Na kerekere mo cula totolo e na i cula me tarova na mate na COVID-19 | Applying for an early vaccination

E sega ni saumi na cula. E dui vakatau sara ga vei keda yadua na noda cula, ia e vakarautaki me baleti keda taucoko na tiko e Niu Siladi, yabaki 12 ka lako cake.

Raica e na komipiuta e na Book My Vaccine, se qiria na tabana e qarava — na COVID Vaccination Healthline, ka veivosakitaka na gauna mo cula kina.

Vakaqaqa na ka mo cakava me vakatotolotaki kina na nomu cula, me rawa ni ko lako ki vanua tani mo la‘ki veivuke e na veiqaraviki, se dua na i naki bibi ni matanitu.

E sega ni rawa ni mo kerea mo cula totolo kevaka e dua tani tale na vuna.

Na nomu gole ki vanuatani e na i naki ni veivuke kei na veiqaravi

Ko rawa ni kerea mo cula totolo ke dodonu mo gole ki vanuatani e na i naki ni veivuke kei na veiqaravi:

  • me la‘ki caka na veiqaravi vakavuniwai e gadrevi vei iko se dua tale ko dau qarava (me vakataki luvemu), baleta ni sega ni vakarautaki na veiqaravi oqori e Niu Siladi.
  • sikova e dua na lewe ni nomu vuvale voleka e tauvimate ka sa voleka ni takali nona bula
  • la‘ki qarava ka taqomaka e dua e dau vakararavitaka na nona bula vei iko.

Kevaka ko nakita tiko mo gole ki vanua tani ni bera na i ka 31 ni Okosita, ko rawa ni kerea ga mo cula totolo, e na vanua e tabaki kina e na komipiuta (website) na i tukutuku ni Minisitiri ni Bula.

Na lako e na vuku ni veika e vakabibitaka na matanitu

E na rawa mo cula totolo kevaka e dodonu mo gole ki vanuatani e na dua na i naki oqo:

  • veitaqomaki ni veika e veivauci e na dodonu ni Matanitu ko Niu Siladi me liutaki koya vaka i koya
  • mo la‘ki vakaitavi e na veivuke ka vakadonuya na matanitu ko Niu Siladi+ me qarava, ka tiki tiko ni nona veitokoni e na nodra vukei na lewe ni veivanua e so e na vuku ni veileqa tubu koso, kei na nodra tokoni na lewe ni Wasa Pasifika kei na veivanua tale e so, e na valuti ni mate na COVID-19
  • mo la‘ki vakaitavi e na veika e vakayacori e vuravura raraba, mo matataki Niu Siladi
  • mo la‘ki vakaitavi e na veivosaki bibi ni veivoli ni matanitu raraba.

E na vinakati me kerekere e na vukumu, na i soqosoqo se tabana ni veiqaravi ko tiko kina.

Na kerekere me baleta na cula totolo (external link)