Na matetaka rerevaki na COVID-19 kei na kena ivakatakilakila | The COVID-19 virus and symptoms

Na cava na COVID-19

Na COVID-19 e dua na mate vou e mataqali vata kei na coronavirus, e rawa ni vakaleqa na nomu yatevuso kei na nomu sala ni cagi.

Na coronavirus e dua na vuvale levu ni duidui mate e dau vakavuna na matetaka vaka na batabata e dau veitauvi voli.

iVakatakilakila ni COVID-19

Na ivakatakilakila e okati kina na:

  • tekivu vou ni vu se sa vu toka ena loma ni dua na gauna
  • katakata ni yago rauta ni 38 na dikiri
  • cegu leka
  • kavukavu ni tilotilo
  • surusuru kei na savu ni ucu
  • sega ni boica rawa e dua na ka ena dua na gauna lekaleka.

Na ivakatakilakila qori e sega ni kena ibalebale ni tiko vei iko na COVID-19. E via tautauvata kei ira na mate veitauvi eso me vaka na batabata kei na flu.

Na leka ni cegu e dua na mataqali niumonia qai vinakati totolo na veiqaravi vakavuniwai.

Ke o curumi liliwa, matetaka se laurai vei iko na ivakatakilakila ni COVID-19, qirita nomu vuniwai se na Healthline ena 0800 611 116 ka vakataroga na veika me baleta na nomu vakadikevi.

iVakatakilakila sega ni kilai levu

Eso ena kune vei ira na ivakatakilakila sega ni kilai levu me vaka na:

  • matetaka
  • coka
  • mosi ni ulu
  • momosi ni masela
  • lomaca qai lualua
  • veilecayaki qai cudrucudru

Eda sega ni kila na balavu ni gauna e kunei kina na ivakatakilakila ina gauna e dewa kina vua e dua. Na itukutuku ga mai na World Health Organization e vakaraitaka ni taura e 2 ina 10 na siga.

COVID-19 e dewa ena weli cagina

Na COVID-19 e dewa ena weli cagina mai vua e dua na tamata ina dua tale. E rawa ni dewa na mate ena mata, ucu, se gusu.

Ni vu, suru se vosa o koya e tiko vua na mate ena vakadewa nona weli na mate. Na weli qo e matailelevu toka, sega ni dede na kena kaburaki mai ena tau ena dela ni veika kecega era tu voleka.

Last updated: