Fakamoui e Bluetooth tracing | Turn on Bluetooth tracing

Kua fai hikiaga lafi ki luga e NZ COVID Tracer app ke putoia ai foki e fakaholoaga lakau hila bluetooth tracing. Maeke he Bluetooth tracing ke fakailoa atu kia koe kaeke kua tata atu a koe ke he taha tagata ne fakaaoga e app, kua iloa mo e kua fakamooli kua moua he gagao COVID-19.

Ko e Bluetooth tracing, nakai talaga ke uta kehe aki e contact tracing app kua fakaaoga poke NZ COVID Tracer QR codes. Mahuiga ke scan e taqu QR codes ke maeke ia koe ke muitua ke he tau matakavi kua fano a koe ki ai. Ko e Bluetooth tracing ko e lakau hila lafi ki luga, ke lagomatai ke track e tau tagata kua fakafetui mo e feleveia mata mo koe.

Fakagahua fefē?

Ko e magaaho ka fakamoui e koe e Bluetooth tracing, fakagahua kaeke kua fakafano e taha fakailoaaga ID code. Ko e tuga ko e fakafano he foni haau e tau digital high fives ke he falu a tau telefoni ne tata kia koe. Maeke foki he Bluetooth tracing ke fakagahua mo e tapaki (record) ko e tata fefē e falu a foni kia koe, mo e fiha e leva. Ko e tau foni ne maeke ke moua e matutakiaga kia koe kua lata foki ke fakamoui e tau Bluetooth tracing.

Ko e kakano he mena ia, kaeke kua fai tagata kua fakamooli kua moua he COVID-19, maeke ke fakafano atu e fakailoaaga kia koe, mo e ha hā i ai e tau numela IDs ne kua fakafano he foni haau he 14 e aho kua mole ki tua. Kaeke kua iloa he foni haau e tau numela ID nai, mo e kua tata atu a koe mo e maeke ia koe ke maeke ke pikitia, to moua e koe e fakailoaaga fakaofo. Ko e fakailoaaga fakaofo nai to ha hā i ai e tau hatakiaga kia koe mo e tau fakamaamaaga ke puipui aki e moui haau mo e haau a magafaoa.

Onoono e Bluetooth tracing video he laupepa nai ke kitia ko e fakagahua fefē (external link)

Fakamoui fefē?

Laulahi he tau foni maeke he app ke update automatically. Maeke ia koe ke fifili ke update ni e koe e app haau he app store poke play store.

Kaeke kua fitā e app he update, to huhū atu e app kia koe, ko e manako nakai ke fakamoui e Bluetooth tracing. Kaeke kua fakamoui e bluetooth tracing, maeke ke gahua pete ni ka nakai hafagi e app.

Nakai fakaaoga e Bluetooth tracing e mobile data, mo e nakai mafiti ke fakaaoga lahi e puha hila he foni haau ha kua fakaaoga e Bluetooth Low Energy.

Ko e haau a privacy to fai puipuiaga ki ai

Ka fakamoui e koe e bluetooth tracing, to fai puipuiaga ke he privacy haau - Nakai maeke ke fakailoa e matakavi ne ha hā i ai a koe, haau a higoa mo e ha mena taha hagaao kia koe. Nakai maeke foki he Bluetooth tracing ke record a lautolu ne fakalataha mo koe poke mena fe ne fano ki ai a koe.

Ko e kakano he mena ia, kaeke kua moua e koe e taha fakailoaga fakaofo kua tata atu a koe mo e taha tagata kua fakamooli kua moua e COVID-19, ko koe ni ka moua e fakailoaaga ia. Ko e tau fakailoaaga contact tracing oti ne kua fakailoa atu kia koe ke he app nai, to fakamau oti ke he foni, ti ko e fifiliaga haau ko e tau fakailoaaga fe ka fakailoa e koe ke he falu tagata.