua lata ke moua e talahauaga tonu kua:

  • kua moua e haohaoaga mitaki kua haha iai i Niu Silani
  • ke muitua ke he tau fakatokatokaaga auloa ke lata mo e haohaoaga mitaki mo e hagahaga mitaki he tau gahua.
     

Mua-atu e hagahaga mitaki he vai-huki Pfizer kaeke kua moua lagaua e huki he tagata. Ka katoatoa e huki haau to nakai mukamuka ke moua e koe e tau gagao lalahi.

Kua kitia ke he tau kumikumiaga ko e 95% he tau tagata kua moua e huki lagaua he vai-huki kua moua a lautolu ke puipuiaga mai he tau fakamailoga COVID-19.

Kumi atu po ke gahua fefe e vai-huki

Po ke talaga fefe e vai-huki mo e fakamooli fefe

Ko e ha ne mahuiga lahi ai ke moua e huki

Ka, moua e huki haau, nakai ni kua puipui a koe, ia koe ni. Kua taute ni a koe he haau a vala ke, fakatokolalo hifo-aki, e fe-tufatufa-aki he COVID-19 ke he magafaoa, tau kapitiga mo e komuniti (community) haau.

Kua, lata agaia ni ia koe ke muitua ke he tau matapatu fakailoaaga malolo tino, ka mole atu e huki haau

Mafiti lahi ke talahau po ke maeke nakai ia koe, ke fakaholo-atu e moko gagao kaeke kua katoatoa e huki haau.

Ke, lagomatai ke puipui a koe, magafaoa haau, mo e falu, kua lata ia koe ke matutaki e lagomataiaga ke puipuia e tufatufaaag he COVID-19 he mole atu e huki haau. Manatu ke:

  • Fakatumau ke holoholo e tau lima.
  • Koho mo e tihe ke he ao-tuli-lima.
  • Tau, e tau uufi-mata ke he tau peleo-afi heke auloa.
  • Muitua ke he tau fanoaga haau.
  • Fakamoui e Bluetooth he NZ COVID Tracer app haau.
  • Nofo he kaina, ti hea atu ke he Healthline (0800 358 5453) kaeke kua gagao.

Hokotakiaga ke lata mo e talahauaga he tau fakailoaaga kua nakai hako po ke tau scam

Haha iai loga e tau fakailoaaga onolaini (online) mo e tau puhala uta -tala (social media) e tau talahauaga hagaao ke he vai-huki. to mua-atu e ofoofogia mo e uka ke iloa ko e hae fe e tau fakailoaaga  kua lata ke falanaki ki ai. Kikite kua moua e koe e tau fakailoaaga kua hako mai he tau mouaga fakamatalaaga kua mooli ti aua neke tufatufa fano ato iloa tonu kua mooli.

Moua fefe e tau talahauaga kua falanaki ki ai hagaao ke he vai-huki

Gahua po ke tagata huki

Kumi a mautolu ke he falu a tagata huki ke lagomatai e fakafanoaga he vai-huki.

Kaeke, ko koe taha tagata gahua malolo tino, kua okioki mai he tau gahuaaga mo e nakai gahua ke he fahi malolo tino ke he tau magaaho nai.

Fakamau e higoa haau kaeke kua manako a koe mo taha tagata huki (external link)

Last updated: