Ko e moko COVID-19 mo e tau fakamailoga | The COVID-19 virus and symptoms

Heigoa kia e COVID-19

Ko e COVID-19 ko e moko kolonavaelasi foou ne lauia e tau mamã mo e hala fafagu haau.

Ko e kolonavaelasi e taha magafaoa lahi mo e loga he tau moko vaelasi ne moua ai e tau gagao tuga e velavela/makalili/kolu.

Tau fakamailoga he COVID-19

Putoia ai e tau mena nai;

  • ko e koho foou poke kua kelea fakahaga
  • ko e fiva/vevela kua 38°C mo e ki luga
  • ku/otioti e fafagu
  • mamahi e pu kakia
  • ko e tihe mo e tafe/pela he ihu
  • galo fakaku e hohogi.

Ko e tau fakamailoga nai nakai pehe kua moua mooli a koe he COVID-19. Tatai e tau fakamailoga mo e falu gagao fa-mahani tuga e fulu mo e tau velavela/makalili/kolu.

Ko e ku he fafagu e taha fakakiteaga ke he gagao nimonia mo e kua lata ni ke tului fakamafiti.

Kaeke kua moua a koe he fulū poke tau fakamailoga COVID-19 hea atu e ekekafo magafaoa haau poke Healthline he numela 0800 611 116 ke moua e tau fakailoaaga ke fano ke moua e tivi.

Tau fakamailoga nakai fa kitia mau

Ko e falu tagata neke moua e tau fakamailoga nakai fa kitia mau ke tuga ni e: 

  • fiva/velavela
  • hi-hi
  • mamahi e ulu
  • mamahi e tau masolo/fuapule
  • hahalua mo e koko
  • nimo e loto mo e manava hogohogo

Nakai la iloa e tautolu ko e leva fefe e gagao he tagata to kitia e tau fakamailoga. Ko e fuafuaaga he World Health Organization ai nei ne fakataitai pehe ai ko e 2 ke he 10 e aho.

Utafano e COVID-19 he tau pukepuke

Utafano/pikitia e COVID-19 he tau pukepuke anu mai he tagata ke he tagata. Moua he tau tagata e moko/vaelasi ke he tau mata, ihu mo e gutu.

Ka koho, tihe poke tutala e tagata gagao to maeke a ia ke tufatufa e tau pukepuke anu ne toka ai e vaelasi. Lalahi ti mamafa e tau pukepuke ia ti mafiti ke mokulu hifo ke he tau mena takatakai fano tuga e tau fuga sefesi/lapalapa.

Last updated: