Nonofo ke he Fakapapahiaga 4 | Living at Level 4

Ka moua a koe he velavela, momokoko poke fai fakamailoga tuga e fulu, fakamolemole nofo he kaina mo e vilo e telefoni nakai fai totogi ko e Healthline 0800 358 5453 poke, Ekekafo haau ke moua e fakatonuaga ke sivi fuafua. Manatu, nakai fai totogi e sivi poke tau fuafua nai.

Kaeke kua fai fekau vave a koe, hea fakamafiti ke he Numela telefoni 111.

Ke he Fakapapahiaga 4 kua lata a koe ke:

  • nofo he kaina ato kehe mai kaeke kua fano a koe ke moua he tau koloa mahuiga
  • taofi e fufua haau kia koe ni. Mahuiga lahi ke puipui a lautolu he fufua haau
  • nofo fakamamao ke he 2 e mita mai ia lautolu he fufua-kehe kaeke kua toka e fale haau, ka e finatu ke moua e tau koloa mahuiga
  • finatu ke he paaka ne tata kia koe ke faofao
  • po ke finatu ke he fale koloa ke fakatau kaeke kua nakai mahuiga kia koe
  • gahua mo e fakaako mai kaina. Falu a tagata gahua maeke ke o atu ke gahua ka e haha iai e tau hatakiaga mamafa kua lata ki ai.
  • tau e Pa-mata mo e Pa-gutu ka fano he tau peleo afi heke auloa. Kua hataki atu kua lata foki ke tau e Pa-mata mo e Pa-gutu kaeke kua hagahaga kelea ke tu fakaveha mai he falu a tagata.
  • holoholo mo e fakamomo tumau e tau lima haau ke he tau magaaho oti. Ko e mena kua aoga lahi ke fakaaoga e tau puhala fakamea tuga e holoholo e tau lima, koho po ke tihe ke he ao tuli lima mo e fakatumau ke fakamea e tau fuga lapa fakaaoga tumau.
  • fakamau hifo e tau fanoaga haau ke he puhala ke fakaaoga e NZ Tracer app, po ke pepa uta he tua COVID-19 (tracer booklet) ke tohi e tau tala haau. Maeke he tau puhala nai ke moua mafiti mo e uta he tua e fanoaga haau kaeke kua manako ki ai.

Peehi e mena nai ke moua falu fakailoaaga hagaao ke he moko COVID-19 mo e tau fakamailoga

Peehi e mena nai ke moua falu fakailoaaga hagaao ke he tau Siviaga

Peehi e mena nai ke moua falu fakailoaaga hagaao ke he fakapikiaga Bluetooth

Fano ke moua e huki fakagata haau kaeke kua fakamau haau a higoa

Maeke ia koe ke moua e huki fakagata ke he Fakapapahiaga 4 kaeke kua fakamau haau a higoa. Hafagi e tau fale huki fakagata. Gahua faka makutu ni a lautolu ki lalo hifo he Fakapapahiaga 4. Fakamafana atu a mautolu kia ko e ke moua e huki fakagata haau tuga mo e tau fakahologa kua lata ki ai.

Tui e tau Pa-mata mo e tau Uufi-mata

Ke he fakapapahiaga 4 ko e, mata-fakatufono ke tui e tau uufi-mata ke he:

  • tau matakavi ka heke ai mo e o kehe mai ai tuga, e train station mo e bus stop
  • finatu ke ahiahi ke he fale gagao
  • tau fale pisinisi poke tau fale lagomatai fakafua koloa ne kua hafagi agaia ke he tau tagata, pihia foki ke he fale tala Vai mo e fale fakafua penisini.

Fakamalolo ke fakaaoga e tau Pa mata kaeke kua toka e koe haau a loto kaina.

Peehi e mena nai ke moua falu a fakailoaaga ke he tau Pa mata mo e tau Uufi mata

Tau fakaataaga ke he tau puhala o fano ki lalo hifo he Puipuiaga Numela 4

Hahā i ai e tau fakakaupaaga he tau fenoga o fano i lalo hifo he Puipuiaga Numela 4, ha i ai falu a fakaataaga tuga e tau kakano kua fakakite atu i lalo. Kaeke kua fano fenoga a koe ha ko e taha he tau kakano kua fakatā ki ai, kua nakai tuai putoia a koe ke he ha fakaataaga foki ke fano fenoga ai. Ka e kua lata ia koe ke uta mo koe taha fakamooliaga ke he kakano ne fano fenoga a koe.

Kaeke kua moua e koe e tau fakamailoga ke he gagao COVID-19, pokua kua tata a koe ke he tagata kua positivi ke he gagao COVID-19 poke kua tivi fakapositivi a koe ke he gagao COVID-19, kua nakai lata ia koe ke fano fenoga – pete ni kua moua e fakaataaga – mo e kua lata ia koe ke nofo i kaina, mo e hea e laini he Faahi Malōlō Tino kaeke kua manako ke fakatutala mo e moua haau a tiviaga ke he gagao nei.

Manako Lagomatai?

Kaeke kua matematekelea a koe ha koe tau tupe, tau mena kai, manamanatuaga mo e moui olaola haau, haha iai e tau lagomatai kua lata mo koe.

Peehi e mena nai ma e falu a fakailoaaga lagomatai ke lata mo lautolu taki tokotaha

Peehi e mena nai ma e falu a fakailoaaga lagomatai ma e tau Pisinisi

Last updated: