E maroroi vakaevei na itukutuku ni veitaratara | How contact tracing works

Sala e veivuke kina na ivola ni veitaratara

Na vakaivolataki ni veitaratara e dua na ituvatuva ni kena kunei qai rawa ni tarai kina e dua a rairai dewavi koya na COVID-19.

Ena gauna sa kilai kina ni tiko vua e dua na COVID-19, sa tiko na iyaragi ena taurivaka na Tabacakacaka ni Bula kei na Tabacakacaka ni Bula ena iTikotiko mera kila kina o cei era a rairai veitaratara voleka kei koya kei ira era na rairai tauvimate tale ga.

Me totolo ga ni kunei ni veitaratara na totolo tale ga ni kena tarovi na dewa ni COVID-19.

Me vukea na tarovi ni dewa ni mate, keitou kerea mo vola tiko na vanua o veitosoyaki kina, qori e okati kina na:

  • Vanua o lako kina.
  • Gauna o lako kina ekea.
  • Koya drau sota.

Sala mo nanuma kina nomu veitosoyaki

O na rawa ni nanuma nomu veitosoyaki ni o:

  • vakayagataka na app me vola tiko nomu veitosoyaki
  • volaitukutukutaka ena dua na ivola
  • maroroya vinaka tiko na ivola ni veitosoyaki
  • tabaka ni vanua o lakova me laurai vata kei na gauna.

Vakayagataka na NZ COVID Tracer app se kena ivola ke rawa, ke sega qai vakayagataka eso tale na iwalewale o kila ni ganiti iko. Uqeti ratou e vale me ratou vakayacora tale ga qori.

NZ COVID Tracer app

Na tracing app ni Niusiladi se ‘NZ COVID Tracer’ ena vukei iko mo vakavola ena nomu talevoni se tablet na veika o cakava.

O rawa ni:

  • tabaka na QR code in matanitu ena veibisini era tiko kina
  • vakalewena ga vakataki iko na veivanua o gole kina e sega kina na QR code.

Sa porokaramutaki tu na app qori me taqomaka qai maroroya na kemu itukutuku.

Na itukutuku cava ga (sega ni okati kina na itukutuku e vauca na wiliwili ni dua na ka) o vakarautaka ena Tabana e vakau kina ena sega ni wasei ena so tale na tabana ni matanitu, vakavo ga o ira nodra itavi vakatabakidua mera raica na taqomaki ni bula yadua ni lewenivanua ena mate na COVID-19. Ena sega ni soli na itukutuku qori vei ratou na ovisa.

Ni sa download, na NZ COVID-19 Tracer app e vakayagataka ga vakalailai nomu data. Ke o kauaitaka beka na vakayagataki ni data ni talevoni, o rawa ni waraka mo sema sara in dua na WiFi mo qai download taka na app.

Na app e rawa ni download ena Apple App Store (external link) se Google Play (external link)

Me ikuri ni ivakamacala me baleta na NZ COVID Tracer app (external link)

iVola na NZ COVID Tracer booklet

O na rairai vakayagataka na ivola na NZ COVID Tracer booklet mo vakavola na veivanua o gole kina ke o sega ni via vakayagataka na NZ COVID Tracer app. Na ivola qori e 30 na tabana, ena rawa ni o vakayagata tu me 1 taucoko na vula.

Ke o vakayagataka na ivola keitou vakatura mo:

  • kauta vata tiko kei iko mo rawa ni vakavola na veivanua o gole kina ena gauna ga o se qai biubiu kina e vale
  • sainitaka na ivola ni veitaratara ni o veisiko ena so na vanua me vaka na sitoa.

Download taka na ivola qai tabaka ena printer

O na rawa ni veisautaka na nomu ituvatuva ni print mo tabaka e levu na drauniveva lala mo volavola kina.

Ota ni ivola

E rawa ni otataki e dua na pakete ivola e tiko kina e 10 na ivola. O rawa ni otataka ga na nomu se mo veisoliyaka ena itikotiko. E sega ni saumi na kena otataki qai taura e 2 ina 3 na macawa me qai yaco yani.

iMelitaka na yacamu, nomu itikotiko, kei na levu ni ivola o vinakata ina Covid19Response@dpmc.govt.nz

iKuri ni itukutuku me baleta na veitaratara

E levu na itutuku me baleta na veitaratara e maroroya tu na Tabana ni Bula.

iVakamacala matailalai me baleta na veitaratara, o ira na okati mera veitaratara voleka kei ira era okati me veitaratara vakavudua (external link)