Nonofo ke he Fakapapahiaga 3 | Living at Level 3

Ka moua a koe he velavela, momokoko poke fai fakamailoga tuga e fulu, fakamolemole nofo he kaina mo e vilo e telefoni nakai fai totogi ko e Healthline 0800 358 5453 poke, Ekekafo haau ke moua e fakatonuaga ke sivi fuafua. Manatu, nakai fai totogi e sivi poke tau fuafua nai.

Kaeke kua fai fekau vave a koe, hea fakamafiti ke he Numela telefoni 111.

Ko e Fakapapahiaga Fakaofo 3 kua mahuiga ia koe ke:

  • Fakavehā mamao mai 2 e mita mo lautolu i fafo he haau a puipuiaga fufua moe fakavehā 1 e mita mai ia lautolu he haau a fale gahua.
  • tau e Pa-mata mo e Pa-gutu ka fano he tau peleo afi heke auloa. Kua hataki atu kua lata foki ke tau e Pa-mata mo e Pa-gutu kaeke kua hagahaga kelea ke tu fakaveha mai he falu a tagata.
  • Tumau ke holoholo fakamitaki ti fakamomō fakamitaki e tau lima haau.
  • Fakamau hifo oti e tau matakavi haau ne fae fano ki ai mo e tau tagata ne fakafetui mo koe. Fakaaoga e NZ COVID Tracer app, poke pepa fakamau higoa Covid-19 tracer, poke fakamau hifo he taha pepa.

Ka gagao a koe, nofo i kaina. Ua fano ke gahua poke fano he aoga. Ua fakafetui mo e falu foki.

Kaeke kua hataki atu kia koe ke nofo kehe mai /fakamamao mai moe falu tagata (isolate) kua hataki atu ke muitua ke he matafakatufono nai.

Kaeke kua taute e tivi COVID-19 haau, ko e matafakatufono mo e hataki atu ke nofo i kaina fakamamao mai mo e falu tagata (self- isolate) ato moua e tau ola hokotaki tivi haau.

Peehi e mena e ke moua e tau fakamaamaaga ke lata mae tau fakamailoga he moko COVID-19

Peehi e naē ke moua e tau fakalaulahiaga hagaao ke he tau tiviaga

Peehi e naē ke moua e tau fakailoaaga ke lata mae Bluetooth tracing

Tau Toloaga

Fakaatā ni ke hogofulu e puke tagata he tau fakapotopotoaga tuga e mauhoana, mauku mo e tangihanga. Mahuiga lahi ke muitua ke he tau hatakiaga ke fakavehā mamao mai he tau tagata

Ko e Fakapapahiaga Fakaofo 3, kua hataki atu mo e kua fakamatafakatufono ke nofo a koe he haau a puipuiaga fufua kaeke kua nakai fano a koe ke gahua poke finatu he aoga. Ato kehe mai kaeke:

  • ko e haau a magafaoa kua tata kia koe
  • ko e tau tagata leveki he tau fanau, tau mamatua motua poke tau tagata ne nakai katoatoa e tau alaga tino mo e tau loto manamanatu.
  • poke fano a koe ke puhala e tau lagomatai ke lata mo lautolu ne kua nonofo fakamamao mai mo e tau tagata (isolate).

Mahuiga lahi ke nofo a koe he haau a puipuiaga fufua. Leveki fakamitaki haau a puipuiaga fufua ke ua fakaatā ha tagata ke he ke finatu ke he haau a kaina.

Tau Pa Mata mo e Tau Pa ihu/gutu (masks)

Ke he fakapapahiaga 3 ko e, mata-fakatufono ke tui e tau uufi-mata ke he:

  • tau matakavi ka heke ai mo e o kehe mai ai tuga, e train station mo e bus stop
  • finatu ke ahiahi ke he fale gagao
  • tau fale pisinisi poke tau fale lagomatai fakafua koloa ne kua hafagi agaia ke he tau tagata, pihia foki ke he fale tala Vai mo e fale fakafua penisini.

Fakamalolo ke fakaaoga e tau Pa mata kaeke kua toka e koe haau a loto kaina.

Peehi e mena e ke moua e tau fakailoaaga hagaao ke he tau pa gutu mo e tau pa ihu

Tau Fakaakoaga he Fakapapahiaga Fakaofo 3

Tau aoga fakamahani, tau aoga he tau fanau ikiiki, tau aoga vahāloto mo e tau aoga tokoluga kua hafagi ni ke lata mae tau fanau he tau mamatua (essential workers). Kua lata tonu e tau fanau nai ke oatu ke he tau aoga.

Tau fenoga ke he tau maaga ne toe

Ko e Fakapapahiaga Fakaofo 3, nakai maeke a koe ke finatu ke he taha maaga i fafo he haau a maaga. Ha hā i ai e tau peehiaga hatakiaga mamafa.

Ko e tau fenoga faka tagata ki fafo poke ki loto he tau maaga he Fakapapahiaga Fakaofo 3 kua nakai mukamuka ke moua e fakaatāaga. Ko e kakano ha ko e tau levekiaga mo e tau puipuiaga ke taofi e gagao neke totolo. Maeke ia koe ke moua e fakaaatāaga kaeke kua mahuiga lahi haau a fenoga ki fafo he haau a maaga nofo mau he tau Fakapapahiaga Fakaofo he tau maaga.

Ko e tau kaina he tau toloaga tagata

Ko e tau kaina toloaga tagata kua tohia he matafakatufono kua nakai maeke ke hafagi. Putoia ai foki e tau fale tohi pepa totou, tau fale kifaga, tau fale kai (food courts), tau fale faofao tino, tau fale koukou, tau fonua fefeua he tau fanau mo e tau makete.

Ko e magaaho nai, nakai ko e magaaho ke kamata foou e tau gahua fakatagata, poke hafagi e kaina haau ke he tau tagata poke fakatupetupe e haau a puipuiaga fufua. Maeke ia koe ke taute e tau matagahua ikiiki tuga e tau faofao tino he haau ni a maaga ne nofo ai.

Tau Fale Gahu mo e Tau Pisinisi

Ko e Fakapapahiaga Fakaofo 3 kua mamafa e tau hatakiaga ke lata mae tau fale gahua ke puipui aki e tau momoui he tau tagata gahua. Tuga ia, ke nakai fai feleveiaga fakatagata mo e tau customers ha ko e lali ke taofi he gagao COVID-19 neke totolo mo e tupu. Hataki atu a mautolu ke gahua i kaina kaeke kua maeke ia koe.

Ke he tau magaaho fakatepetepe

Tau mena mahuiga tuga e Faahi Malolo Tino, Faahi Fakatepetepe, utaaga he tau koloa to matutaki ni ke fakagahua. Tau Pule Gahua he tau faahi ia kua lata ni ke fakatumau e tau malolo tino mo e haohao mitaki kaeke kua fai mena tupu fakatepetepe (tuga e afi, mafuike, sunami mo e falu foki) muitua ke he tau fakaholoaga he tau mena tutupu fakatepetepe. Ko e tau fekau fakatepetepe kua luga hake ke he tau puhala Fakaofo he COVID-19, ka koe tutu, faka veha mai he falu, kua lata ni ke fakatumau.

Manako Lagomatai?

Kaeke kua matematekelea a koe ha koe tau tupe, tau mena kai, manamanatuaga mo e moui olaola haau, haha iai e tau lagomatai kua lata mo koe.

Peehi e mena nai ma e falu a fakailoaaga lagomatai ke lata mo lautolu taki tokotaha

Peehi e mena nai ma e falu a fakailoaaga lagomatai ma e tau Pisinisi

Last updated: