Afta yu tekem vaksin blong yu | After your vaccination

Bae yu harem olsem wanem Wanem blong mekem Wataem hemia i save stat
Ples blong stik i soa, hed i soa mo yu harem olsem yu taed mo bodi i hevi

Hemia ol i ol saed ifekt we plante man i kasem.
Putum wan kolkol, wetwet kaliko, o aes long ples blong stik long han blong sot taem.

No mas rabem o holem ples blong stik.
blong 6 ko kasem 24 awa 
Masel i soa, yu harem i nogud, kolkol, fiva, ol joen i soa, mo yu harem olsem yu wandem traot. Go ledaon mo dring plante wota.

Yu save dring Paracetamol o Ibuprofen, folem instraksen long paket.

Sapos ol simtom blong yu i go nogud tumas, askem advaes long wan helt profesonal.
Afta 6 go kasem 48 awa


Olsem evri meresin, vaksin i save kosem saed ifekt long sam pipol. Hemia hem i nomol blong bodi i riakt olsem mo i soem se vaksin i stap wok.

Ol saed ifekt ia ol i no strong, bae ol i no afektem yu longtaem, mo bae ol i no stopem yu blong kasem namba tu stik, o blong yu gohed wetem ol wok blong yu olsem oltaem.

Bae plante man ol i save kasem saed ifekt afta long namba tu stik blong vaksin.

Ol strong riaksen long vaksin i save hapen, be hemia i hapen wanwan taem nomo. Ol man blong stikim vaksin long Niu Silan ol i tren blong manejem hemia. Sam saed ifekt ol i save blokem yu blong draev o yusum ol masin, be hemia i blong sot taem nomo. Sapos hemia i hapen, plis toktok wetem bos blong yu.

Sapos yu kasem ol simtom we ol i olsem blong COVID-19, kof we i no stop, strong fiva, o yu nomo save smelem o testem samting o hemia i jenis i no nomol, stap long haos mo askem blong wan COVID-19 test.

Sapos taem ol i stikim yu long COVID-19 vaksin yu harem nogud, hemia i wan riaksen we yu no ekspektem, nes we i stikim yu o helt profesenal i mas ripotem long 'Centre for Adverse Reactions Monitoring' (CARM).

Yu tu yu save ripotem eni riaksen we yu no ekspektem. Yu go long intanet mo yusum onlaen ripot fom long CARM websaet: otago.ac.nz/carm (external link).

Sapos yu no sua long ol simtom blong yu mo yu harem sik i kam o i nogud tumas, toktok wetem dokta blong yu o ringim Healthline long 0800 358 5453.

Sapos yu wari tumas long sefti blong yu, ringim 111 mo mekem sua se yu talem long olgeta se yu kasem COVID-19 vaksin finis mo bae ol i jekem yu gud.

Ol vaksin ol i help blong protektem pipol blong ol difren eij long ol rabis siknes olsem misel mo flu tu.

Jekem se yu mo famle blong yu i kasem evri vaksin taem yu toktok wetem helt provaeda blong yu. Go long intanet long health.govt.nz/immunisation (external link) blong kasem mo infomesen.

Yu mas wet long tu wik o moa afta nambatu stik blong COVID-19 vaksin bifo yu save kasem eni nara vaksin.

Last updated: