Na vakatovolei ni biubiu ni bera ni lako i Niusiladi | Pre-departure testing for travellers to New Zealand

E neitou sasaga levu ni itataqomaki me kua ni dewa mai Niusiladi na mate.

E gadrevi vei ira e vuqa era via gole mai ki Niusiladi me ra vakadikevi ka vakadeitaki mai na dua na vanua vakadonui ni sega ni tauvi ira na COVID-19 ni vo e 72 na aua me ra biubiu mai.

Ena sega ni gadrevi mera vakadikevi taumada ke ra biubiu mai na veimatanitu qo:

  • Antarctica
  • Yatu Kuka
  • Federated States of Micronesia
  • Viti
  • Kiribati
  • Marshall Islands
  • Nauru
  • New Caledonia
  • Niue
  • Palau
  • Samoa
  • Yatu Solomoni
  • Tokelau
  • Toga
  • Tuvalu
  • Vanuatu

E sa vakadeitaka na Minisitiri ni Bula ni sa vakadonui na veidikevi ena veivanua taucoko vakavo ko Ositerelia kei na veivanua tale eso e ririkotaki sara vakalevu:

  • Na veidikevi na Nucleric Acid Amplification Testing (NAAT), e okati kina na PCR, RT-PCR kei na TMA, se
  • LAMP, se
  • vakadikevi ni antigen (e rawa ni vakatokai talega me vakadikevi ni manumanu ni mate na antigen).

Ko ira era lako mai Ositerelia era gadrevi me vakadikevi ena PCR se na RT-PCR ni bera nira biubiu.

Ko ira era lako mai na veivanua ririkotaki vakalevu e dodonu mera vakaraitaka e dua na ivakadinadina nira sa vakadikevi ena RT-PCR (PCR) mai na dua na vanua ni vakadidike vakadonui ka vakadeitaki nira sega ni tauvi mate. 

Raica eso tale na kedra itukutuku na veivanua ririkotaki vakalevu

iTukutuku raraba me baleta na vakadikevi nira na biubiu

Era sega ni okati mera vakadikevi ni bera nira biubiu ko ira na gone sega ni yabaki rua (24 na vula)

Era sega ni vakadikevi ni bera ni biubiu ko ira era lako curumi Niusiladi ina vanua era lako tiko kina.

E dodonu vei ira kece era sega ni rawa ni vakadikevi ena vuku ni ituvaki ni kedra ituvaki vakatauvimate mera raica taumada e dua na vuniwai ni vo e 72 na aua ni bera nira biubiu.

E dodonu mera vakarautaka e dua na ivola vakavuniwai e vakamacalataka nira sega ni dikevi ena vuku ni kedra ituvaki vakatauvimate qai sega ni laurai vei ira na ivakatakilakila ni COVID-19.

E dodonu mo raica e dua na vuniwai me vakadikevi iko baleta na ivakatakilakila ni mate na COVID-19 kevaka e kunei na mate e na nomu vakadikevi ni bera na biubiu ka vu mai na kena a sa tauvi iko oti e liu na COVID-19.

Kevaka era sa vakadeitaki ni sega ni tauvi iko na COVID-19, e dodonu me ratou solia:

  • e dua na ivola ivakadinadina vakavuniwai kei na tikinisiga ni kena a tauvi ira e liu na mate kevaka e gadrevi, vata kei na
  • ivola me vakadeitaki kina na nodratou nanuma ni sa sega ni rawa ni ko vakadewataka na COVID-19.

E vakadonui talega na ivola vakadinadina vakavuniwai ena duidui vosa.

Era vakasalataki vakabibi na dau veilakoyaki mera taroga na nodra kabani ni waqavuka na ikuri ni veidikevi tale e so e gadrevi ni bera na biubiu. Era vakasalataki talega me taroga na veituvatuva ena gadrevi me muri ena veivanua era na kele kina ena nodra igolegole mai. 

Na siga 0 ni vakadikevi vei ira era lako mai Niusiladi 

E vuqa nira sa yaco mai i Niusiladi, vakavo ko ira era okati ena veilakoyaki e sega ni saumi kina na Korotini, ena gadrevi mera na:

  • Muria na ituvatuva ni tiko me 14 na siga ena itikotiko vakawawa kei na itikotiko ni korotini
  • vakadikevi ena PCR ni COVID-19 ena siga 0, ya na siga era se qai yaco kina ena itikotiko vakawawa e vakarautaka na matanitu
  • tiko ga ena nodra rumu me yacova ni sa yaco mai na macala ni nodra vakadikevi
  • ke kilai ni tauvi ira mai na mate era na kau vakadodonu sara ena itikotiko ni korotini.

E dau taura e 24 ina 48 na aua na kena vakadikevi tiko me qai kilai na kena macala.

Kevaka e sega ni laurai na mate vua e dua e vakadikevi, ena vakacavara ga na 14 na siga ni nona tiko vakawawa. Era na dikevi tale ena rauta na ika 3 ni siga qai dua tale ena rauta na ika 12 ni siga ni nodra tiko ena itikotiko vakawawa. Se mani ituvaki cava ena vinakati me vakadeitaka e dua na vuniwai ni sega ni laurai vei ira na vakadikevi na COVID-19 ena sega tale ga ni vakadewa na mate ni COVID-19 vei ira tale eso ni bera nira biuta mai na itikotiko vakawawa.

Kevaka e laurai ni sa tauva e dua na mate na COVID-19 ena gauna e yaco mai kina ena tokitaki sara ena itikotiko ni korotini, qori sa bau totolo sara ni vakatauvatani kei na veigauna sa oti.

Raica e so tale na itukutuku me baleta na veilakoyaki ena galala ka sega ni Korotini

Eso tale na itukutuku 

Me ikuri ni ivakamacala me baleta na itikotiko vakawawa e qaravi vakavinaka kei na itikotiko ni korotini, kerei moni rai ena https://www.miq.govt.nz/travel-to-new-zealand/arriving-in-nz/ (external link)

Last updated: