Vakadeitaka na gauna mo cula kina e na i cula me tarova na mate na COVID 19 | Booking your COVID-19 vaccination

Ni sa donui iko na kena gauna, sa rawa ni ko vakadeitaka na gauna mo cula kina, e na komipiuta, se e na talevoni.

E sega ni saumi na cula. E dui vakatau sara ga vei keda yadua na noda cula, ia e vakarautaki me baleti keda taucoko na tiko e Niu Siladi, yabaki 12 ka lako cake.

Raica e na komipiuta e na Book My Vaccine, se qiria na tabana e qarava — na COVID Vaccination Healthline, ka veivosakitaka na gauna mo cula kina.

Na vakadeitaki ni gauna ni cula e na komipiuta

Na vakadeitaki ni gauna ni cula e na kena vakayagataki na Book My Vaccine (external link) e na komipiuta, e sala totolo duadua.

Kevaka ko sega ni okati e na nodra i wasewase ko ira era sa rawa ni vakadeitaka na gauna me ra cula kina, e rawa ni ko vakaraitaka mai vei keitou na yacamu, me keitou qai veitaratara yani kei iko me baleta na gauna sa na rawa kina ni ko vakacuruma na yacamu mo cula.

E rawa ni taura e 5 na miniti na balavu ni gauna me qai vakadeitaki rawa kina na gauna ni nomu cula.

Kevaka e dredre na nomu via vakadeitaka na gauna mo cula kina, se mo veisautaka e dua na ka me baleta na kemu i tukutuku, e rawa ni ko veitaratara e na imeli (email) kei na tabana na Book My Vaccine.

Imeli (email): booking@vaccine.covid19.health.nz

Book My Vaccine (external link)

Na vakadeitaki ni gauna ni cula e na talevoni

Na tabana e qarava na veicula e yacana na COVID Vacccination Healthline. E rawa ni ko qiria na tabana oqo e na 0800 28 29 26, mo vakadeitaka na gauna mo cula kina.

E sega ni saumi na qiri oqo, ka rawa na qiri vei ratou e na tadrua ni 8 na kaloko e na mataka, ki na 8 na kaloko e na yakavi bogi e na veisiga e na loma ni macawa. E rawa ni ko kerea me dua e vakadewa vosa vei iko kevaka ko vinakata.

Na ka mo namaka e na gauna ko qiri kina

E rawa ni osooso sara vakalevu na talevoni, ka na rawa ni dede toka na gauna me qai dua e sauma mai na nomu qiri — sa kerei mo wawa toka. Ni sa saumi mai na nomu qiri, e na rawa ni taura e 15 na miniti me qai rawa ni vakadeitaki na gauna mo cula kina.

Ni bera ni ko qiri, vakarautaka rawa toka na nomu naba ni Qaravi e na Tabana ni Bula, na NHI (National Health Index). E na vakatotolotaka na kena lokuci na gauna mo cula kina. Ko na kunea na nomu naba (NHI), e na i vola ni nomu tauri wainimate mai na kemesi (chemist), na i vola me baleta na macala ni nomu ilovi se dikevi, se dua na i vola mai valenibula.

Na sala ni kena veisautaki na tiki ni siga e lokuci mo cula kina

Kevaka ko gadreva mo veisautaka se bokoca laivi na siga sa lokuci tu mo cula kina

Kevaka ko tauvimate ni bera na gauna ni nomu cula

Kevaka ko sega ni bula vinaka e na siga mo cula kina, e dodonu mo veisutaka na siga mo qai cula kina. E rawa ni ko qai cula ni ko sa bula vinaka tale.

Kevaka sa kune vei iko na i vakatakilakila ni mate na COVID 19, la’ki raica e dua na vuniwai me dikevi iko. Tiko ga e vale me yacova ni sa dua na macala ni nomu dikevi. E rawa ni ko qai cula ni sa vakadeitaki ni sega ni tauvi iko na COVID 19. 

Na sala tale e so me rawa kina na cula e na i tatarovi ni mate

Sa tu na sala ni cula me lokuci ka vakadeitaki. Ia, e tu e so tale na sala me muri me rawa kina na cula. E rawa na cula e na vanua ni cakacaka, kei na so tale na mataqali sotasota vaka lewe ni vanua raraba, ka rawa ni taketetaki me gauna tale ga ni veicula.

E na so na vanua ka yawa sara mai na veitikotiko tale e so, era sa na cula vata taucoko ga na veiwasewase vakayabaki, me vakarawarawataka na veiqaravi.

Na cula vua na nomu Vuniwai

Era lewe levu na vuniwai dauveiqaravi raraba, era sa veicula tale ga e na i cula ni COVID 19. Era sa ciqoma tiko na nodra kerekere ko ira era via cula. Raica e na vanua e tabaki kina e na komipiuta na Healthpoint, kevaka ko via kila se rawa ni culai iko na nomu vuniwai e na i cula ni COVID 19.

Na i cula me tarova na COVID-19 — Healthpoint (external link)

Na kerekere me vakatotolotaki na gauna ni cula

E na rawa ni vakatotolotaki na nomu cula kevaka e gadrevi mo lako ki vanua tani e na vuku ni leqa vakavuvale, se dua na ka me baleta na vanua raraba.

Na kerekere me vakatotolotaki na gauna ni cula me baleta na lako ki vanua tani — Minisitiri ni Bula (external link)

Kevaka ko cakacaka e na i yalayala ni vanua ni lako mai vanua tani, se veiqaravi tiko e na i Tikotiko Vakawawa ka ra tiko kina ko ira era korotinitaki (MIQ)

Sa vakaroti me ra cula e na i cula me tarova na COVID 19, ko ira taucoko era cakacaka tiko e na i yalayala ni vanua ni lako mai vanua tani, kei na veivanua ni tiko vakawawa (MIQ).

Keitou na vakadeitaka na matailalai ni sala ni veitaratara kei iko mai na kemu i tukutuku e tiko vei keitou, kei na i taukei ni nomu cakacaka, ka veitaratara yani kei iko me baleta na kena vakadeitaki na gauna mo cula kina.

E dodonu me tiko tale ga na i tukutuku matailalai me baleti iko, e na i vola tukutuku ni tabana e qarava na veicula me baleti kemuni na cakacaka vata, na Border Workforce Testing Register (BTWR). Yalo vinaka, kerea na i taukei ni nomu cakacaka me raica ni sa donu vinaka na i tukutuku matailalai me baleti iko, ka tiko vei ratou (e wili kina na nomu siga ni sucu, naba ni nomu talevoni, kei na na nomu naba ni NHI).

Kevaka ko cakacaka e na i yalayala ni vanua ni lako mai vanua tani, se veiqaravi e na i Tikotiko Vakawawa, ka se bera ni dua e veitaratara yani kei iko me baleta na nomu cula e na i tatarovi ni mate, la’ki veivosakitaka kei koya na i taukei ni nomu cakacaka.

Mo kila na veika tale e so me baleta na veicula vei ira era cakacaka e na i yalayala ni curu vanua mai kei na vanua era tiko kina ko ira era korotinitaki (MIQ)