Tau logonaaga kua-kehe (side effects) hakoe huki COVID-19 | Side effects of COVID-19 vaccines

Kumikumi atu ke he tau logonaaga kua-kehe hakoe huki mo e heigoa ka taute kaeke kua fakafehagai mo e tau mena ia.

Ko e vai-huki COVID-19 nakai fai totogi, moua noa, ke lata mo e tau tagata oti a Niu Silani kua molea e 12 he tau-tau moui.

Finatu ke he Book My Vaccine po ke, hea-atu ke he COVID Vaccination Healthline ke fakamau e higoa haau.

Tau logonaaga kua-kehe fa mahani mau

Ke tuga e falu a vai-lakau (medicines) to logona e koe e falu a logonaaga kua-kehe ke he 1-2 e aho he mole-atu e huki haau. Kua pihia ni e mena ia mo e talahauaga kua iloa tuai he tino haau ke tau-atu ke he moko gagao.

Ko e tau logonaaga kua -kehe hakoe huki to nakai leva mo e nakai ko e mena ia ke taofi-aki e huki ke lagaua-aki haau. Falu a logonaaga kua -kehe to lauia ai e malolo haau ke fakaholo motoka mo e falu a peleo afi foki.

Ko e falu he tau logonaaga kua-kehe kua fa mahani ki ai:

  • mamahi po ke fufula e mata-huki
  • logona e lolelole mo e mategugu
  • mamahi e ulu
  • mamahi e tau fua-pule
  • makalili
  • mamahi e tau tutaki lima/hui
  • velavela
  • kula e mata-huki
  • fia ko-ko.

Falu he tau logonaaga kua-kehe kua tatai ni kaeke kua mole atu e huki ke lagaua-aki.

Tau logonaaga kua kehe nakai fa mahani ki ai — Minisituli Malolo Tino (external link)

Ka logona kua nakai hagahaga mitaki, maeke a koe ke:

  • tuku-aki e kalaie pala, po ke ice-pack e mata-huki ke he magaaho ku
  • nofo ke okioki ti inu fakalahi e tau vala-vai
  • inu e tau sega-vai palasitamolo (paracetamol) po ke ipupulufene (ibuprofen).

Magaaho fe ke kumi lagomatai ai

Kaeke kua tupetupe a koe po kua logona e nakai malolo mitaki he mole-atu e huki, tutala atu ke he Ekekafo Magafaoa haau po ke tau pulotu malolo tino po ke hea-atu ke he Healthline 0800 358 5453

Ka, tupetupe hakoe haohao mitaki haau, hea e telefoni 111. Tala-age ki ai kua moua tuai e huki COVID-19 haau, ke maeke ia lautolu ke fuafua mo e tivi fakamitaki a koe.

Tau logonaaga kehekehe

Ko e falu he tau logonaaga kua-kehe (side effects) ka mole-atu e huki, hagahagakelea ka e nakai  tupu tumau.

Kaeke kua fai logonaaga hagahagakelea pihia a koe hakoe tau huki ke he tau magaaho kua mole, tala-age ke he tagata huki ka hoko-atu a koe ke he hukiaga.

Ka, fai logonaaga pihia a koe ka finatu ke huki COVID-19, haha iai taha tagata gahua malolo tino ke leveki-atu kia koe mo e kitia kua hagahaga-mitaki a koe.

Hokotaki atu e tau logonaaga kua-kehe (reporting side effects)

Ko e, Centre for Adverse Reactions Monitoring (CARM) ko e tokaaga haia he tau talahauaga hagaao ke he tau logonaaga kua-kehe (side effects) he tau vai-lakau mo e tau vai-huki ha Niu Silani.

Muitua mo e onoono ki ai he matakau ko e CARM e tau fakailoaaga oti ke lagomatai-aki e fakaaogaaga mo e haohao-mitaki he tau vai-lakau kua lata ke fakaaoga.

Kaeke kua manako, kua lata ia koe ke hokotaki atu e tau logonaaga kua-kehe ke he tino haau. Ko e hokotakiaaga he tau logonaaga kua-kehe haau, kua lafilafi atu ke he tokaaga auloa he tau fakailoaaga ke lagomatai-aki e tau fakaholoaga ha Niu Silani ke kitia kua haohao-mitaki.

Holotaki atu e tau logonaaga kua-kehe (side effects) ke he matakau ko e CARM (external link)

Tau hokotaki, ke he tau logonaaga kua-kehe (side effects) ha Niu Silani (external link)