Bula ena Vakatagedegede 4 | Living at Level 4

Ke o batabata se vakila na ivakatakilakila ni matetaka se COVID-19, yalovinaka mo tiko ga e vale qai qirita na naba sega ni saumi ni Healthline na 0800 358 5453 se nomu vuniwai ena ivakasala ni nomu lai dikevi. Nanuma tiko ni sega ni saumi na nomu vakadikevi.

Qirita na 111 kevaka e yaco e dua na leqa tubu vakasauri.

Ena Vakatagedegede 4 e dodonu mo:

  • tiko ga e vale vakavo ke o lakova eso na ka bibi
  • tiko ga kei ira dou vakaitikotiko vata. E bibi mo taqomaki ira dou vakaitikotiko vata
  • me 2 na mita nomu yawaki ira eso tale o sega ni kila ni o biubiu mai vale mo lakova eso na ka bibi
  • gole ga ena dua na rara voleka mo lai vakaukaua yago
  • gole ga ena sitoa ni volivoli o voleka kina
  • cakacaka se vuli ga mai vale. Eso na tamata cakacaka era rawa ni lako i cakacaka, ia e kaukaua sara na vakatatabu e vauca na tikina qo.
  • daramaka na iubi ni ucu kei na gusu ni o vodo ena sala ni veitosoyaki ni lewenivanua, rara ni waqavuka, ena loma ni waqavuka, tekisi se vodo vata, vanua ni veiqaravi ni bula kei na bisinisi e ra dola tiko. Ena vinakati mo na daramaka tale ga na iubi ni ucu kei na gusu kevaka o tiko ena dua na vanua e dredre kina na veiyawaki.
  • savata qai vakamamacataka vakawasoma na ligamu. E bibi mo kauaitaka na tiko savasava, me vaka na nomu savata na ligamu, vu se suru ena maliwa ni duruduru ni ligamu kei na kena sava se qua na veivanua e tarai wasoma.
  • mo nanuma tiko na veivanua o lakova ni o vakayagataka na NZ COVID Tracer app, ivola ni COVID-19 ni veivanua o lakova, se vakavola. Qori ena kilai totolo kina o ira na veitaratara voleka ke vinakati.

Tabaka qo mo kila eso na itukutuku baleta na COVID-19 kei na kena ivakatakilakila

Tabaka qo mo kila na itukutuku ni Vakadikevi

Tabaka qo mo kila na itukutuku ni veitaratara ena Bluetooth

Cula kevaka e sa vakadeitaki na gauna

E rawa ni ko cula ena loma ni ka 4 ni vakatagedegede ni vakatatabu kevaka e sa vakadeitaki na kena gauna. Era na dola tu na vanua ni veicula. Era na veiqaravi ena loma ni Vakatagedegede 4 ni Tataqomaki. Keitou sa vakauqeti kemuni moni cula me vaka na kena inaki.

Daramaka na iubi ni ucu kei na gusu kei na matavulo

Na iubi ni ucu kei na gusu kei na matavulo e gadrevi vakalawa me tokari e na Vakatagedegede 4 ni tataqomaki:

  • ena sala ni veitosoyaki ni lewenivanua kei na vanua ni vakavodo ena sitima ni vanua se basi
  • ena vanua ni veiqaravi ni bula
  • ena bisinisi se veiqaravie ra dola ka ra veivolekati kina na dau volivoli me vaka na sitoa lelevu, sitoa ni volitaki wainimate kei na vakatawa benisini.

E gadrevi talega mo daramaka na iubi ni gusu kei ucu e na gauna ko biubiu mai kina e vale.

Tabaka qo mo kila na itukutuku me baleta na matavulo kei na iubi ni ucu kei na gusu

Veitosoyaki e vakadonui e na Vakatagedegede 4 ni qaqarauni

E vakaiyalayala ga na veilakoyaki ena Vakatagedegede 4 ni qaqarauni vakavo ga ena inaki e ra sa koto e ra. Ena sega ni gadrevi me dua na veivakadonui kevaka e tiko na vuna vakadonui veitosoyaki kina. Ia e dodonu mo kauta tiko e dua na ivakadinadina ni inaki ni nomu veilakoyaki.

Kevaka e tiko vei iko na ivakatakilakila ni COVID-19, veitaratara veivolekati kei na dua e vakadinadinataki ni tauvi COVID-19 se tauvi COVID-19, ia e sega ni dodonu mo lako veitalia kevaka e a sa vakadonui - e dodonu mo tiko vakatikitiki ka qirita na talevoni ni ivakasala ni tabana ni bula ka vakadikevi.

Vinakata na veitokoni?

Ke tarai iko tiko na leqa vakailavo, kakana, vakaleqai na ituvaki ni nomu vakasama kei na nomu bula, sa tiko na veivuke e vakarautaki.

Tabaka qo mo kila eso na itukutuku ni veitokoni vei ira na lewenivanua

Tabaka qo mo kila eso tale na itukutuku ni veitokoni vei ira na vakabisinisi

Last updated: