Bula ena Vakatagedegede 2 | Living at Level 2

Ke o batabata se vakila na ivakatakilakila ni matetaka se COVID-19, yalovinaka mo tiko ga e vale qai qirita na naba sega ni saumi ni Healthline na 0800 358 5453 se nomu vuniwai ena ivakasala ni nomu lai dikevi. Nanuma tiko ni sega ni saumi na nomu vakadikevi.

Qirita na 111 kevaka e yaco e dua na leqa tubu vakasauri.

Ena Vakatagedegede ni Qaqarauni 2 e dodonu mo:

  • Mo veiyawaki me 2 na mita mai vei ira ena taudaku ni vale, se me 1 na mita ena vanua ni cakacaka.
  • Tokara na iubi ni gusu kei na ucu kevaka:
    • kevaka ko sa yabaki 12 se sivia ko tiko ena dua na vanua ni veiqaravi e loma ni vale me vaka na valenivola, vale ni yau makawa maroroi kei na vale lelevu ka ra tu kina e vuqa na sitoa.
    • kevaka ko dua na dau volivoli ka ko veiraici tiko kei na dua na vakailesilesi ni valenikana, otela se dua tale na vanua ni veiqaravi raraba.
    • vdredre na veiyawaki (e dina ni sega ni gadrevi, ia e vakabibitaki).
  • Nanuma vinaka na veivanua ko vakalakova vata kei ira ko raici ira. Vakayagataka na NZ COVID Tracer app na ivola ni NZ COVID tracer se vakavola na kena itukutuku.
  • Tikoga e vale kevaka ko tauvimate. Kakua ni laki vuli. Kakua ni veimaliwai ena lasa.
  • Qirita na talevoni ni Bula na Heathline mo veivosakitaka na nomu gauna ni vakadikevi kevaka ko vakaraitaka e so na ivakatakilakila ni COVID-19. Tiko vakatikitiki e vale kevaka ko sa vakadikevi oti ena COVID-19 me yacova ni ko sa taura na kena macala.
  • Mo tiko vakatikitiki sara ga ena gauna ga e tukuni kina vei iko.
  • Savata qai vakamamacataka vakawasoma na ligamu.

Mo kila eso tale na itukutuku me baleta:

Na soqo e so

E rawa ni ra tiko e na veivanua ni soqo, kei na veivanua soqovi tale e so e:

  • 100 ena dua na loma ni vale
  • 100 ena dua na vanua e tautuba

Na kena ivakarau oqo e vakayagataki ena vei-soqo taucoko, me vaka na vakamau, somate kei na tangihanga, soqoni vakalotu, qito kei na veivakamarautaki ka vaka kina na soqo vakavuvale kei na soqo vaka itaukei.

Na vanua e vakamacalataki me dua ga na vanua e loma se tautuba ka sega ni sema kei na dua tale na vanua.

Kevaka e rua se sivia na vanua e vakamacalataki e ra sa na sega ni rawa ni veimaliwai na tamata e na veivanua lala. Oqo e oka kina na gauna ni curu, biubiu se lako kina na vale ni vakacegu.

E ra sega ni okati kina ko ira e ra vakailesilesi e ra vakarautaka na veiqaravi ena soqo oqo ena loma ni vale se tautuba.

Kevaka e tiko e so na nomu vakailesilesi e loma kei na tautuba, mo na qarauna me ra kakua ni veicurumaki ena dua na gauna. This means making sure you have separate entrances for shared areas — for example bathrooms or counters where people go up to order or pay.

Mo kila eso tale na itukutuku me baleta na Vakatagedegede ni Tataqomaki 2

Na veilakoyaki kei na veitosoyaki

Tikoga e vale kevaka ko tauvimate E rawa ni ko veilakoyaki kevaka ko bula vinaka ena iVakatagedegede ni Qaqauni 2, oka kina na lako ki na dua tale na vanua e tiko e na iVakatagedegede ni Qaqarauni 2. Qarauna me kakua ni yaco kina e dua na leqa.

E vakaiyalayala ga na veilakoyaki me takosova e dua na iyalayala ni Vakatagedegede ni Qaqarauni. Na kena inaki me tarova na tete kei na veitauvi ni manumanu E rawa ni ko takosova na iyalayala ni iVakatagedegede ni Qaqarauni kevaka e vakatarai na ilakolako koya.

E vakatarai e so na veilakoyaki vaka bisinisi. E vakatarai eso na veilakoyaki vakaitaukei me lako ki na tabana ni bula, leqa tubu vakasauri, soli veiqaravi se veitokoni vua e dua e tauvimate bibi vakabalavu se veivuke ena veiqaravi vei ira na gone. 

Kevaka ko takosova e dua na iyalayala me baleta na inaki e vakatarai, qarauna me tiko vei iko ba ivakadinadina ni sa vakadonui.

E rawa ni ko kerea mo kua ni wiliki ena vakatatabu kevaka e sega ni vakadonui na vu ni lako. E na gadrevi me vei sotari na nomu kerekere kei na yavu e vakadonui.

Raica tale e so na itukutuku me baleta na veilakoyaki, veitosoyaki kei na kena e sega ni okati kina

Vakaukaua yago kei na ka ni veivakamarautaki

E rawa ni ko qito ka qarava e so na itavi ni vakacagicagi e na iVakatagedegede ni Qaqarauni 2 kevaka ko rawa ni qarava vakavinaka me kua ni dua na kena leqa. Tikoga e vale kevaka ko tauvimate 

E rawa ni ko qarava e so na itavi me vaka na:

  • taubale, vodo basikeli kei na vakasasa ena qele maroroi
  • qalo ena tobu ni sisili e vakayagataki raraba, ia e na tiko e so na ka e yalani kina
  • lako ki na vanua ni vakaukauwa yago, ia e tiko e so na ka e sega ni vakatarai kina
  • vodo e waqa kei na vakatasosoko ena waqa vaka-idini

Na qito ei na veivakabulabulataki e dodonu me vakamuria talega na idusidusi ni vakasoqoni vata kei na maroroi ni tukutuku.

E dredre me tokari tiko na iubi ni gusu kei na ucu ena gauna ni vakaukauwa yago kei na qito, e sa na sega kina ni vakayagataki na ivakarau koya.

E gadrevi me ra veiyawaki me 2 na mita ena vanua ni vakaukauwa yago, e sa kena ibalebale ni sa na vakaiyalayala ga na kedra iwiliwili ko ira e ra rawa ni tiko kina.

Me tikoga na kemu veiyawaki me 2 na mita mai vei ira koni sega ni veikilai kevaka koni vakaukauwa yago tiko e matanalevu.

iUbi ni mata kei na matavulo

E gadrevi na iubi ni gusu kei na ucu ena vuqa na vanua, okati kina na sala ni veilakoyaki ni lewenivanua raraba, lako kina na tabana ni bula, ena veisitoa lelevu ni volivoli kei na veivanua tale eso ni veiqaravi raraba.

We also encourage you to wear a face covering and keep 2 metres distance from others when leaving your home. Vakabibi kevaka e dredre mo veiyawaki kei ira tale e so. Me kena ivakaraitaki, ena gauna ko laki kauta na kakana vakarautaki me vakayagataki ena dua tale na vanua.

Mo kila na gauna cava mo tokara kina na iubi ni gusu kei na ucu

Na veitokoni ena kakana kei na itikotiko

Ke tarai iko tiko na leqa vakailavo, kakana, vakaleqai na ituvaki ni nomu vakasama kei na nomu bula, sa tiko na veivuke e vakarautaki.

Tabaka qo mo kila eso na itukutuku ni veitokoni vei ira na lewenivanua

Tabaka qo mo kila eso tale na itukutuku ni veitokoni vei ira na vakabisinisi

Vuli

E ra dola tu vanua ni vuli taumada, muri vuli, koronivuli kei na vuli torocake ena veitaba yabaki kece sara.

E ra taqomaki vinaka na gone e koronivuli.

Me ra tikoga e vale na gone kei na itabagone kevaka era:

  • sega ni bula vinaka
  • kunei vei ira na vakavakatakilakila ni COVID-19
  • e tiko vakatikitiki vakataki koya
  • waraka tiko na macala ni vakadikevi ena COVID-19

E tataunaki vakabibi vei ira e ra yabaki 12 se sivia me ra tokara na iubi ni gusu kei na ucu ni ra tiko e koronivuli.

Vanua ni Cakacaka kei na Veibisinisi

E rawa ni dola vei ira na vakailesilesi kei na dau volivoli na veibisinisi e ra vakamuria na veika e gadrevi ena tabana ni bula

E okati ena veika e gadrevi e na tabana ni bula na:

  • vakaraitaka na itaba ni NZ COVID Tracer app QR Cose se tiko tale e dua na sala me tauri kina na kedra itukutuku; ka
  • maroroi na savasava kei na tiko bulabula me vaka na sava ni liga kei na dela ni vanua vakayagataki, vaka kina
  • vakamuri ni tiko veiyawaki.

E rawa ni yaco na veiqaravi e vakarautaki ena nodra vanua na dau volivoli (me vaka na nodra vale) kei na tiko veivolekati (me vaka na dau sasauni kei na veikoti) ka vakamuria na veika e gadrevi ena tabana ni bula. E dodonu me ra tokara na iubi ni gusu kei na ucu ko ira kece era cakacaka vakaveivolekati.

E na sega ni rawa ni dola na vanua ni cakacaka e sega kina ni rawa ni vakamuri na kena ivakarau.

E ra sa vakayaloqaqataki na bisinisi me ra vakayagataka eso tale na iwalewale ni cakacaka ka ra veivosaki kei ira na vakailesilesi me kilai kina na veitikina vakatubuleqa kei na kedra qaravi.

E dodonu me ra vakamuria na bisinisi na veika e gadrevi me baleta na tabana ni bula kei na veitaqomaki, me ra taqomaki vinaka na tamata cakacaka ka vakamuria talega vakavinaka lawa me baleta na isau duadua e ra.

Na kena vakaukauataki me maroroi ni tukutuku kei na veiqaravi bisinisi

E tiko e so na bisinisi kei ira na vakarautaka na soqo ka dodonu vakalawa me tiko na veivanua kei na sala me maroroi na kedra itukutuku na lako yani kina. E dodonu me tiko tale e so na sala me ra vakaraitaka kina na kedra itukutuku vakabibi vei ira e ra sega ni rawa ni vakayagataka na QR Code.

Oqo e oka kina na vei vale ni kana, vale ni gunu, casino, koniseti, tikotiko ni veiqaravi vei ira na qase, tikotiko ni veiqaravi ni bula (sega ni okati kina ko ira na curu), vale ni veikoti, vakaukauwa yago, vanua ni danisi ena bogi, valenivola, valeniveilewai, itini ni matanitu vakaitikotiko kei na matanitu levu, ko ira na dau veiqaravi raraba ka tiko na nodra tabana me qaravi ira na lewenivanua.

Ways you will be able to record your visit include: 

  • kerei ira e so me ra tabaka ka vakayagataka na NZ COVID Tracer app
  • vola na kedra itukutuku na lewenivanua dau volivoli
  • vakarautaka na ivola me ra vakalewena kina na vulagi kei na dau volivoli na kedra itukutuku me ra qai biuta e dua na kato me qai dola vakamalua 
  • vakayagataka na kena ivakarau ko vakayagataka tiko me vakadeitaki kina na kedra itukutuku ko ira e ra sa vakadeitaka na nodra lako yani.

E dodonu vei ira na bisinisi me ea dau vakaraitaka ena nodra lalaga na QR Code me rawa ni ra tabaka kina na dau volivoli na kedra itukutuku.

E ra itukutuku vakaitaukei na itukutuku ni veisiko. E dodonu me ra dau kumuni, vakayagataki, maroroi, vakaraitaki se vakarusai me sala vata kei na Lawa ni Tukutuku Maroroi na Privacy Act 2020. 

Na vei-sala tale e so ni maroroi tukutuku e gadrevi sara kina vakalevu me maroroi ka taqomaki vaka vinaka.

Tabaka i ke me baleta e so tale na itukutuku maroroi kei na itukutuku me baleta na veitosoyaki ni dau volivoli vei ira na bisinisi

Na Veiqaravi ni Leqa Tubukoso e na loma ni gauna ni vei Vakatagedegede ni qaqarauni

E veiqaravi tiko na Tabana ni Veiqaravi ena gauna ni leqa tubu vakasauri e na vei Vakatagedegede kece sara ni Qaqarauni.

Vakamuria na idusidusi ni veika me vakayacori kevaka e yaco e dua na leqa tubu vakasauri se nodra ivakasala na veiliutaki e na tabana ni veiqaravi ni leqa tubukoso. E vakaliuci na nomu taqomaki.

E na gauna ko sa taqomaki kina, qarauna ka tarova na veitauvi ni COVID-19 me vaka na tiko veiyawaki kei na tokari ni ubi gusu kei na ucu.

Kevaka e dua na ka e rawa ni vakaleqa na nomu bula se na nomu iyau, dau qirita ga na 111 ka kerea na Ovisa, Bokobuka se na Lori ni veiusa ena tauvimate.

Mo kila na veika mo cakava ena gauna ni leqa tubukoso

Last updated: