Veilakoyaki ena sega ni saumi kina na Korotini | Quarantine-Free Travel

Veilakoyaki ena sega ni saumi kina na Korotini mai:

Ositerelia (Australia) → Niusiladi e Cegu tu mada (Suspended)

Yalovinaka mo raica wasoma nodratou tabana na Veilakoyaki Sega Kina na Korotini ena website ni Unite Against COVID-19 mo kila na itukutuku vou sa vakarautaki.

Ke dua na ituvaki o sotava e vauca na nomu igolegole, o rawa ni veitaratara kei na kabani ni waqavuka, kabani e tuvanaka nomu ilakolako se kabani ni inisua ni nomu lako.

E dau lewai vakacava na Korotini sega ni saumi ena veilakoyaki?

Ena gauna oqo, sa veidinadinati tu o Niusiladi ena veilakoyaki e sega ni saumi kina na korotini kei:

  • Ositerelia
  • Yatu Kuka
  • Niue (ia ena lako ga mai Niue ki Niusiladi)

Na veilakoyaki ka sega ni saumi kina na Korotini ena kedra maliwa na veivanua sai koya na nomu yaco yani ena dua na vanua ka sega ni laki tiko ena itikotiko vakawawa se mo lai tu vakatikitiki e vale ena gauna o yaco mai kina. E sega ni gadrevi mo vakadikevi me vakadeitaki ni sega ni tauvi iko na mate ni bera ni ko biubiu.

E rawa vua e dua me lako yani kina vanua e sega ni saumi kina na korotini ke sa yacova na kena ivakatagedegede ka sa vakamuria talega na veika e gadrevi ena curu vanua.

Ena gauna oqo, e rawa na veilakoyaki sega ni saumi kina na Korotini e baleti Niusiladi ga kei na dua tale na matanitu. Kena ivakaraitaki, e rawa ni o veilakoyaki ka sega ni sauma na Korotini mai na Yatu Kuka ki Niusiladi, ia ena gadrevi mo tiko e Niusiladi me 14 na siga ni bera ni ko lako ki Ositerelia ka sega ni saumi kina na Korotini.

Mo daramaka tiko na iubi ni mata ena nomu veilakoyaki yani se lako mai Niusiladi, vakavo ga ke tiko na veivakadonui ni o vagalalataki kina. Mo daramaka tiko na iubi ni mata e na gauna ko vakayagataka kina na sala ni veilakoyaki e ra vakayagataka na lewenivanua raraba. E so e sega ni gadrevi mera daramaka na iubi ni mata.

Kevaka e veisau na iVakatagedegede ni Tataqomaki e Niusiladi se dua na veisau ena ituvaki ni veilakoyaki ka sega ni saumi kina na Korotini e na vakaraitaki taumada ena Covid19.govt.nz (na website oqo) kei na veitabana ni tukutuku.

Kevaka e sa veitauvi na mate ena kedra maliwa na lewenivanua e Niusiladi se dua tale na vanua e sega ni saumi kina na Korotini, sa na rawa ni tarova tuvakawawa na Matanitu na korotini sega ni saumi me vakadikeva vinaka na ituvaki e yaco, se rawa sara ga ni tarova na veilakoyaki ena loma ni dua na gauna balavu. Mera sa tuvanaka ra tu na veilakoyaki na ka mera cakava ke mani yaco na veisau se vakaleqai nodra veitosoyaki.

Mo raica na itukutuku vou duadua ni veilakoyaki ka sega ni Saumi kina na Korotini

Sega ni saumi na Korotini ena lako mai ki Niusiladi

Mo rawa ni lako mai ki Niusiladi mo kua ni saumi na Korotini. e dodonu mo:

  • vakamuria na veika e gadreva na tabana ni curuvanua
  • vakadikevi me vakadeitaki ni ko sega ni tauvimate ni vo 72 na aua mo biuti Ositerelia
  • mo sa tiko e Niusiladi me 14 na siga se na vanua o lako tiko kina. Kena ivakaraitaki, kevaka ko lako mai Ositerelia e dodonu mo tiko mai Ositerelia se Niusiladi me 14 na siga me rawa kina ni sega ni saumi na korotini ni o veilakoyaki. E rawa ni ko qai lako ena i ka 15 ni siga
  • ko sa vakadikevi ka sega ni tauvi COVID-19 ena loma ni 14 na siga ni ko bera ni biubiu. Kevaka e tauvi iko, e dodonu me sa tiko vei iko e dua na nona ivola na vakailesilesi ni tabana ni bula me vakadeitaka ni o na sega ni rawa ni vakadewataka na mate
  • sega ni waraka tale tiko na macala ni vakadikevi ni COVID-19
  • vakalewena vakaoti na fomu ni bubului ni veilakoyaki (external link) — y ko na sega ni rawa ni vodo ena waqavuka kevaka ko se bera ni vakalewena vakaoti
  • sauma na taro me baleta na ituvaki ni nomu bula ena gauna ko sa vakarau gole kina. Kevaka e tiko e dua na ituvaki vaka tauvimate e yacovi iko kina eso na mate, mo kauta tiko yani e dua na sitivikiti vei vuniwai me kua kina ni o tarovi mo vodo i waqavuka.

Raica eso tale na itukutuku me baleta na veidikevi ni bera na biubiu

Ni ko sa yaco mai ki Niusiladi

Mo volaitukutukutaka vinaka na veivanua ko veilakoyaki kina

Vakayagataka na NZ COVID Tracer app. E sega ni gadrevi mo volia e dua na talevoni ni Niusiladi se me dua nomu akaude ni Apple se Google e Niusiladi mo vakayagataka rawa kina na NZ COVID Tracer.

Downloadtaka na NZ COVID Tracer App mai na App Store (external link)

Downloadtaka na NZ COVID Tracer App ena Google Play (external link)

Tiko ga e vale kevaka ko tauvimate

Kevaka o vakila na liliwa, matetaka se tiko vei iko na ivakatakilakila ni COVID-19, mo tiko ga e vale ka qirita na:

  • naba sega ni sauma ni Tabana ni Bula ena 0800 358 5453
  • nomu vuniwai se
  • nomu dauniveiqaravi ni bula vakaitikotiko.

Ena vakasalataki iko e dua na kenadau se o yacova na ivakatakilakila eso me lai dikevi kina. Qirita rawa na nomu vuniwai ni bera ni ko lako kina kevaka e sa tiko e so na ivakatakilakila.

Gole ki Ositerelia me sega ni saumi na Korotini

Mo rawa ni lako ki Ositerelia me sega ni saumi na Korotini, e dodonu mo:

  • muria kece na ivakatagedegede e gadrevi ena curuvanua
  • mo tiko me 14 na siga e Niusiladi se Ositerelia ni bera ni ko biubiu — kena ibalebale ni o sa rawa ni lako ena ika 15 ni siga
  • vakalewena e dua na fomu ni bubului ni veilakoyaki ena loma ni 72 na aua ni bera ni ko biuti Niusiladi (https://covid19.homeaffairs.gov.au/australia-travel-declaration (external link))
  • sega ni tiko e dua na ivakatakilakila ni COVID-19
  • o veitaratara kei na dua e vakadeitaki ni tauvi COVID-19
  • vakadeitaka rawa ni vakadonui na vuka ka sega ni saumi na Korotini e na veiyasana kei na vanua ko via lako kina. 

Ni ko sa yaco ki Ositerelia

Ni ko sa yaco yani ki Ositerelia, e vica na ka e dodonu mo cakava mo rawa ni taqomaki iko kina, ira na wekamu kei na vo ni lewenivanua mai na COVID-19, e okati kina na nomu vakamuria na ivakasala vinaka ni tiko bulabula kei na maroroi ni itukutuku ni veivanua o lakova se ira o sotava.

Mo kila na itukutuku me baleta na COVID-19, veivanua mo qaqarauni kina, sala veilakoyaki (okati kina na veilakoyaki ena loma tikoga ni vanua) kei na veidikevi, raica na website ni veiyasana ko tiko kina. Tukutuku me baleta na COVID-19 ena veiyasana se na veivanua:

Mo nanuma vinaka tiko na veivanua ko sa veilakoyaki kina

E tiko e dua na vakarau ni tauri tukutuku ni veivanua e lakovi e vakayagataki e Ositerelia taucoko, ia e sa dui tiko talega na kena era dui vakayagataka na veiyasana yadua. E rawa ni o vakayagataka se downloadtaka e levu na app qo ni o vakayagataka nomu SIM CARD ni Niusiladi. Ena rairai vinakati mo vakayagataka e dua na SIM card ni Ositerelia se dua na se naba itikotiko se veitaratara mo rawa ni vakayagataka eso na app qo.

Keitou vakatura me tikoga ena nomu talevoni na app me dua taucoko na vula, de ko mani taura e dua na itukutuku ena gauna o sa biubiu mai kina na vanua o tu kina.

Kevaka ko sega ni rawa se ko sa nanuma mo sa kakua ni vakayagataka na app, mo nanuma tiko mo vakalewena na kemu itukutuku ena veivanua ni bisinisi se so tale na vanua me rawa ni kina na veitaratara. 

Vakayagataka na app ni veitaratara ka vakayagataki vakatabakidua ena veiyasana yadua:

Tiko ga e vale kevaka ko tauvimate

Kevaka ko vakila ni ko sega ni bula vinaka, mo tiko ga ena nomu icili ka qirita na vuniwai me veivakasalataki.

Qirita na tabana ni veivakasalataki ni veicula me baleta na COVID-19 mai Ositerelia ena 1800 020 080. E sega ni saumi na qiri e Ositerelia. E rawa ni ko qiri ena dua ga na gauna ena loma ni 24 na aua ena loma ni 7 na siga e dua na macawa.

Na lako kina Yatu Kua ka sega ni saumi na Korotini

Me kua ni saumi na nomu Korotini mai na Yatu Kuka, e dodonu mo:

  • vakamuria na ivakarau e gadrevi ena curuvanua
  • mo tiko e Niusiladi se na Yatu me 14 na siga ni bera ni ko biubiu — kena ibalebale ni o sa na rawa ni gole ena i ka 15 ni siga se ni oti qori
  • ko sa vakadikevi ka sega ni tauvi iko na COVID-19 ena loma ni 14 na siga ni ko bera ni biubiu. Kevaka sa tauvi iko oti, e dodonu mo vakaraitaka na ivola mai vua e dua na vuniwai ni tabana ni bula e vakamacalataka ni o sa sega ni rawa ni vakadewataka na mate
  • sega ni waraka na macala ni vakadikevi ena COVID-19.

Ni ko sa yaco yani kina Yatu Kuka

Ni ko sa yaco yani kina Yatu Kuka, e tiko e vica na ka e dodonu mo cakava mo taqomaki iko kina, ira na wekamu kei ira na vo ni lewenivanua mai na COVID-19, okati kina nomu vakamuria na ivakarau ni tiko bulabula kei na maroroi ni tukutuku ni veivanua e lakovi.

Raica e so tale na kena itukutuku ena website ni Matanitu mai na Yatu Kua (external link)

Mo volaitukutukutaka vinaka na veivanua ko sa veilakoyaki kina

E duidui mai vei Niusiladi na ivakarau e vakayagataki mai na Yatu Kua. Ena vinakati moni:

  • rejisita ka kauta tiko na CookSafe QR Card ena nomu tabaka na veivanua ko sa lako kina
  • dolava na Bluetooth me vakamuri na vanua e lakovi ena CookSafe+ app.

E rau cakacaka vata na CookSafe+ app kei na NZ COVID Tracer app. E dua ga na Bluetooth e sa tiko na ivakatakilakila (se so na kena 'ki') e sa vakau se ciqo-mi mai na nomu talevoni ka vakayagataki kina e dua na app ena rawa ni laurai mai na dua tale. Era cakacaka vata na app mo rawa kina ni vakau mai kina vei iko na itukutuku ke o tiko volekata e dua a vakayagataka tale tiko ga na app a dikevi ni tauvi koya na COVID-19.

Eso tale na itukutuku me baleta na CookSafe QR Card (external link)

Downloadtaka na CookSafe+ app mai na App Store (external link)

Downloataka na CookSafe+ app mai na Google play (external link)

Tiko ga e vale kevaka ko tauvimate

Kevaka ko sega ni bula vinaka ena Yatu Kua mo tiko ga ena nomu icili ka daramaka na iubi ni mata kevaka e tiko vei iko e dua. Kakua ni vodo se vakayagataka na sala ni veilakoyaki era vakayagataka na lewenivanua mo lesu kina i vale.

Qirita na Tabana ni Vakalasa ni bula mai na Yatu Kuka ena 29667 mo qara ivakasala.

Last updated: