Sivi poke Fuafua | Testing

Ka moua a koe he velavela/kolu poke fai fakamailoga tuga e fulu, fakamolemole nofo he kaina mo e vilo ai totogi e Healthline ke he 0800 358 5453 poke ekekafo haau ke moua e fakatonuaga ke sivi/fuafua. Manatu nakai totogi e sivi poke fuafua.

Kua mahuiga ni ke moua e tautolu e moko gagao ke he tau mena ne ha i ai ke he tau maaga. Kakano kua ole atu a mautolu ke he tau tagata oti kua kitia e tau fakamailoga he COVID-19 ke sivi/fuafua ai kaeke ko e sitisene poke tagata nofo i Niue Silani poke ahiahi.

Ko e sivi/fuafua mo e tau levekiaga ma e COVID-19 kua moua noa mo e ai fai totogi mo e ataina ke he tau tagata oti i Niu Silani pihia mo lautolu ne nakai fai fakaataaga/visa.

To nakai fakakite e tau talahauaga haau ke he Faahi Gahua Immigration New Zealand, pihia ni kaeke kua mooli e sivi haau.

Nakai lata ke fai numela National Health Index (NHI) poke fakakite e ID haau to sivi ai. Kua lata ke fakakite e tau matutakiaga poke nofoaga haau kia lautolu ne sivi ke maeke ke fakafano atu e tali he sivi haau.

Ko e tau matakavi fe ke sivi ai a koe

Fa hiki fano e tau mena ke sivi ai. Ko e mouaga he tonu ko fe e tau siviaga, kumi atu ke he Tau Faahi Falegagao (District Health Boards) mo e tau Uniti/kiliniki Faahi Leveki Malolo Tino (Public Health Units).

Moua e koe e tau fakailoaaga ia ke he tau matutakiaga nai

Faahi Tokelau he Motu / North Island

Faahi Toga he Motu / South Island

Fakagahua fefe e tau fuafuaga sivi

Ka tonuhia ia ko e ke sivi/fuafua ai ke he COVID-19 to uta ai e samapolo ia koe.

Loga e puhala ke moua e samapolo. Ko e puhala ne fakaaoga mau ai ko e moua mai i loto ki tua he ihu haau. Ko e suopo tuga e fulu mamao tote he tama kakau loa.

To uta e samapolo ia ke he lepe ke kumikumi ki ai. Ko e tali neke fai magaaho to moua ai.

Magaaho ka sivi ai a koe to fakakite atu ko e a fe mo e moua fefe e tali ke he sivi haau. Kaeke kua mooli poke nakai mooli e sivi haau, to fakailoa atu ni e tali kia koe.

Kaeke kua sivi ai a koe ti lata ni ke muitua ke he hatakiaga ko e heigoa foki haau ke taute ai.

Fefe kaeke kua mooli e siviaga haau

Kaeke kua mooli e tali he siviaga haau to hea atu e tagata he faahi malolo tino ke tutala mo koe mo e fakamaama e kakano, putoia ai:

  • ko e fiha e leva ke nofo leveki puipui ai a koe
  • ko e heigoa e tau fakatokaaga nofo puipui haau mo e tau tagata he kaina
  • e tau tagata oti ne fakatata lahi kia koe he magaaho ku kua mole ki tua.

To ole atu ni kia koe ke fano ke he taha kaina he fakatufono kaeke kua gagao. Ko e puhala mukamuka ke leveki aki e tau magafaoa/kaina mo e ke ua fakapikitia e gagao. Ko e lagomatai ke puipui e magafaoa mo e maaga/matakavi mai he gagao COVID-19.

Ka moua e tama poke matua poke tagata leveki he COVID-19 mo e kua lata ke fano ke nofo puipui, to gahua fakamooli a mautolu ke nonofo ai haofia e fanau ke he levekiaga he matua poke tagta leveki.

Last updated: